كەيدە اسىعىس ءبىر مامىلەلەر بولىپ جاتىر ما دەپ ويلانىپ قالاسىڭ. پرەزيدەنت قاسىمجومارت توقاەۆ ءوز مىندەتىن اتقارۋ كەزەڭىندەگى از ۋاقىتتا ەكىنشى ەلدىڭ پرەزيدەنتىمەن رەسمي كەزدەسۋ جاساپ وتىر.

جاقىن ارادا توقاەۆ سايلاۋعا دەيىن تاعى دا وسىنداي ءۇش، ءتورت كەزدەسۋ جاساۋى مۇمكىن. سەبەبى، تمد نىڭ، پوستكەڭەستىك ەلدەردىڭ باسشىلارىمەن قازاقتىڭ ەرتەڭگى پرەزيدەنتى رەتىندە ءتىل تابىسىپ، ىسكەرلىك-ديپلوماتيالىق قارىم-قاتىناس جاساپ، ءوز ستاتۋسىن ورناتقانداي ءىز قالدىرادى.

نۇروتان پارتياسى بۇل جولى توقاەۆتىڭ پرەزيدەنتتىككە كانديداتتىعىن ۇسىنۋى عاجاپ ەمەس. سەبەبى سىرتقى ساياسي بايلانىستار سونى ايعاقتاپ تۇر. بىراق توقاەۆ باستى رولدەگى ادام بولماسا دا، ناقتى ارەكەتتەرىمەن كوزگە تۇسۋدە. كەشەگى ماڭعىستاۋداعى جەمقورلىق جايىندا قاداپ سويلەگەنى بۇل جۇيەنىڭ پروتسەسىندە ايتىلاتىن ءسوز ەمەس. بۇل دا ءرولدى بۇرىپ وتىرعان ادامنىڭ حالىقتى ساياسي باۋراۋ تەحنولوگياسى ەكەنىن كورسەتەدى.

توقاەۆ نۇروتان مەن جۇيەنىڭ سايلاۋعا دەيىن دە، سايلاۋدان كەيىن دە ستاتۋسىن ارتتىرۋ ماقساتىندا شەبەر قولداناتىن ساياسي ويىنشىسى بولىپ قالماق. سول ارالىقتا كوپتەگەن ساياسي ويىندار ساحنادا ويناتىلادى. جاقسى قىرىنان əبدەن كوزگە تۇسەدى. ءبىراز جاقسىلىق جاسالادى. سەبەبى جۇيەگە ەلدىڭ كوزقاراسى پەن ءپرينتسيپىن دۇرىستاپ، əۋپىرىمدەپ ۇستاپ تۇرۋى كەرەك.

ءوز ەركىمەن قانداي دا ءبىر وزگەرىس جاساۋعا كوشپەسە، ەرتەڭ ونى قانداي دا ءبىر سەبەپتەرمەن وكىلەتتىلىگىن توقتاتادى دا، ەلدىڭ جايباراقاتتىلىعى مەن ەموتسياسىنا قاراپ، وزىنىكىن قونجيتادى. بىراق ول قانشالىقتى ىسكە اسا قويار ەكەن... ۋاقىتتىڭ ەنشىسىندە تۇر.

دəل قازىرگى پرەزيدەنتتىڭ əرەكەتى ونىڭ سايلاۋعا ءتۇسۋىن، الداعى ۋاقىتتاردا دا ەل پرەزيدەنتى بولاتىنىن ىمداپ كورسەتىپ وتىر. جالپى قازاقتىڭ تاعدىرى، قۋاتتى ۇلتتىق مەملەكەتكە اينالۋى قازاقتىڭ عانا قولىندا قالدى. باسقا ەشكىمنىڭ قولىندا تۇرعان جوق. تەك دۇرىس كوشباسشىسىنا تىزگىن ۇستاتۋى كەرەك.

بەكبولات قارجاننىڭ facebook پاراقشاسىنان

Abai.kz