Кезіндегі «қазақ басшы басқарсын!» деген талаптың бүгін маңызы жойылғандай.

Руға, жерге бөлініп, ағайын-туыс, достығын алға тартып билікке келіп алған қазақ көп, бірақ одан ұлттық руһ өскен жоқ.

Керісінше өз қазағың өзіңді өзекке теуіп, өзгеден бетер қатыгездік көрсетуде. Себебі қай салада болсын билікке жеткендердің дені ана тілін менсінбейтін, керек десеңіз жек көретіндер. Қазақ бола тұра, отбасы мен ортасында, жұмысында қазақша сөйлемейтін, тілге қарсылығын түрлі әрекетімен білдіретін адамды, басшыны басқа қалай бағалауға болады?

Елдегі өзгерістерді бәріміз көріп-біліп отырмыз. Шешілмеген мәселе шаш етектен. Соның бірі қазақ тілінің жайы. Мемлекеттік тіліміздің өз тұғырына қонуын, жер-жерде қазақша қызмет көрсетуін талап ете беруіміз керек.

Әр саланы қазақ тілін жетік білетін мамандардың басқарғаны игі. Бұл жағдай да билік пен қоғам тарапынан жіті қадағалануы тиіс.

Мәди Манатбектің facebook парақшасынан

Abai.kz