جۇمىستان ۇيىمە كەلە جاتقان ەدىم، الدىمنان ء"ۇش قاھارمان" اتىپ شىقتى. بۇل ۇشتىكتى سىرتتاي تالاي كورسەك تە، نە ىستەيتىنىن بىلمەدىم. جاندارىنان ءوتىپ بارا جاتىر ەدىم، مەنى توقتاتتى. سويتسەم ولار ماعان كەلە جاتىر ەكەن.

-"بىربالەەۆ بىربالە" دەپ ورىسشا تانىستىرىپ جاتىر.
-ءوۋ، توقتا، توقتا! قازاقشا ايت!-, دەدىم. ارتىنشا قازاقشا سويلەپ كەتتى.

-ءسىز جول ەرەجەسىن بۇزدىڭىز، جولدى رۇقسات ەتىلمەگەن جەردەن كەسىپ ءوتۋ ارقىلى. جەكە كۋالىگىڭىزدى بولا ما؟ - دەدى ءوز كۋالىگىن كورسەتىپ تۇرىپ.
- مىنە، كورىڭىز. تاك، جول ەرەجەسىن بۇزعانىمدى دالەلدەيتىن فوتو-ۆيدەو ءتۇسىرىلىم بار ما؟
- جوق، ءبىز سولداتپىز. رۇقسات ەتىلمەگەن.
-تۇسىنىكتى. دالەل جوق.
- ءسىزدىڭ جولدى كەسىپ وتكەنىڭىزدى كوردىك. زاڭ بويىنشا 5مرپ ايىپپۇل سالىنادى. مىنە!، - دەپ باپتار جازىلعان كىتاپشانى الىپ شىقتى. ءسويتىپ ورىسشا وقىپ شىقتى.
- تاك جىگىتتەر! ورىسشا ەمەس، مەملەكەتتىك تىلدەگىنى كورسەتىڭىز.
- بىزدە تەك ورىسشاسى بار.
-نەگە؟
- قازاقستان كوپۇلتتى مەملەكەت، ءبارى ورىسشا سويلەگەن سوڭ، ىىىىى...
- بىرىنشىدەن كوپۇلتتى ەمەس، كوپەتنوستى. ەكىنشىدەن مەن قازاقشا سويلەپ تۇرمىن، سەندە. كونستيتۋتسيادا مەملەكەتتىك ءتىل قالاي دەپ جازىلعان؟
- ىىى، قازاق.
- بوپتى. قازاق! قالعانى ماڭىزدى ەمەس. سوندىقتان جىگىتتەر، مەنىڭ ۋاقىتىمدى الماڭدار. مەنىڭ جولدى كەسىپ وتكەن فوتو-ۆيدەو تۇسىرىلىمىڭدەرىڭ جوق.(نەگىزى ەرەجەمەن وتكەن ەدىم، كوزدەرى ناشار-اۋ دەيمىن). مەملەكەتتىك تىلدە جازىلعان زاڭ كىتاپشالارىڭ جوق. سول ارقىلى مەنىڭ مەملەكەتتىك تىلدە اقپارات، قىزمەت الۋ قۇقىعىمدى بۇزىپ تۇرسىڭدار. ۇشىنشىدەن مەملەكەتتىك تىلدەگى زاڭ كىتاپشاسىن شىعارىپ الىڭدار ەرتەڭنەن باستاپ. ال كەتتىم.

- ءىىىى، جاقسى. ساۋ بولىڭىز.
- امان بولىڭدار.

اسحات قاسەنعاليدىڭ facebook پاراقشاسىنان

Abai.kz