وقيعا بولعان ماڭعا جۋرناليستەردىڭ جاقىنداۋىنا، وپەراتورلارعا دەپارتامەنت عيماراتىن تۇسىرۋگە رۇقسات ەتىلگەن جوق. عيماراتقا قاراما-قارسى ورنالاسقان "ەلەك" قوناق ءۇيىنىڭ بەسىنشى قاباتىنان بولىپ جاتقان وقيعانى تاسپاعا باسىپ الماق بولعان "استانا" تەلەارناسىنىڭ جەرگىلىكتى بەينەوپەراتورىن پوليتسەيلەر ۇستاپ اكەتتى. ول ۇلتتىق قاۋىپسىزدىك دەپارتامەنتىنىڭ تەرگەۋشىلەرىنە جارتى ساعاتتاي جاۋاپ بەرگەن. وپەراتور نۇركەن جالمۇحانوۆ تەك تۇسىنىكتەمە جازعان سوڭ بوساپ شىقتى. ازىرگە وبلىستىق ۇلتتىق قاۋىپسىزدىك دەپارتامەنتىندە بولعان وقيعانىڭ ءمان-جايى قۇپيا. وبلىستىق ءىىد-ءنىڭ ءباسپاسوز قىزمەتى دە رەسمي مالىمدەمە جاساۋدى كەيىنگە قالدىردى.

وقيعا بولعان ماڭعا جۋرناليستەردىڭ جاقىنداۋىنا، وپەراتورلارعا دەپارتامەنت عيماراتىن تۇسىرۋگە رۇقسات ەتىلگەن جوق. عيماراتقا قاراما-قارسى ورنالاسقان "ەلەك" قوناق ءۇيىنىڭ بەسىنشى قاباتىنان بولىپ جاتقان وقيعانى تاسپاعا باسىپ الماق بولعان "استانا" تەلەارناسىنىڭ جەرگىلىكتى بەينەوپەراتورىن پوليتسەيلەر ۇستاپ اكەتتى. ول ۇلتتىق قاۋىپسىزدىك دەپارتامەنتىنىڭ تەرگەۋشىلەرىنە جارتى ساعاتتاي جاۋاپ بەرگەن. وپەراتور نۇركەن جالمۇحانوۆ تەك تۇسىنىكتەمە جازعان سوڭ بوساپ شىقتى. ازىرگە وبلىستىق ۇلتتىق قاۋىپسىزدىك دەپارتامەنتىندە بولعان وقيعانىڭ ءمان-جايى قۇپيا. وبلىستىق ءىىد-ءنىڭ ءباسپاسوز قىزمەتى دە رەسمي مالىمدەمە جاساۋدى كەيىنگە قالدىردى.

ازىرشە رەسمي ەمەس مالىمەتتەر بويىنشا ەكى «شاھيد» وزدەرىن عيماراتتىڭ كىرە بەرىسىندە جارىپ جىبەرگەن. ەكەۋى دە ەس-ءتۇسسىز كۇيى اۋرۋحاناعا اكەتكەن.

جاقىن ماڭداعى قوناقۇي قىزمەتشىلەرىنىڭ ايتۋىنشا، كۇدىكتىلەردىڭ ەكەۋى دە ساقالدى جىگىتتەر كورىنەدى. سىرت ءپىشىنى وزدەرىن ۋاحابشى، سالافيت اتايتىن توپ مۇشەلەرىنە كەلەدى-ءمىس. بەلدەرىندە «شاھيدتىك بەلدىك» بولعان. العاشقىسى عيماراتقا كىرىپ كەلگەندە الدىنان كەزەكشى پراپورششيك شىققان. جارىلىس سول كەزدە بولىپتى. وقيعا ورىنىندا جۇرگەن ارىپتەستەرىمىزدىڭ حابارلاۋىنشا، قاۋىپسىزدىك قىزمەتىنىڭ ادامدارى جارادار بولىپ نەمەسە جامانات حابارعا ۇشىراماعان سياقتى. دەگەنمەن، سوڭعى حابارلارعا قاراعاندا ەكى ادام ولگەن ءتارىزدى.

ۇلتتىق قاۋىپسىزدىك كوميتەتىنىڭ ءباسپاسوز قىزمەتى دە قانداي دا ءبىر مالىمەت بەرۋدەن باس تارتتى.