وسى اپتادا ۇلتتىق قاۋىپسىزدىك كوميتەتىنىڭ بۇرىنعى توراعاسى، قازىر «قازاتومپروم» ۇلتتىق كومپانياسىنىڭ ۆيتسە-پرەزيدەنتى نارتاي دۇتباەۆتىڭ توبەسىنە قارا بۇلت تونگەنى تۋرالى سىبىس شىقتى. مۇحتار ابىلازوۆكە جاقىن اقپارات كوزدەرىنىڭ تاراتقان اقپاراتىندا قانشالىقتى شىندىق بارى بەلگىسىز. الايدا، دۇتباەۆ تۋرالى اڭگىمە دۇرىلدەپ تۇر.

بۇگىندە، جاپپاي تۇتقىنداۋلار ناۋقانى ءجۇرىپ جاتقان كەزدە شاعىستىرۋلار مەن اداستىرۋلار سياقتى ساياسي ويىنداردىڭ دا قىزا تۇسەتىنى بەلگىلى. سوندىقتان، دۇتباەۆتىڭ قامالۋىن تىلەيتىندەر، قامالسا، الاقايلاپ قول شاپالاقتايتىندار كوپتەپ تابىلار. اسىرەسە، گەنەرالدىڭ كەشەگى قىزمەتىن ەسكە الساق...
«Respublika.kaz» ينتەرنەت سايتىنا دومالاق حات جازعان «وقىرمان» ن.دۇتباەۆ پەن قازىرگى ۇقك توراعاسى ا.شابدارباەۆ ەكەۋىنىڭ اراسىنىڭ «ناشار» بولعانىن تىلگە تيەك ەتەدى. ءبىر كەزدە دۇتباەۆ شابدارباەۆتىڭ شەشەسىنىڭ ءۇيىن ءتىنتىپ، جيەنىن تۇتقىنعا العان-مىس. سول كەكتى قايتارۋدى امانگەلدى مىرزا قاتتى اڭساپ جۇرگەن كورىنەدى. ەندى مىنانىڭ كەزەگى كەلدى دەيدى حات اۆتورى.

وسى اپتادا ۇلتتىق قاۋىپسىزدىك كوميتەتىنىڭ بۇرىنعى توراعاسى، قازىر «قازاتومپروم» ۇلتتىق كومپانياسىنىڭ ۆيتسە-پرەزيدەنتى نارتاي دۇتباەۆتىڭ توبەسىنە قارا بۇلت تونگەنى تۋرالى سىبىس شىقتى. مۇحتار ابىلازوۆكە جاقىن اقپارات كوزدەرىنىڭ تاراتقان اقپاراتىندا قانشالىقتى شىندىق بارى بەلگىسىز. الايدا، دۇتباەۆ تۋرالى اڭگىمە دۇرىلدەپ تۇر.

بۇگىندە، جاپپاي تۇتقىنداۋلار ناۋقانى ءجۇرىپ جاتقان كەزدە شاعىستىرۋلار مەن اداستىرۋلار سياقتى ساياسي ويىنداردىڭ دا قىزا تۇسەتىنى بەلگىلى. سوندىقتان، دۇتباەۆتىڭ قامالۋىن تىلەيتىندەر، قامالسا، الاقايلاپ قول شاپالاقتايتىندار كوپتەپ تابىلار. اسىرەسە، گەنەرالدىڭ كەشەگى قىزمەتىن ەسكە الساق...
«Respublika.kaz» ينتەرنەت سايتىنا دومالاق حات جازعان «وقىرمان» ن.دۇتباەۆ پەن قازىرگى ۇقك توراعاسى ا.شابدارباەۆ ەكەۋىنىڭ اراسىنىڭ «ناشار» بولعانىن تىلگە تيەك ەتەدى. ءبىر كەزدە دۇتباەۆ شابدارباەۆتىڭ شەشەسىنىڭ ءۇيىن ءتىنتىپ، جيەنىن تۇتقىنعا العان-مىس. سول كەكتى قايتارۋدى امانگەلدى مىرزا قاتتى اڭساپ جۇرگەن كورىنەدى. ەندى مىنانىڭ كەزەگى كەلدى دەيدى حات اۆتورى.
نارتاي دۇتباەۆ تا راحات اليەۆتىڭ «قولىنداعى» ءالنۇر مۇساەۆ ءتارىزدى ءتۇرلى توپتارعا تەلىنىپ، كوپتەگەن تۇماندى ىستەردىڭ باسى-قاسىندا بولعان ءھام جۇرگەن ادام. ونىڭ مۇحتار ابلازوۆپەن تىعىز  قاتىناستا بولعانىن ءبىراز باسىلىمدار اشكەرە ەتكەنى ەستە. قازىرگى بايلانىستارى بەلگىسىز. بالكىم، مۇحتار ءابلازوۆ ەسكى دوسىن وسىلاي شانتاجداپ ءوز دەگەنىنە كوندىرگىسى كەلەتىن بولار؟ مۇمكىن، بۇلىكشىل بانكيردى بۇعاۋلاۋعا كرىسكەن اقورداعا دۇتباەۆتىڭ ماڭىزدى اقپارات بەرىپ قويۋ قاۋپى بار ما ەكەن؟
قالاي بولعاندا دا: «جاكىشەۆ ىسىنە دۇتباەۆتىڭ قاتىسى جوق، ول كەزدە «قازاتومپروم» كومپانياسىندا دۇتباەۆ قىزمەت اتقارماعان» دەپ  بۇرىنعى باسشىسىن اقتاعان ۇقك دايەگى كوبىرەك سەنىمدى. ويتكەنى، قىلمىسقا قاتىسى بار بولسا دا، پرەزيدەنتكە ۇناماي قالسا دا، دۇتباەۆ - استانا ءۇشىن ۇلكەن جاۋ. ساياساتكەرلەردىڭ ولىمىنە قاتىستى انىق جاۋاپتى بىلەتىن ءبىر ادام وسى، دۇتباەۆ مىرزا. ال، ءابلازوۆتىڭ گازەتى تاراتقان اقپاراتتاعىداي «ماجرەنوۆ ۆاريانتى» دۇتباەۆقا جۇرە قويماس. ۇقك باسقارعان ادام رەجيمگە ءوزىن جويعىزدىرتىپ جانە  بىلەتىن كومپروماتىن تۇنشىقتىرتىپ تاستاپ، قاراپ وتىراتىن اقىماق ەمەس بولار. سوندىقتان، استانا دۇتباەۆپەن تەك قانا ساۋدالاسۋعا ءماجبۇر. ونىڭ قامالۋىن ءابلازوۆ دوسى قانشا ارمانداسا دا ءىستىڭ اقىرى سىمەن تىنۋى ىقتيمال...

«قازاستان» اپتالىعى. 11. 06. 09.