كەزىندەگى «قازاق باسشى باسقارسىن!» دەگەن تالاپتىڭ بۇگىن ماڭىزى جويىلعانداي.

رۋعا، جەرگە ءبولىنىپ، اعايىن-تۋىس، دوستىعىن العا تارتىپ بيلىككە كەلىپ العان قازاق كوپ، بىراق ودان ۇلتتىق رۋھ وسكەن جوق.

كەرىسىنشە ءوز قازاعىڭ ءوزىڭدى وزەككە تەۋىپ، وزگەدەن بەتەر قاتىگەزدىك كورسەتۋدە. سەبەبى قاي سالادا بولسىن بيلىككە جەتكەندەردىڭ دەنى انا ءتىلىن مەنسىنبەيتىن، كەرەك دەسەڭىز جەك كورەتىندەر. قازاق بولا تۇرا، وتباسى مەن ورتاسىندا، جۇمىسىندا قازاقشا سويلەمەيتىن، تىلگە قارسىلىعىن ءتۇرلى ارەكەتىمەن بىلدىرەتىن ادامدى، باسشىنى باسقا قالاي باعالاۋعا بولادى؟

ەلدەگى وزگەرىستەردى ءبارىمىز كورىپ-ءبىلىپ وتىرمىز. شەشىلمەگەن ماسەلە شاش ەتەكتەن. سونىڭ ءبىرى قازاق ءتىلىنىڭ جايى. مەملەكەتتىك ءتىلىمىزدىڭ ءوز تۇعىرىنا قونۋىن، جەر-جەردە قازاقشا قىزمەت كورسەتۋىن تالاپ ەتە بەرۋىمىز كەرەك.

ءار سالانى قازاق ءتىلىن جەتىك بىلەتىن مامانداردىڭ باسقارعانى يگى. بۇل جاعداي دا بيلىك پەن قوعام تاراپىنان ءجىتى قاداعالانۋى ءتيىس.

ءمادي ماناتبەكتىڭ facebook پاراقشاسىنان

Abai.kz