وبلىس اكىمى بەردىبەك ساپارباەۆ استانا قالاسىندا شىعىس قازاقستاننان شىققان زيالى قاۋىم وكىلدەرىنىڭ شىعارماشىل جاستارىمەن وتكەن كەزدەسۋىنە قاتىستى.

شىعىس قازاقستان - قازاق حالقى ماقتان تۇتار ۇلى ويشىلدار مەن اقىنداردى دۇنيەگە اكەلگەن، ەلمىزدىڭ رۋحاني استاناسى سانالاتىن عاجايىپ مەكەن. بۇگىنگى كۇنى دە شۇعىلالى شىعىستان شىققان شايىرلار بارشىلىق. قالامى قارىمدى جازۋشى-جورنالشىلار مەن وراق اۋىز، وت ءتىلدى اقىندار تۋعان ولكەسىنە دەگەن سۇيىسپەنشىلىگىن ءتول تۋىندىلارىنا قوسىپ، ەلىنىڭ مەرەيىن ۇستەم ەتىپ ءجۇر. بۇل جاس بۋىنعا تەرەڭ ماعىنالى تاربيە بەرەدى. وسى ءتامسىلدى تەمىرقازىق ەتكەن التايدىڭ اقيىق اقىن-جازۋشىلارى استانا جاستارىمەن شىعارماشىلىق كەزدەسۋ وتكىزدى. جيىندى شىعىس قازاقستان وبلىسىنىڭ اكىمدىگى مەن مادەنيەت باسقارماسى ۇيىمداستىردى.

وبلىس اكىمى بەردىبەك ساپارباەۆ استانا قالاسىندا شىعىس قازاقستاننان شىققان زيالى قاۋىم وكىلدەرىنىڭ شىعارماشىل جاستارىمەن وتكەن كەزدەسۋىنە قاتىستى.

شىعىس قازاقستان - قازاق حالقى ماقتان تۇتار ۇلى ويشىلدار مەن اقىنداردى دۇنيەگە اكەلگەن، ەلمىزدىڭ رۋحاني استاناسى سانالاتىن عاجايىپ مەكەن. بۇگىنگى كۇنى دە شۇعىلالى شىعىستان شىققان شايىرلار بارشىلىق. قالامى قارىمدى جازۋشى-جورنالشىلار مەن وراق اۋىز، وت ءتىلدى اقىندار تۋعان ولكەسىنە دەگەن سۇيىسپەنشىلىگىن ءتول تۋىندىلارىنا قوسىپ، ەلىنىڭ مەرەيىن ۇستەم ەتىپ ءجۇر. بۇل جاس بۋىنعا تەرەڭ ماعىنالى تاربيە بەرەدى. وسى ءتامسىلدى تەمىرقازىق ەتكەن التايدىڭ اقيىق اقىن-جازۋشىلارى استانا جاستارىمەن شىعارماشىلىق كەزدەسۋ وتكىزدى. جيىندى شىعىس قازاقستان وبلىسىنىڭ اكىمدىگى مەن مادەنيەت باسقارماسى ۇيىمداستىردى.

كەزدەسۋگە ەسىمدەرى ەلگە تانىمال قالامگەرلەر قاتىستى. ولاردىڭ اراسىندا قابدەش ءجۇمادىلوۆ، سەرىك عابدۋللين، ءشاربانۋ بەيسەنوۆا، نەسىپبەك ايتۇلى، الىبەك اسقاروۆ، ۇلىقبەك ەسداۋلەت، سادىبەك تۇگەل، تۇرسىن جۇرتباي، تىنىشتىقبەك ابدىكاكىموۆ، جانات اسكەربەكقىزى، داۋلەتكەرەي كاپۇلى، قالقامان سارين، باۋىرجان ەردەمبەكوۆ، ايگۇل كەمەلباەۆالار بار. باسقوسۋدى بەلگىلى جۋرناليست سەرىك جانبولات جۇرگىزەدى. بەلگىلى قالامگەرلەر مەن جۇزدەن اسا جاس اقىن-جازۋشىلاردىڭ سىر-سۇحباتى مازمۇندى ءارى تارتىمدى ءوتتى. شىعىس قازاقستاندى ەلىمىزدىڭ - ءىنجۋ-مارجانى دەپ بەكەر ايتپاعان. ولكەنىڭ تامىلجىعان تابيعاتىنىڭ كورىنىسىندە جاس اقىنداردىڭ شابىتپەن ولەڭ وقۋى، ادەبي جۇزدەسۋگە ەرەكشە رەڭ بەردى.

شىعارماشىلىق كەزدەسۋدە «شىعىس جۇلدىزدارى» كىتابىنىڭ تۇساۋى كەسىلىپ، كەزدەسۋدىڭ مەرەيلى مەيماندارىنا سىيعا تارتىلدى. ىرىس اۋناپ، نار شوككەن شىعىس قازاقستان تۋما تالانتتار مەن دارىندارعا دا وتە باي. قانشاما عالىمدار، قالامگەرلەر، كۇمىسكومەي انشىلەر مەن ساحنا ساڭلاقتارى، ونەر جانە مادەنيەت قايراتكەرلەرى توپىراعىنا اۋناپ وسكەن. ولاردىڭ ەسىمدەرى ەل تاۋەلسىزدىگىنىڭ 20-جىلدىعىنا ارنالىپ شىققان جاڭا كىتاپقا ەنىپ وتىر. بۇل باسىلىمدا ۇلى اباي، شاكارىم، مۇحتار سىندى دانالارمەن قاتار، قازىرگى زامان جازۋشىلارى مەن جاس اقىندار دا تىزبەكتەلگەن. جيناقتى شىعارۋدى ۇسىنىپ، جوباعا جەتەكشىلىك ەتكەن - شقو اكىمى بەردىبەك ساپارباەۆ. باسىپ شىعارعان - «فوليانت» باسپاسى.

كەزدەسۋ سوڭىندا ايماق باسشىسى جاس جۋرناليستەردىڭ اراسىندا وتكەن «توپجارعان» رەسپۋبليكالىق بايقاۋىنىڭ قورىتىندىسىن جاريالاپ، جەڭىمپازداردى ماراپاتتادى. شىعىس قازاقستان وبلىسى اكىمدىگىنىڭ سىيلىعىنا ارنالعان كونكۋرس تاۋەلسىزدىكتىڭ 20 جىلدىعىنا ورايلاستىرىلعان. بايقاۋ رەسپۋبليكالىق بۇقارالىق اقپارات قۇرالدارىندا ىستەيتىن تىلشىلەردىڭ اراسىندا ءوتتى. مۇنداي جوبا ەلىمىزدى تۇڭعىش رەت ۇيىمداستىرىلىپ وتىر. ماقساتى كوپ ىشىنەن توپ جارىپ شىققان جاس جۋرناليستتەرگە سەرپىن بەرىپ، ىنتالاندىرۋ.

كونكۋرسقا باس-اياعى 27 ۇمىتكەر قاتىستى. جەڭىمپازدار 4 نوميناتسيا بويىنشا ىرىكتەلدى: «ۇزدىك ماقالا»، «ۇزدىك راديوباعدارلاما»، «ۇزدىك بەينەماتەريال»، «عالامتورداعى ۇزدىك ماقالا». تەلەجرۋناليستتەردىڭ بەلسەندىلىگى وتە جوعارى بولعاندىقتان كوميسسيا مۇشەلەرى «ۇزدىك بەينەماتەريال» نوميناتسياسىنا 4 ءجۋرناليستتى ۇسىندى. سوندىقتان 7 رەسپۋبليكالىق اقپارات قۇرالىنىڭ جاس تىلشىلەرى وبلىس اكىمدىگىنىڭ ماراپات قاعازى مەن اقشالاي سىيلىعىنا يە بولدى.

جاس جۋرناليستتەردىڭ اراسىندا رەسپۋبليكالىق سايىس ۇيىمداستىرۋدى العاش بولىپ قولعا العان شىعىس قازاقستان وبلىسىنىڭ اكىمدىگى بۇل باستامانى كەلەشەكتە دە جالعاستىرماق.

وبلىس اكىمىنىڭ ءباسپاسوز قىزمەتى