2018 جىلدىڭ جازىندا ەلىمىزدە تۇڭعىش رەت «تسيفرلىق قازاقستان» باعدارلاماسى ىسكە قوسىلدى. ەلباسى ن.ءا.نازارباەۆ 10 قاڭتاردا قازاقستان حالقىنا ارناعان جولداۋىندا «تسيفرلىق قازاقستان» كەشەندى باعدارلاماسى قابىلداندى. قازاقستان رەسپۋبليكاسىنىڭ 2025 جىلعا دەيىنگى دامۋىنىڭ كەشەندى ستراتەگيالىق جوسپارى جاسالدى دەپ باسا ءمان بەردى.

«تسيفرلىق قازاقستان» باعدارلاماسىنىڭ كوزدەگەن باستى ماقساتى - حالىقتىڭ اۋىرتپالىعىن جەڭىلدەتۋ ەكەنى بەلگىلى. ماسەلەن، بۇرىندارى ەل حالقى قاعازباستىلىقتىڭ قۇلى بولىپ، ءبىر پاراق انىقتاما ءۇشىن اۋىلدان اۋدان ورتالىعىنا، اۋداننان وبلىسقا سابىلاتىن بولسا، ەندى «تسيفرلىق قازاقستان» جوباسى اياسىندا كومپيۋتەر ارقىلى تۇرعان جەرىنەن كەرەك قۇجاتىنا قول جەتكىزە الادى. حالىقتىڭ جۇگىن جەڭىلدەتكەن ايتۋلى جوبالاردىڭ ءبىرى - حالىققا قىزمەت كورسەتۋ ورتالىعى. بۇل ورتالىق بۇرىنعى ءبىر انىقتاما ءۇشىن ون مەكەمەنىڭ تابالدىرىعىن توزدىراتىن كونە جۇيەنى وزگەرىپ، حالىقتىڭ جۇگىن جەڭىلدەتۋگە باعىتتالعان.

حالىققا قىزمەت كورسەتۋ ورتالىعىنىڭ اشىلۋى - ەلىمىزدەگى ساياسي ينتەگراتسيانىڭ نىشانى. مەملەكەتتىڭ دامۋ ساتىسى جوعارىلاعان سايىن حالىقتىڭ سۇرانىسى دا ارتا تۇسپەك. دەمەك، حالىقتىڭ قۇجات ماسەلەسىن رەتتەۋدە ورتالىقتاردىڭ اشىلۋى - زاڭدى قۇبىلىس. ورتالىق ءوز جۇمىسىن كونستيتۋتسيالىق نورمالار مەن نارىقتىق قوعام تالاپتارىنا ساي، ازاماتتارعا قولايلى نەگىزدە جۇرگىزىپ كەلەدى.

بۇل نىساننىڭ الەۋمەت ءۇشىن ماڭىزى زور. سەبەبى،  بۇرىن ءبىر انىقتاما الۋ ءۇشىن بىتپەيتىن كەزەك پەن ءتۇرلى كابينەتتەر، ەڭ قۇندىسى التىن ۋاقىتىن سارپ ەتەتىن حالىق  بۇگىندە «حالىققا قىزمەت كورسەتۋ ورتالىعى» دەپ اتالاتىن وسى مەكەمە ارقىلى بارلىق  قۇجاتتارىن  بىر دەمدە رەتتەۋ ماسەلەسى جولعا قويىلعان. كوپشىلىك «ءبىر تەرەزە» دەپ اتاعان بۇل مەكەمەنىڭ عيماراتى جاڭا تيپتىك جوبامەن جابدىقتالىپ، كەلگەن ءاربىر تۇتىنۋشى  ۇشىن تولىق جاعداي جاسالىنىپ، جۇمىس جۇيەسى جاقسى ۇيىمداستىرىلعان. تاعى ءبىر ايتا كەتەرلىگى، مۇنداعى قىزمەتكەرلەر ءوز ىستەرىنىڭ بىلىكتى ماماندارى، قاي ىستە دە الدىڭعى لەكتەن كورىنىپ، اۋدانداعى قوعامدىق جۇمىستاردا دا بەلسەندىلىك تانىتىپ جۇرگەن جاستار.

ەلباسىنىڭ بۇل جوباعا ەرەكشە ءمان بەرىپ، اتاپ وتەتىندەيى دە بار، IT قارىشتاپ دامىپ، اقپارات الماسۋ كۇنىگە تۇرلەنىپ وتىرعان قازىرگىدەي زاماندا ساندىق تەحنولوگيالاردى دامىتپاساق، الەمنىڭ الدىڭعى قاتارلى 30 ەلىنىڭ قاتارىنان كورىنۋ قيال بولىپ قالارى انىق. سەبەبى، قازىرگى كەزەڭدە كوشباسشى ەلدەردىڭ بارلىعى ساندىق جۇيەگە كوشىپ، ەكونوميكاسىنىڭ دامۋىنا ءھام حالقىنىڭ  ال-اۋقاتىنىڭ جاقسارۋىنا سەپ بولىپ وتىر.

ماسەلەن، بيىل اقپان ايىنان باستاپ مامانداندىرىلعان حالىققا قىزمەت كورسەتۋ ورتالىعىنىڭ اۋماعىندا كولىك جۇرگىزۋشىلەرى ءۇشىن «تەگىن قىزمەتكە اقى تولەمە!» اكتسياسى ۇيىمداستىرىلدى.

تۇرعىندار اراسىندا وتكىزىلگەن سىبايلاس جەمقورلىققا قارسى ءىس-شارانى مەملەكەتتىك كورپوراتسيا قىزمەتكەرلەرى «نۇر وتان» پارتياسىنىڭ قالالىق فيليالى، پوليتسيا دەپارتامەنتىنىڭ وكىلدەرى، پروكۋراتۋرا جانە «جاس وتان» جاستار قاناتىنىڭ ەرىكتىلەرىمەن بىرگە وتكىزدى. شارا بارىسىندا ۇيىمداستىرۋشىلار ازاماتتارعا قۇجاتتاردى دەلدالداردىڭ كومەگىنسىز راسىمدەۋ بويىنشا تۇسىندىرمە جۇمىستارىن جۇرگىزدى. بارلىق ازاماتقا اۋىزشا كەڭەسپەن قاتار مەملەكەتتىك قىزمەتتەردى ونلاين الۋ جولدارى كورسەتىلگەن ۇنپاراقتار تاراتىلدى.

ەستەرىڭىزگە سالا كەتەيىك، وتكەن جىلدان بەرى ازاماتتار ونلاين تۇردە جۇرگىزۋشى كۋالىگىن الماستىرىپ، ەلەكتروندى ۇكىمەت پورتالى ارقىلى اۆتوكولىكتى قايتا تىركەي الاتىن بولعان. بۇل كولىك جۇرگىزۋشىلەرىنىڭ ۋاقىتىن ايتارلىقتاي ۇنەمدەيدى جانە مامانداندىرىلعان حالىققا قىزمەت كورسەتۋ ورتالىعىنا بارۋ قاجەتتىلىگى جوعالادى.

Abai.kz