ۋكراينا 2014 جىلدان بەرى رەسەيدىڭ گيبريدتىك شابۋىلىمەن سوعىسىپ كەلەدى. بۇل ەل قىرىمنان ايىرىلسا دا اقش پەن ەۋروپالىق وداقتىڭ رەسەيگە سانكتسيا سالۋىنا سەبەپشى بولىپ، قارسىلاسىنىڭ ەكونوميكاسى مەن تۇرمىسىن ستاگناتسياعا (توقىراۋ) ۇشىراتىپ وتىر.

قازاق ءۇشىن ۋكرايناداعى پرەزيدەنت سايلاۋىندا قازىرگى پرەزيدەنت پوروشەنكونىڭ جەڭىسكە جەتكەنى ءتيىمدى. بىراق ولاردا قازىر بىرنەشە كانديدات بار: مىسالى تيموشەنكو مەن زەلەنسكي. بۇلار: "رەسەيگە سۇراعانىن بەرىپ رەسەيمەن ىمىرالاسايىق" دەگەن ۇستانىمدا. ەگەر ۋكراينادا كوللابورانت پرەزيدەنت سايلانسا (ماسەلەنكي، زەلەنسكي), ول ءسوزسىز رەسەيدىڭ تالاپتارىن ورىندايدى. ولاي بولسا، رەسەي بىزگە بۇرىنعىدان دا وكتەمدىگىن ۇلعايتاتىن بولادى. پۋتين قازىردىڭ وزىندە قازاقتىڭ سولتۇستىكتەگى ولكەلەرىنە كوز تىگىپ وتىر.

سوندىقتان دا بىزگە پوروشەنكونىڭ جەڭگەنى قولايلى. تەك پوروشەنكو رەسەيگە سوققى بەرە الادى. رەسەي بەس جىلدان استام ۋاقىتتان بەرى بولىپ جاتقان گيبريدتىك سوعىستان جانە باتىس ەلدەرىنىڭ ەكونوميكالىق، قارجىلىق جانە تەحنولوگيالىق سانكتسيالارىنان قالجىرادى. رەسەيدىڭ ءىرى قالالارىندا پۋتينگە قارسى ميتينگتەر كوبەيە باستادى. ياكۋتيادا، ينگۋشەتيادا، بىرىككەن وسەتيادا، تاتارستاندا، باشقۇرتستاندا جەرگىلىكتى ۇلتشىلدىق باس كوتەردى. ولار ءوز رەسپۋبليكالارىنداعى ميگراتسيانى توقتاتتى. ولار ءوز ەلىنە وزدەرى يە بولماق. قءازىر رەسەيدىڭ ءبىراز ولكەلەرىندە ورىس جۇرتشىلىعى مۇلدەم قالمادى دەۋگە بولادى. مىسالى، شەشەنستان جانە تۋۆانى قاراڭىز.

ۋكرايناداناعى پرەزيدەنت سايلاۋىنا تۇسكەن پرەزيدەنت پوروشەنكو تاعى دا جەڭىسكە جەتسە، رەسەي ۋكراينانى شىعىس ولكەلەرىنە جاساپ وتىرعان اگرەسسياسىنان باس تارتۋعا ءماجبۇر بولادى. مەنىڭ ويىمشا، تەك پوروشەنكو عانا ۋكراينادان اننەكسيالانعان قىرىم جارتىارالىن قايتارا الادى.

ءازىمباي عالي

Abai.kz