استانا. 31 مامىر. قازاقپارات /سالتانات قۇمابەكوۆا/ - بۇگىن ەلوردادا «پەريناتالدىق مەديتسيناداعى قازىرگى زامانعى تەحنولوگيالار» اتتى رەسپۋبليكالىق عىلىمي-تاجىريبەلىك كونفەرەنتسيا ءوتتى.

كونفەرەنتسيا «ۇلتتىق انا مەن بالا عىلىمي ورتالىعى» اق بازاسىندا ۇيىمداستىرىلدى. وعان قر دەنساۋلىق ساقتاۋ ءمينيسترى ساليدات قايىربەكوۆا قاتىسىپ، بۇل ءىس-شارانىڭ ءمان-ماڭىزىنا ەرەكشە توقتالدى.

«بۇگىنگى كونفەرەنتسيادا مەديتسينا سالاسىنىڭ بەلدى ماماندارى باس قوسىپ وتىر. سونىڭ ىشىندە قازاقستان بويىنشا 300-دەن استام ارىپتەستەرىمىز، سونداي-اق اقش، گەرمانيا، ۇلىبريتانيا، ليتۆا، ۋكراينا، رەسەي ەلدەرىنەن 16 سپيكەر شاقىرىلدى. العا قويعان ماقسات-جوسپارلارىمىزدى جۇزەگە اسىرساق، بۇل ءبىزدىڭ جارقىن بولاشاعىمىزدىڭ كەپىلى بولادى»، - دەدى «ۇلتتىق مەديتسينالىق حولدينگ» اق باسقارما توراعاسى ەلجان ءبىرتانوۆ.

عىلىمي ءىس-شارانىڭ تالقىلاۋلارىنا قازىرگى تاڭداعى نەوناتولوگيانىڭ، پەدياتريانىڭ، اكۋشەريانىڭ كوكەيكەستى ماسەلەلەرى قامتىلدى. سونىمەن قاتار جاڭا تۋعان نارەستەلەردى دياگنوستيكالاۋمەن، ەمدەۋمەن جانە كۇتۋمەن اينالىساتىن مامانداردىڭ اراسىنداعى ءوزارا ارىپتەستىك قارىم-قاتىناستارى ءسوز بولدى.

ال جيىنعا قاتىسۋشىلارعا الەمدىك دەىگەيدەگى مامانداردىڭ دارىستەرى وقىلدى.

استانا. 31 مامىر. قازاقپارات /سالتانات قۇمابەكوۆا/ - بۇگىن ەلوردادا «پەريناتالدىق مەديتسيناداعى قازىرگى زامانعى تەحنولوگيالار» اتتى رەسپۋبليكالىق عىلىمي-تاجىريبەلىك كونفەرەنتسيا ءوتتى.

كونفەرەنتسيا «ۇلتتىق انا مەن بالا عىلىمي ورتالىعى» اق بازاسىندا ۇيىمداستىرىلدى. وعان قر دەنساۋلىق ساقتاۋ ءمينيسترى ساليدات قايىربەكوۆا قاتىسىپ، بۇل ءىس-شارانىڭ ءمان-ماڭىزىنا ەرەكشە توقتالدى.

«بۇگىنگى كونفەرەنتسيادا مەديتسينا سالاسىنىڭ بەلدى ماماندارى باس قوسىپ وتىر. سونىڭ ىشىندە قازاقستان بويىنشا 300-دەن استام ارىپتەستەرىمىز، سونداي-اق اقش، گەرمانيا، ۇلىبريتانيا، ليتۆا، ۋكراينا، رەسەي ەلدەرىنەن 16 سپيكەر شاقىرىلدى. العا قويعان ماقسات-جوسپارلارىمىزدى جۇزەگە اسىرساق، بۇل ءبىزدىڭ جارقىن بولاشاعىمىزدىڭ كەپىلى بولادى»، - دەدى «ۇلتتىق مەديتسينالىق حولدينگ» اق باسقارما توراعاسى ەلجان ءبىرتانوۆ.

عىلىمي ءىس-شارانىڭ تالقىلاۋلارىنا قازىرگى تاڭداعى نەوناتولوگيانىڭ، پەدياتريانىڭ، اكۋشەريانىڭ كوكەيكەستى ماسەلەلەرى قامتىلدى. سونىمەن قاتار جاڭا تۋعان نارەستەلەردى دياگنوستيكالاۋمەن، ەمدەۋمەن جانە كۇتۋمەن اينالىساتىن مامانداردىڭ اراسىنداعى ءوزارا ارىپتەستىك قارىم-قاتىناستارى ءسوز بولدى.

ال جيىنعا قاتىسۋشىلارعا الەمدىك دەىگەيدەگى مامانداردىڭ دارىستەرى وقىلدى.

«ءبىز ءۇشىن كۇن سايىن انا مەن بالا دەنساۋلىعىنا قاتىستى كەز كەلگەن ماسەلەنى تالقىلاپ وتىرۋ وتە ماڭىزدى. ءبىز بۇل ۇيىمنىڭ نەگىزىن 40 جىل بۇرىن قالادىق جانە سول ۋاقىتتا انا مەن بالا پاسپورتىن اشتىق. وسىنى ەنگىزگەننەن كەيىن، ءبىز انا مەن بالا ءولىمىنىڭ ازايعاندىعىن انىقتادىق. سول سەبەپتى دە، سىزدەردى دە وسىنداي پەريناتالدىق مەديتسينا قوعامىن قۇرۋعا شاقىرامىن»، - دەپ اتاپ كورسەتتى اۆستريا پەريناتالدىق مەديتسينا قوعامىنىڭ باس حاتشىسى كريستيان داداك.

ال «ۇلتتىق انا مەن بالا عىلىمي ورتالىعىنىڭ» اق باسقارما توراعاسى لۋكاس ياكوبيستىڭ ايتۋىنشا، «انا مەن بالا ورتالىعى الەمدىك دەنساۋلىق ساقتاۋ ۇيىمىنىڭ قاۋىپسىز جۇكتىلىك باعدارلاماسى اياسىندا ەڭبەك ەتىپ كەلەدى.

«پەريناتالدىق مەديتسينانىڭ زاماناۋي قۇرىلعىلارى قازاقستانداعى پەريناتالدىق مەديتسينانىڭ دامۋىنا سەپتىگىن تيگىزەدى. ال وسى كونفەرەنتسيا جاڭا تەحنولوگياعا جاساعان ۇلكەن قادامىمىز. ويتكەنى، ءدال وسى جەردە ءبىز تاجىريبەمەن، وي-پىكىرلەرىمىزبەن جانە عىلىمداعى سوڭعى جاڭالىقتار بولىسە الامىز»، - دەدى بۇگىنگى كونفەرەنتسيانىڭ ماڭىزدىلىعىن اتاپ وتكەن ل. ياكوبيس.

كونفەرەنتسيا سوڭىندا، قر دەنساۋلىق ساقتاۋ ءمينيسترى ساليدات قايىربەكوۆا، «ەلىمىزدىڭ بولاشاعى وسى زالدا وتىرعان ءاربىر ادامعا بايلانىستى. بۇل جاي عانا ءسوز ەمەس. سەبەبى، انا مەن بالا ءولىمى بۇگىنگى تاڭداعى وزەكتى ماسەلەلەردىڭ ءبىرى، ونى ەلباسىنىڭ ءوزى جەكە قاداعالاپ وتىر. كونفەرەنتسيا ەكى كۇن قاتارىنان جالعاسادى. سوندىقتان، وسى ەكى كۇننىڭ ىشىندە كەزدەسىپ، اۋىل-ايماقتارداعى ەلەنبەي قالىپ جاتقان ماسەلەلەردى تالقىعا سالىپ، شارا قولدانايىق»، - دەپ اتاپ ءوتىپ، ارىپتەستەرىن ەرتەڭ مينيسترلىككە جەكە كەزدەسۋگە شاقىردى.