ەۋروپالىقتاردىڭ پسيحولوگياسى قىزىق. بوتەندى قۇندىلىق رەتىندە قابىلداي المايتىن، وزگەگە دۇرىس باعا بەرە المايتىن ادەتى بار. ولار ءبىزدى تەك وزدەرى سەكىلدى بولعاندا بارىپ ۇعادى. وزدەرى سەكىلدى ءومىر ءسۇرىپ، سولاردىڭ ۇستانعان ءومىر سالتىن ءبىز دە ۇستانباي ءبىزدى تۇسىنبەيدى، بوتەنسىنەدى. ءبىز دە ءبىزدى قابىل ەتسىن دەپ سولارعا ۇقساۋعا تىرىستىق.

ولار "سەندەردىڭ اسپاپتارىڭ ءبىزدىڭ كلاسسيكالاردى ويناماسا ەكىنشى سورت اسپاپ رەتىندە قارايمىز" دەدى. ءبىز دە كومپلەكستەن "ويباي، ءبىزدىڭ دە اسپاپ كلاسسيكا ويناۋعا جارامدى" دەپ دومبىرانى سابالاي بەردىك. ناتيجەدە دومبىرا دىرىلداقتارى پايدا بولدى. اسپاپتارىمىزدى دا ەۋروپا مۋزىكا اسپاپتارىنا ۇقساتىپ تىراشتانۋ - قۇلدىق سانا. ء"داستۇرلى ورىنداۋشى" دەگەن دە شارتتى اتاۋ. ءبىزدىڭ "ەسترادانىڭ" العا شىعىپ، ءداستۇرلى ورىنداۋشىلاردىڭ ارتتا قالۋىنىڭ دا سەبەبى وسى. ءداستۇرلى مۋزىكادان ەستراداعا كوشكەندەرىنىڭ استارىندا وسى ماسەە جاتىر. قوبىز بەن سىبىزعى، ۇسكىرىك، سازسىرنايلار دا "كلاسسيكا ويناۋعا قاۋقارسىز" دەگەن جەلەۋمەن دامىماي قالعان، ەكىنشى سورت اسپاپ بوپ قالدى.

ماڭىزدىسى اسپاپتارىمىزدىڭ كلاسسيكانى ويناي الۋى ەمەس، ولاردىڭ ءۇنى. ەۋروپانىڭ ولشەمدەرى بىزگە كرەتەري ەمەس. ولاردىڭ ءۇنى ءبىزدىڭ ۇلتتىق كودتارىمىزدىڭ دىبىسقا، سازعا اينالعان ءتۇرى. ء(بىر دوسىمنىڭ "سازسىرنايدىڭ داۋسىن ەستىسەم قازاقتىڭ كەڭ دالاسى ەسكە تۇسەدى" دەۋى سوندىقتان)

ال، ەۋروپا ول اسپاپتارعا تەك ەكزوتيكا، ەتنو، فولكلور دەپ قارايدى. بۇل مەنسىنبەۋشىلىك. ۇلتتىق اسپاپ ۇلتتىڭ ءۇنى عوي، ۇلتتىڭ جانى عوي. مۋزىكا سالاسىندا دا قۇل پسيحولوگياسى بار. سودان ارىلۋىمىز كەرەك. ارىلىپ تا كەلەمىز. ۇلتتىق كونسەرۆاتوريامىزعا كۇيشى رەكتور بولدى دەپ ەستىدىم. جاڭا قۇرىلعان كۇيشىلەر وداعىنىڭ دا ماڭىزى زور. وسى ايتىلعاندار قىزىقتىرسا اقسەلەۋ سەيدىمبەكوۆتىڭ "كۇي شەجىرە" اتتى كىتابىن وقىپ الىڭىز. ءوزىم ەلگە بارعاندا قايتا ءبىر وقىپ شىعام. ساۋ بولىڭىز!!!...

رومان بۇرقاشتىڭ facebook پاراقشاسىنان

Abai.kz