ۇلت جوسپارى – مەملەكەت باسشىسىنىڭ بەس ينستيتۋتسيونالدىق رەفورماسىن جۇزەگە اسىرۋ جونىندەگى 99 ناقتى قادامىن ورىنداۋ ماقساتىندا 2015 جىلعى 2 قاراشادا قوعامدىق كەڭەستەردىڭ مارتەبەسى مەن وكىلەتتىلىگىن انىقتايتىن «قوعامدىق كەڭەستەر تۋرالى» زاڭى قابىلداندى.

وسى زاڭ اياسىندا قوعامدىق كەڭەستەر ەل ومىرىندە ەلەۋلى جۇمىس اتقارىپ كەلەدى. وسى قوعامدىق كەڭەستەر ارقىلى قازاقستاننىڭ كەز-كەلگەن ازاماتى مەملەكەتتىك ورگانداردىڭ قىزمەتىنە قوعامدىق نەگىزدە ءۇن قوسا الادى. ياعني، مەملەكەتتىك ورگانداردىڭ قانداي دا ءبىر شەشىمدەردى قابىلداۋىنا ىقپال ەتەدى.

ەل ىشىندەگى الەۋمەتتىك ماسەلەلەردى، حالىقتىڭ مۇڭ-مۇقتاجىن تىكەلەي بيلىك وكىلدەرىنە جەتكىزۋشى مەحانيزمنىڭ ءرولىن اتقارادى. جوعارىدا اتالعان زاڭعا سايكەس قوعامدىق كەڭەستەر رەسپۋبليكالىق جانە جەرگىلىكتى دەڭگەيدە قۇرىلادى. وسىعان بايلانىستى 2016 جىلدىڭ اقپان ايىندا قازاقستان رەسپۋبليكاسى ادىلەت مينيسترلىگىنىڭ جانىنان دا ادىلەت ورگاندارى قىزمەتىنىڭ ماسەلەلەرى بويىنشا قوعامدىق كەڭەس قۇرىلدى.

قوعامدىق كەڭەستىڭ ماقساتى مەن مىندەتتەرى تۋرالى جىگىن اجىراتىپ ايتاتىن بولساق-ول ادىلەت مينيسترلىگىنىڭ قىزمەتىنە قاتىستى قوعامدىق ماڭىزى بار ماسەلەلەر بويىنشا پىكىرىن ءبىلدىرۋ، وسى ۇيىم قىزمەتىنىڭ ماقساتى بولىپ تابىلىدى.

قىزمەتتىك مىندەتىنە قاتىستى ونىڭ اۋقىمى - بىرىنشىدەن ازاماتتىق قوعامنىڭ مۇددەلەرىن ءبىلدىرۋ، شەشىمدەردى تالقىلاۋ مەن قابىلداۋ كەزىندە جۇرشىلىقتىڭ پىكىرىن ەسكەرۋ، ەكىنشىدەن ادىلەت مينيسترلىگىنىڭ ازاماتتىق قوعاممەن ءوزارا ءىس قيمىل جاساۋىن دامىتۋ، ۇشىنشىدەن - قوعامدىق باقىلاۋدى جۇرگىزۋ مەن ۇيىمداسىتىرۋ ناتيجەسىندە ادىلەت مينيسترلىگى قىزمەتىنىڭ تيىمدىلىگىن، اشىقتىعىن، جانە ايقىندىعىن ارتتىرۋ، قوعامدىق مۇددەلەردى قورعاۋعا باعىتتالعان ازاماتتىق باستامالاردى ىسكە اسىرۋ، وسى ورگانداردىڭ قىزمەتىنە سەنىم دەنگەيىن ارتتىرۋ، قوعام مەن مەملەكەت اراسىندا قايتىمدى بايلانىستى قامتاماسىز ەتۋ، الەۋمەتتىك شيەلىنىستەردىڭ الدىن الۋ جانە ولاردى شەشۋ مىنتەتتەرى باسشىلىققا الىنعان.

بيىل اقپان ايىندا وتكەن قوعامدىق كەڭەستەردىڭ ەكىنشى رەسپۋبليكالىق ءماجىلىسى بارىسىندا قوعامدىق دامۋ ءمينيسترى دارxان كالەتاەۆ اتالعان ۇيىمنىڭ جۇمىسىنداعى كەمشىلىكتەردى ايتىپ بەردى.

«قازىرگى كەزدە ەلىمىزدەگى قوعامدىق كەڭەستەر اقساقالدار جينالىسى سياقتى. سەبەبى 60 جاستان اسقانداردىڭ ۇلەسى 30 پايىزدان ارتىپ جىعىلادى. بۇگىندە قوعامدىق كەڭەستەردىڭ قۇرامىندا گەندەرلىك تەپە-تەڭدىك مۇلدە ساقتالماعان. بۇل باعىتتا قىزمەت ەتىپ جۇرگەن ەر ازاماتتاردىڭ سانى ايتارلىقتاي كوپ. بۇدان بولەك، جاستاردىڭ ۇلەسى بار بولعانى 5 پايىزدى قۇرايدى. جالپى رەسپۋبليكا بويىنشا 229 قوعامدىق كەڭەس بار. بىلتىر ولار 9 مىڭعا جۋىق نورماتيۆتىك-قۇقىقتىق اكتىلەردى قاراعان. الايدا ولاردىڭ 10 پايىزىنا عانا تۇسىنىكتەمە جاسالىپتى. ءمينيستردىڭ پىكىرىنشە، ءاربىر ماسەلەنى قاراستىرۋعا باعىتتالعان 10 كۇن ازدىق ەتەدى»، - دەدى كالەتاەۆ.

ال الماتى قالاسى قوعامدىق كەڭەسىنىڭ مۇشەسى داۋرەن بابامۇراتتىڭ ايتۋىنشا، ءىىم-نە بايلانىستى الماتى قالاسى قوعامدىق كەڭەسىنىڭ تاراپىنان 20-نىڭ ۇستىندە ۇسىنىم بەرىلگەن. ارىزدانۋشىمەن كەرى بايلانىس ماسەلەسىنە قاتىستى قوعامدىق كەڭەستىڭ ۇسىنىستارى بار ەكەنىن، ءارى قازىر وسى ۇسىنىستاردىڭ بارلىعى قابىلدانىپ جاتقانىن ايتتى.

وسى اتقارىلعان جۇمىستارعا قاراپ وتىرىپ قوعامدىق كەڭەستەردىڭ ماڭىزىن اڭعارۋعا بولادى. بۇل تۇرعىدان العاندا قوعامدىق كەڭەس مۇشەلەرىنىڭ تاجىريبەسى مەن ءبىلىمىن مينيسترلىك قىزمەتىنىڭ نەگىزگى ماسەلەلەرىن شەشۋدە ۇتىمدى جانە ءتيىمدى پايدالانۋ كەرەك. قوعامدىق كۋىمداستىقتار، ازاماتتار مەن زاڭدى تۇلعالار بۇگىڭگى مەملەكەت جۇرگىزىپ وتىرعان مەملەكەتتىك ساياسات پەن قوعامعا قاتىستى ءوز وي پىكىرلەرىن قوعامدىق كەڭەس ارقىلى جەتكىزە الادى.

Abai.kz