كەرتارتپا سانادان ارىلايىق!
ءبىزدىڭ سوڭعى شىعارعان "اسپانتاۋ اسقان ۇركىن كوش" كىتابىندا نەگىزىنەن كەرەيلەردىڭ وقيعاسى باياندالعان.
ونى اعىلشىن تىلىنەن ورىسشاعا ءوزىم اۋدارسام، قازاقشاعا مەنىڭ جەتەكشىلىگىممەن تارجىمەلەندى. ەشقانداي دا مەملەكەتتىك تاپسىرىس ەمەس، نەمەسە بىرەۋ اۋدارشى دەمەدى. 1956 جىلى شىققان اعىلشىن نۇسقاسىمەن كەزدەيسوق تانىسقان سوڭ، قازاققا كەرەك كىتاپ ەكەنىن ءتۇسىنىپ، وزدىگىمشە اۋدارىپ شىعارۋدى ۇيعاردىم.
كىتاپپەن تانىسقان قانداستارىمنان ءجيى ەستىپ جاتقان سۇراعىمنىڭ قانداي ەكەنىن بىلگىلەرىڭىز كەلە مە؟ "سەن كەرەيسىڭ بە؟" - دەيدى. "جوق", - دەپ جاۋاپ بەرەمىن. "وندا نايمان شىعارسىڭ؟" - دەپ قايتپايدى. "قازاقپىن", - دەيمىن مەن. "ايتساڭشى ەندى، نە بولدى؟" "قازاق دەگەنىم جەتپەي مە؟"
سوندا بۇلار بىلاي ويلايدى عوي: "كەرەيدىڭ تاريحىن ەشكىم وزدىگىنەن اۋدارىپ شىعارىپ، ەرلىگى مەن رۋحىن ۇلىقتاپ جاتپاس، ياعني ءوزى دە كەرەي بولدى عوي". بۇل لوگيكامەن كەرەيدىڭ تاريحىن كەرەي، جالايىردىكىن - جالايىر، بەرىشتىكىن - بەرىش جازۋى كەرەك. ۇزاق جىلدار بويى سولاي ىستەپ كەلگەن دە شىعار.
جوق، اينالايىندارىم. مەن ونداي ەمەسپىن. جاراسسا ون توعىزىنشى عاسىرعا جاراسار كەرتارتپا ويلاۋدى ءبىرجولا قويالىق. مەن ءۇشىن كەرەيدىڭ ەرلىگى - بۇكىل قازاقتىڭ، ال ءوزىم قازاق بولعاندىقتان - مەنىڭ ەرلىگىم، نايماننىڭ قايسارلىعى - بارشا قازاقتىڭ، ياعني مەنىڭ قايسارلىعىم، ارعىننىڭ شەبەرلىگى - بارلىق قازاقتىڭ، ياعني مەنىڭ شەبەرلىگىم، ادايدىڭ رۋحى - قازاقتىڭ، ياعني مەنىڭ رۋحىم جانە وسىلاي كەتە بەرەدى.
مەن ءۇشىن كەز كەلگەن نارسە فۋنكتسيونالدى بولسا عانا ونىڭ ماڭىزى جوعارى. رۋعا كەلەتىن بولساق، قازىرگى زاماندا ونىڭ فۋنكتسيونالدىلىعى تەك ءبىر جاعدايدا - قالىڭدىقتى تاڭداعاندا عانا قاجەت دەپ سانايمىن. قالعانى - ارحايزم.
كەرتارتپا سانادان ارىلايىق.
بۇل كىتاپتى قازاق قازاق ءۇشىن قازاقشاعا اۋداردى. وسىنى ءبىلىپ جۇرسەڭىزدەر سول جەتكىلىكتى.
باقىتجان بۇحاربايدىڭ facebook پاراقشاسىنان
Abai.kz
