«ءبىز بوكسىمىزدىڭ دەڭگەيى ءوسىپ كەلە جاتقاندىعىن شارشى الاڭدا دالەلدەۋىمىز كەرەك» - رەسپۋبليكالىق باسىلىمدارعا شولۋ
استانا. 19 مامىر. قازاقپارات - قازاق اقپارات اگەنتتىگى رەسپۋبليكالىق باسىلىمداردا 19 مامىر، بەيسەنبى كۇنى شىققان وزەكتى ماتەريالدارعا شولۋدى ۇسىنادى.
***
«كەشە استانادا مەملەكەت باسشىسى نۇرسۇلتان نازارباەۆتىڭ توراعالىق ەتۋىمەن قازاقستان رەسپۋبليكاسى پرەزيدەنتىنىڭ جانىنداعى شەت ەل ينۆەستورلارى كەڭەسىنىڭ 24-ءشى پلەنارلىق وتىرىسى بولىپ ءوتتى. ول «قازاقستاندىق كاسىپورىنداردى جاڭعىرتۋ جانە جاڭارتۋ» دەگەن تاقىرىپقا ارنالدى»، - دەپ جازادى «ەگەمەن قازاقستان» گازەتى بۇگىنگى نومىرىندەگى «جاڭعىرۋ مەن جاڭارۋ» دەگەن تاقىرىپتاعى ماقالاسىندا. باسىلىمنىڭ اتاپ وتۋىنشە، القالى جيىندى قورىتا كەلە ەلباسى ۇستىمىزدەگى جىلى ەل تاۋەلسىزدىگىنىڭ 20 جىلدىعىن اتاپ وتۋگە بايلانىستى جوعارى دەڭگەيدەگى ەكونوميكالىق فورۋمدار مەن شارالار وتكىزۋ جوسپارلانىپ وتىرعاندىعىن ايتا كەلە، شەت ەل ينۆەستورلارى كەڭەسىنىڭ كەلەسى مەرەيتويلىق 25-ءشى وتىرىسىن 2012 جىلدىڭ 22 مامىرىندا استانادا، V استانا ەكونوميكالىق فورۋمىنىڭ قارساڭىندا وتكىزۋدى ۇسىندى.
استانا. 19 مامىر. قازاقپارات - قازاق اقپارات اگەنتتىگى رەسپۋبليكالىق باسىلىمداردا 19 مامىر، بەيسەنبى كۇنى شىققان وزەكتى ماتەريالدارعا شولۋدى ۇسىنادى.
***
«كەشە استانادا مەملەكەت باسشىسى نۇرسۇلتان نازارباەۆتىڭ توراعالىق ەتۋىمەن قازاقستان رەسپۋبليكاسى پرەزيدەنتىنىڭ جانىنداعى شەت ەل ينۆەستورلارى كەڭەسىنىڭ 24-ءشى پلەنارلىق وتىرىسى بولىپ ءوتتى. ول «قازاقستاندىق كاسىپورىنداردى جاڭعىرتۋ جانە جاڭارتۋ» دەگەن تاقىرىپقا ارنالدى»، - دەپ جازادى «ەگەمەن قازاقستان» گازەتى بۇگىنگى نومىرىندەگى «جاڭعىرۋ مەن جاڭارۋ» دەگەن تاقىرىپتاعى ماقالاسىندا. باسىلىمنىڭ اتاپ وتۋىنشە، القالى جيىندى قورىتا كەلە ەلباسى ۇستىمىزدەگى جىلى ەل تاۋەلسىزدىگىنىڭ 20 جىلدىعىن اتاپ وتۋگە بايلانىستى جوعارى دەڭگەيدەگى ەكونوميكالىق فورۋمدار مەن شارالار وتكىزۋ جوسپارلانىپ وتىرعاندىعىن ايتا كەلە، شەت ەل ينۆەستورلارى كەڭەسىنىڭ كەلەسى مەرەيتويلىق 25-ءشى وتىرىسىن 2012 جىلدىڭ 22 مامىرىندا استانادا، V استانا ەكونوميكالىق فورۋمىنىڭ قارساڭىندا وتكىزۋدى ۇسىندى.
«ەگەمەن قازاقستان» گازەتىنىڭ جازۋىنشا، كەشە قر سىرتقى ىستەر ءمينيسترى ەرجان قازىحانوۆ ءبىزدىڭ ەلگە العاش رەت رەسمي ساپارمەن كەلگەن ءوزىنىڭ مالايزيالىق ارىپتەسى داتو شري انيفا امانمەن كەزدەسۋ وتكىزدى. كەزدەسۋ اياسىندا ەكىجاقتى ىنتىماقتاستىق جانە قازاقستان مەن مالايزيانىڭ حالىقارالىق قوعامداستىق پەن ۇيىمدار شەڭبەرىندەگى ءوزارا ىقپالداستىعىنىڭ وزەكتى ماسەلەلەرى بويىنشا پىكىر الماسىلدى. سونىمەن قاتار جوعارى دەڭگەيدەگى كەزەكتى كەزدەسۋگە دايىندىق ماسەلەلەرى قاراستىرىلدى. اتالعان كەزدەسۋ مالايزيا پرەمەر-ءمينيسترى نادجيب تۋن ابدۋل رازاكتىڭ قازاقستانعا جاۋاپتى ساپارى اياسىندا ماۋسىم ايىندا جاسالادى. سونىمەن قاتار سول ساپار شەڭبەرىندە رازاكتىڭ 7-ءشى بۇكىلالەمدىك يسلام ەكونوميكالىق فورۋمىنا دا قاتىسۋى جوسپارلانعان.
***
وتكەن اپتادا ەۋرازەق، تمد ۇيىمدارىنىڭ پارلامەنتتىك اسسامبلەيا وتىرىستارىنا قاتىسىپ، قۇر ماقتاننان گورى ومىراۋعا وردەن تاعىپ قايتقان قازاقستاندىق ماجىلىسمەندەردىڭ كەشەگى وتىرىسى ءاپ-ادەمى، كوتەرىڭكى كوڭىلمەن باستالىپ-اق ەدى. ءماجىلىس توراعاسى دا جيىندى حالىقارالىق دەڭگەيدە كوزگە تۇسكەندەردى ماراپاتتاۋدان باستاعان-دى. دەگەنمەن «الاش ايناسى» گازەتىنىڭ اتاپ وتۋىنشە، وسى مامىراجاي كۇيدى يراك ەلەكەەۆتىڭ ارىپتەستەرىنە قاراتا جاساعان پارلامەنتتى تاراتۋ تۋرالى ۇندەۋى قۇرتىپتى. بۇل جايىندا تەرەڭىرەك بىلگىڭىز كەلسە، بۇگىنگى نومىردەگى «ۇسىنىس ايتىلدى، ءماجىلىس تاراي ما؟» دەگەن مقالا نازارىڭىزدا بولسىن. «ءسويتىپ كەشەگى جيىندا «مۇلگىگەن» ءماجىلىس مازاسىزدىققا شالدىقتى. ءتىپتى جيىننىڭ بەرەكەتى كەتتى دەسە دە بولادى. جەتەكشىلىكتە وتىرعان جانىبەك كارىبجانوۆ زالداعى تىنىشتىقتى ءۇش قايتارا سۇرادى. ارىپتەسىنە قاراپ پىكىر ايتۋشىلار دا ەكىگە جارىلدى. دەگەنمەن، كوپشىلىگى «قابىلەتسىزدىككە»، «لوببيستىككە» قاتىستى ماسەلەنى مويىندايتىنداي»، - دەپ جازادى باسىلىم.
وسى باسىلىمنىڭ تۇراقتى «دات!» ايدارىندا بوكستان قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆپەن اراداعى سۇحبات «ءبىز بوكسىمىزدىڭ دەڭگەيى ءوسىپ كەلە جاتقاندىعىن شارشى الاڭدا دالەلدەۋىمىز كەرەك» دەگەن تاقىرىپپەن بەرىلگەن. باسىلىمنىڭ بارلىق ساۋالدارىنا تۇششىمدى جاۋاپ بەرگەن باپكەر: «ءدال قازىر بىزدە، قازاقستاندا، اقشا، قاراجات جاعى پروبلەما ەمەس دەپ ويلايمىن. بىزگە ۇلتتىق بوكس فەدەراتسياسى قولىنان كەلگەن بارلىق جاعدايدى جاساۋدا، دەمەپ-جەبەپ وتىر. قر تۋريزم جانە سپورت مينيسترلىگى دە كومەگىن اياپ وتىرعان جوق، قولداپ، كومەكتەسىپ وتىر. تۇپتەپ كەلگەندە، مۇنىڭ ءبارى - ەلباسىنىڭ ساياساتى»، - دەيدى.
***
پەرۋدىڭ استاناسى ليما قالاسىندا اۋىر اتلەتيكادان 17 جاسقا دەيىنگى جاسوسپىرىمدەر اراسىندا الەم ءبىرىنشىلىگى وتكەنى جايىندا «ايقىن» گازەتى بۇعان دەيىن دە حابارلاعان ەدى. ءتورتكۇل دۇنيەنىڭ اسا دارىندى جاستارى باس قوسقان اتالمىش جارىستا جاسىنداي جارقىلداپ، جەڭىس تۇعىرىنا كوتەرىلگەن جەرلەستەرىمىز - نادەجدا نوگاي مەن ءادىلبەك بالقاەۆ كەشە ەلگە ورالدى. وسىعان وراي اتالعان گازەتتە «تورتكۇل دۇنيەنى تامساندىردى» دەگەن تاقىرىپپەن ماقالا جاريالاندى. «نادەجدا نوگاي ەكىنشى ورىن العان مەكسيكالىق گلاديس پلاسەنسيا بۋەنودان باقانداي 48 كەلى سالماق ارتىق كوتەردى. قولا مەدال العان تايپەيلىك لۋ يۋنگ يۋان جەرلەسىمىزدەن 73 كەلى قالىپ قويدى. ياعني بۇگىنگى تاڭدا نادەجداعا تورتكۇل دۇنيەدە تەڭ كەلەر ەشكىم جوق ەكەنىنە كوپشىلىك انىق كوز جەتكىزدى»، - دەپ جازادى باسىلىم.
***
«كەشە مەملەكەت باسشىسى نۇرسۇلتان نازارباەۆ شەتەلدىك ينۆەستورلار كەڭەسىنىڭ 24-ءشى پلەنارلىق وتىرىسىنىڭ اياسىندا بىرقاتار ەكىجاقتى كەزدەسۋلەر وتكىزدى»، - دەپ جازادى «كازاحستانسكايا پراۆدا» گازەتى. باسىلىمنىڭ اتاپ وتۋىنشە، «تەلياسونەرا» كومپانياسىنىڭ پرەزيدەنتى جانە باس اتقارۋشى ديرەكتورى لارس نيبەرگپەن كەزدەسۋ كەزىندە ەكىجاقتى ىنتىماقتاستىق ماسەلەلەرى تالقىلاندى. «ءبىز ۇيالى بايلانىستىڭ ورنىن تولتىرۋ جانە مالىمەتتەر بەرۋ جىلدامدىعىن ودان ءارى ارتتىرۋ ماسەلەلەرىن تالقىلادىق. ءبىز قازاقستاندا 10 جىلدان استام ۋاقىت جۇمىس ىستەيمىز جانە جاقسى ناتيجەلەرگە جەتتىك. ءبىز وسىندا قالىپتاسقان بيزنەس ورتاداعى سەنىمدىلىكتى شىن مانىندە باستان وتكەردىك. قازاقستاندا ينۆەستيتسيالىق باعدارلامانى جالعاستىرۋ ءۇشىن بىزدە كوپتەگەن پەرسپەكتيۆالار بار دەپ بىلەمىن»، - دەدى ل.نيبەرگ جۋرناليستەرگە ارنالعان بريفينگ كەزىندە.
