مەملەكەت باسشىسى ن.نازارباەۆتىڭ  “پرەزيدەنتتىڭ بەس الەۋمەتتىك باستاماسى” اتتى قازاقستان حالقىنا ۇندەۋى -  حالىقتىڭ الەۋمەتتىك جاعدايىن جاقسارتۋعا باعىتتالعان باستاما.  ونىڭ ەكىنشى باستاماسى  - «جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ» دەپ اتالادى.

ياعني، اي سايىن ەڭ تومەنگى ەسەپتىك كورسەتكىشتىڭ 25 ەسەلەنگەن كولەمىنەن از جالاقى الاتىندارعا سالىناتىن جەكە تابىس سالىعىن ازايتۋ ارقىلى ولاردىڭ سالىق جۇكتەمەسىن جەڭىلدەتۋ كوزدەلگەن. ناتيجەسىندە، ەلىمىزدەگى بارشا جالدامالى جۇمىسكەرلەردىڭ كەمىندە ۇشتەن ءبىرىنىڭ، بۇل 2 ميلليوننان استام ادام، جالاقىسى جۇمىس بەرۋشىگە سالماق سالماي-اق كوبەيەتىن بولادى.

ماسەلەن، وسى جىلدىڭ باسىنان باستاپ جامبىل وبلىسىندا 100 مىڭنان استام ازاماتتىڭ ايلىعى  ءبىر جارىم ەسەگە وسكەن. سونداي-اق، بيۋدجەتتىك مەكەمەلەردەگى  جۇمىسشىلاردىڭ  جالاقىسى 35 پايىزعا كوتەرىلدى. ال، اتاۋلى الەۋمەتتىك جاردەماقىلار 2 ەسەگە دەيىن ۇلعايماق. بۇل ءوڭىر تۇرعىندارىنىڭ الەۋمەتتىك ءال-اۋقاتىنىڭ ارتۋىنا سەپ بولارى ءسوزسىز.

سونداي-اق، وسى جىلدىڭ باسىندا شىعىس ايماقتاعى 24 كاسىپورىن قىزمەتكەرلەرىنىڭ ەڭبەكاقىسى كوتەرىلگەن.

مىسالى، «ازيا اۆتو» اق كاسىپورنى قىزمەتكەرلەرىنىڭ جالاقىسى ورتاشا العاندا 20%-عا كوبەيدى. وسكەمەننىڭ ارماتۋرا، ماي زاۋىتتارىنداعى، «سەماز»، «سەمەي ينجينيرينگ» كومپانيالارىنداعى ەڭ تومەنگى جالاقى 37 مىڭنان 55 مىڭعا كوتەرىلىپتى.

«كازتسينك» جشس-دە قازىرگى ۋاقىتتا قاجەتتى ەسەپتەۋلەر جۇرگىزىلىپ جاتىر. ءوز جۇمىسشىلارىنىڭ ايلىعىن بۇل كاسىپورىن 3% -دان 20%-عا دەيىن وسىرمەكشى. ال ساتپاەۆ تاۋ بايىتۋ كاسىپورنى – 5-تەن 12%-عا دەيىن.

سونداي-اق، بۇلاردان بولەك وسكەمەن كوندەنساتورلىق زاۋىتىندا، شق ۇن-قۇراما جەم كومبيناتىندا، بۇقتىرما تسەمەنت زاۋىتىندا، ريددەر جەو، «سەمەي ۆودوكانال»، «سيلۋمين-ۆوستوك» جشس، DAEWOO Bus Kazakhstan» جشس، «روزا ۆاليالنو-ۆويلوچنىي كومبينات», «روزا» كيىز باسۋ كومبيناتى، «تەحنولوگيا كومفورتا» جشس، «سيليكات» جشس، «كونديز» جشس كاسىپورىندارىندا ەڭبەكاقى كوتەرىلەدى.

ال، 2019 جىلدىڭ 1 قاڭتارىنان باستاپ 12 مىڭنان استام وسكەمەن تۇرعىنىنىڭ ەڭبەكاقىسى 1,5 ەسەگە كوتەرىلگەن بولاتىن. وسكەمەن اكىمى جاقسىلىق ومار قالا اكتيۆىنىڭ وتىرىسىندا قر پرەزيدەنتىنىڭ تاپسىرماسىن ورىنداۋ ءۇشىن ناقتى شارالار  ىسكە اسىرىلىپ جاتقانىن ايتقان بولاتىن. اكىمنىڭ ايتۋىنشا، بيىل وبلىس ورتالىعىنىڭ 12 مىڭنان استام تۇرعىنىنىڭ ايلىعى كوتەرىلەدى.

Abai.kz