«تەاتر كوكتەمى» فەستيۆالى بيىل «قارا شاڭىراق – 2019» اتاۋىمەن وتكىزىلمەك
تۇڭعىش پرەزيدەنت ن.ءا.نازارباەۆتىڭ «ۇلى دالانىڭ جەتى قىرى» ماقالاسى مەن «جاستار جىلى» اياسىندا، قر مادەنيەت جانە سپورت مينيسترلىگىنىڭ قولداۋىمەن، م. اۋەزوۆ اتىنداعى قازاق مەملەكەتتىك اكادەميالىق دراما تەاترىندا ءساۋىر ايىنىڭ 17-20 ارالىعىندا ءداستۇرلى «تەاتر كوكتەمى» فەستيۆالى جاڭا «قارا شاڭىراق – 2019» اتاۋىمەن وتكىزىلمەك.
«QARA ShAŃYRAQ – 2019» فەستيۆالى اياسىندا، 4 كۇن قاتارىنان، تەاتر ۇجىمى كورەرمەندەرگە 2018 جىلعى جاڭا قويىلىمداردى ۇسىنادى.
ولار:
- ا.چەحوۆ «سۇيىكتى مەنىڭ اعاتايىم» (رەجيسسەرى – ا.ماەميروۆ)
- ش.ايتماتوۆ «عاسىردان دا ۇزاق كۇن» (رەجيسسەرى – د.جۇماباەۆا)
- ل.تولستوي «اننا كارەنينا» (رەجيسسەرى – ە.وباەۆ)
- ب.بەدەلحان «ۇلىم، ساعان ايتام...» (رەجيسسەرى – ا.ماەميروۆ)
فەستيۆالدىڭ اشىلۋ سالتاناتى 17-ءى كۇنى 17.00-دە جانە جابىلۋى 21-ءساۋىر 11.00-دە. سپەكتاكلدەر ادەتتەگىدەي 18.30-دا باستالادى.
فەستيۆال باعدارلاماسى نەگىزىنەن تەاتردىڭ 2018 جىلعى جاڭا قويىلىمدارىن كورسەتۋ جانە ول قويىلىمداردى قازىلار القاسى مەن فەستيۆالگە قاتىسۋشىلاردىڭ تالداۋىنان تۇرادى.
جوعارى رۋحانياتتى ورنىقتىرۋعا ۇمتىلۋدى، ساحنا ونەرىنىڭ قوعامعا اسەر-ىقپالىن ارتتىرۋ مەن ءداستۇرلى ۇلتتىق قۇندىلىقتارىمىزدى جاڭعىرتا ءتۇسۋ ارقىلى جاس ۇرپاقتى ىزگىلىك يدەيالارىنا تاربيەلەۋدى كوزدەيتىن فەستيۆال اياسىندا شاكەن ايمانوۆ، ەلۋباي ومىرزاقوۆ، قاپان بادىروۆ، تانات جايلىبەكوۆتەردىڭ شىعارماشىلىق عۇمىرىنا ارنالعان ارنايى كورمەسى كورسەتىلەدى.
«قارا شاڭىراق – 2019» فەستيۆالى اياسىندا 20-ءساۋىر كۇنى م.اۋەزوۆ اتىنداعى قازاق مەملەكەتتىك اكادەميالىق دراما تەاترى فويەسىنىڭ «سىرلاسۋ بۇرىشىندا» تەاتر ارتيستەرى: قازاقستاننىڭ ەڭبەك سىڭىرگەن قايراتكەرى بەكجان تۇرىس جانە جاس اكتەر مەيرامبەك تاعانوۆپەن كەزدەسۋ ۇيىمداستىرىلادى.
Abai.kz
