كەشە تۇنگى ساعات 03.37 مينۋتتا استانا قالاسىنىڭ ورتالىق باسقارۋ بولىمىنە، شىنتاس كوشەسى №6 ءۇيدىڭ جانىنداعى الاڭدا جارىلىس بولدى، دەگەن حابار ءتۇستى. جەدەل-ىزدەستىرۋ توبى وقيعا بولعان جەردەن ورتەنىپ كەتكەن قىزىل ءتۇستى، مەملەكەتتىك ءنومىرى S 103 تەم، 1991 جىلى زاۋىتتان شىققان «اۋدي-100» ماركالى اۆتوكولىگىنىڭ قاڭقاسىن تاپتى، دەپ حابارلادى ىشكى ىستەر مينيسترلىگىنىڭ ءباسپاسوز قىزمەتىنەن. جارىلعان بمۆ كولىگىنىڭ ىشىندە ەكى ادام بولعان، ەكەۋى دە سول جەردە قازا تاپتى. اۆتوكولىك ورتەنگەن جەر ۇلتتىق قاۋىپسىزدىك كوميتەتىنىڭ تەرگەۋ يزولياتورى عيماراتىنا جاقىن بولعاندىقتان ەل اراسىندا «ەكسترەميستىك توپتىڭ مۇشەلەرى تەرروريستىك اكتى جاساپتى» دەگەن قاڭقۋ سوزدەر پايدا بولدى. الايدا وقيعا ورنىندا تەرگەۋ-تەكسەرۋ جۇمىستارىن جۇرگىزگەن قۇزىرلى ورگانداردىڭ قىزمەتكەرلەرى مۇنداي ۆەرسيانى بىردەن جوققا شىعاردى.

كەشە تۇنگى ساعات 03.37 مينۋتتا استانا قالاسىنىڭ ورتالىق باسقارۋ بولىمىنە، شىنتاس كوشەسى №6 ءۇيدىڭ جانىنداعى الاڭدا جارىلىس بولدى، دەگەن حابار ءتۇستى. جەدەل-ىزدەستىرۋ توبى وقيعا بولعان جەردەن ورتەنىپ كەتكەن قىزىل ءتۇستى، مەملەكەتتىك ءنومىرى S 103 تەم، 1991 جىلى زاۋىتتان شىققان «اۋدي-100» ماركالى اۆتوكولىگىنىڭ قاڭقاسىن تاپتى، دەپ حابارلادى ىشكى ىستەر مينيسترلىگىنىڭ ءباسپاسوز قىزمەتىنەن. جارىلعان بمۆ كولىگىنىڭ ىشىندە ەكى ادام بولعان، ەكەۋى دە سول جەردە قازا تاپتى. اۆتوكولىك ورتەنگەن جەر ۇلتتىق قاۋىپسىزدىك كوميتەتىنىڭ تەرگەۋ يزولياتورى عيماراتىنا جاقىن بولعاندىقتان ەل اراسىندا «ەكسترەميستىك توپتىڭ مۇشەلەرى تەرروريستىك اكتى جاساپتى» دەگەن قاڭقۋ سوزدەر پايدا بولدى. الايدا وقيعا ورنىندا تەرگەۋ-تەكسەرۋ جۇمىستارىن جۇرگىزگەن قۇزىرلى ورگانداردىڭ قىزمەتكەرلەرى مۇنداي ۆەرسيانى بىردەن جوققا شىعاردى.
بۇل تۋرالى ۇلتتىق قاۋىپسىزدىك كوميتەتىنىڭ رەسمي وكىلى، پولكوۆنيك كەنجەبولات بەكنازاروۆ: «ۇقك عيماراتىنىڭ الدىندا تۇرعان كولىكتەن ءورت شىعىپ، كەيىن ول جارىلدى. كەز كەلگەن اۆتوكولىك كەز كەلگەن جەردە ورتەنۋى مۇمكىن. بۇل ىسپەن استانا قالالىق ىشكى ىستەر دەپارتامەنتىنىڭ قىزمەتكەرلەرى اينالىسۋدا» دەپ مالىمدەدى. دەمەك، بۇل جارىلىستى ۇلتتىق قاۋىپسىزدىك قىزمەتىمەن بايلانىستىرۋعا ەشقانداي نەگىز جوق. جارىلىسقا ءدىني ەكسترەميزمنىڭ دە ەشقانداي قاتىسى جوق بولىپ شىقتى. ىشكى ىستەر ءمينيسترىنىڭ مالىمدەۋىنشە، كولىكتەگى جارىلىس كەزىندە قازا تاپقانداردىڭ ەكەۋى دە ەكسترەميستىك ۇيىمدارعا قاتىسى جوق. قازىر ولاردىڭ قۇجاتتارى تابىلعان، تەك قازا تاپقانداردىڭ قۇجاتتارداعى اتى-جوندەرىنە سايكەستىگى انىقتالۋدا.
- وقيعا ورنىندا قازا تاپقان سىرت ءپىشىنى ەۋروپالىقتارعا كەلەتىن ەكى ەر ادامنىڭ كىمدەر ەكەندىگى ءالى تولىق انىقتالعان جوق، - دەپ حابارلادى ىشكى ىستەر مينيسترلىگىنەن پوليتسيا پولكوۆنيگى ولەگ يۆاشەنكو، - بىراق سول جەردەن تابىلعان جۇرگىزۋشى كۋالىگى مەن اڭشى بيلەتى قىرعىزستان رەسپۋبليكاسىندا 1962 جىلى تۋعان، قازىر پاۆلودار وبلىسىنداعى ەكىباستۇز قالاسىندا تۇرىپ جاتقان كەلپلەر دميتري يۋرەۆيچتىڭ اتىنا جازىلعان، ال ەكىنشى تولقۇجات قازاقستان ازاماتى، 1985 جىلى تۋعان، ەكىباستۇز قالاسىنىڭ تۇرعىنى چەرەمۋحين يۆان الەكساندروۆيچكە بەرىلگەن ەكەن. چەرەمۋحين بۇدان بۇرىن ەكى رەت الاياقتىق جاساپ، ءبىر رەت ۇرلىقپەن ۇستالىپ سوتتالعان. سونداي-اق جۇمىس ىستەمەيتىن «سوني-ەريكسون» ۇيالى تەلەفونى تابىلدى. وقيعا ورنىن تەكسەرۋ بارىسىندا انىقتالعانى - جارىلىس بولعان اۆتوكولىك «قتج» اق ءوندىرىس وبەكتىلەرىنەن جانە تۇرعىن ۇيلەردەن الىسىراق، بوس الاڭدا تۇرعان. «قتج» اق اۆتوكولىكتەرىنە ەشتەڭە بولعان جوق، تەك جاقىن ماڭايدا تۇرعان ۇيلەردىڭ تەرەزەلەرى جارىلىس تولقىنىمەن سىنعان. تۇرعىندار زارداپ شەككەن جوق. الدىن الا جاسالعان ۆەرسيا بويىنشا، اۆتوكولىكتەگى ەكى ادامنىڭ ولىمىنە ادامدى جاراقاتتايتىن - بولت، شەگە، ت.ب. تەمىر سىنىقتارىنان جاسالعان جارىقشاقتار قوسىلماعان ءتۇتىنسىز قوپارعىش زاتتىڭ وزدىگىنەن تۇتانىپ، جارىلۋى سەبەپ بولعان. وسىنداي جاعدايلارعا قاراپ تەرروريستىك اكتىنىڭ بەلگىلەرى جوق دەپ تۇجىرىمداۋعا بولادى. جارىلىس بويىنشا ءتيىستى تەرگەۋ جۇمىستارى جۇرگىزىلۋدە.

قايىرجان تورەجان

aikyn.kz