جاڭا شەكتەۋلەر قۇراما شتاتتارداعى سايلاۋ كەزىندە شەتەلدىكتەردىڭ ارالاسۋىن تەجەۋگە ارنالعان. اقش ۇلتتىق بارلاۋ قىزمەتىنىڭ ديرەكتورى سايلاۋ وتكەنگە دەيىن 60 كۇن ىشىندە شەتەلدىكتەردىڭ كەدەرگى كەلتىرۋىنىڭ دەڭگەيى جونىندە ەسەپ بەرۋى ءتيىس.
شەكتەۋلەر بانك سەكتورلارىنا دا قاتىستى. زاڭ قابىلدانسا، رەسەيلىك سبەربانك، بانك ۆتب، گازپرومبانك، ۆنەشەكونومبانك جانە روسسەلحوزبانك جۇمىسىنا شەكتەۋ قويىلادى.
زاڭ جوباسىندا قابىلدانعاننان كەيىن جارتى جىلدىڭ ىشىندە جانە ءاربىر ەكى جىل سايىن رەسەي پرەزيدەنتى ۆلاديمير پۋتين مەن وزگە دە جوعارى لاۋازىمدى شەنەۋنىكتەردىڭ اكتيۆتەرى جونىندە اقپارات بەرىپ وتىرۋ مىندەتتەلگەن.
رەسەيگە قارسى العاشقى سانكتسيانى 2014 جىلى اقش، ەۋرووداق جانە تاعى باسقا ەلدەر ەنگىزدى. ولار رەسەيدىڭ قىرىمدى باسىپ الۋىن جانە ۋكراينا شىعىسىنداعى كيكىلجىڭگە قاتىسىن ايىپتايدى.
Abai.kz
