بۇگىن «قازمەديا» ورتالىعىندا ەلىمىزدىڭ بۇقارالىق اقپارات قۇرالدارىنىڭ باسشىلارى 2019 جىلعى 9 ماۋسىمدا وتەتىن كەزەكتەن تىس  پرەزيدەنتتىك سايلاۋ ناۋقانىن اقپاراتتىق جاعىنان قامتاماسىز ەتكەن كەزدە ادەپ نورمالارىن ۇستانۋ تۋرالى حارتيا قابىلدادى.

ءسوز بوستاندىعى ادام قۇقىعىنىڭ اجىراماس ءبىر بولىگى بولىپ تابىلاتىنىنا، ال ادام قۇقىقتارىنىڭ جالپىعا بىردەي دەكلاراتسياسىنىڭ 19-بابى ءار ادامنىڭ اقپاراتتى ەركىن ىزدەپ، الۋ جانە تاراتۋ بوستاندىعىنا قۇقىعىن بەكىتەتىنىنە نازار اۋدارا وتىرىپ;

قازاقستان رەسپۋبليكاسى كونستيتۋتسياسىنىڭ ءسوز بوستاندىعى تۋرالى، اركىمنىڭ زاڭ جۇزىندە تىيىم سالىنباعان كەز كەلگەن تاسىلمەن ەركىن اقپارات الۋعا جانە تاراتۋعا قۇقىعى تۋرالى، تسەنزۋراعا تىيىم سالۋ تۋرالى، رەسپۋبليكانىڭ كونستيتۋتسيالىق قۇرىلىسىن كۇشتەپ وزگەرتۋدى، ونىڭ تۇتاستىعىن بۇزۋدى، مەملەكەت قاۋىپسىزدىگىنە نۇقسان كەلتىرۋدى، سوعىستى، الەۋمەتتىك، ناسىلدىك، ۇلتتىق، ءدىني، تەكتىك-توپتىق جانە رۋلىق استامشىلىقتى، سونداي-اق قاتىگەزدىك پەن زورلىق-زومبىلىققا باس ۇرۋدى ناسيحاتتاۋعا نەمەسە ۇگىتتەۋگە جول بەرمەۋ تۋرالى ەرەجەلەرىن باسشىلىققا الا وتىرىپ;

تۇڭعىش پرەزيدەنت - ەلباسى نۇرسۇلتان نازارباەۆتىڭ تاۋەلسىزدىكتى نىعايتۋ، ەكونوميكا، مەملەكەت پەن قوعامنىڭ تۇراقتى دامۋى بويىنشا باعامىنىڭ ساباقتاستىعى مەن تۇراقتىلىعىن قامتاماسىز ەتۋ ماسەلەسى شەشىلىپ جاتقان كەزدەگى ەلىمىز دامۋىنىڭ تاريحي ماڭىزدى ساتىندە، ەلىمىزدىڭ  قوعامدىق-ساياسي ءومىرى تۋرالى اقپاراتتى قازاقستاندىقتارعا وبەكتيۆتى تۇردە بەرۋ بويىنشا جوعارى جاۋاپكەرشىلىكتى سەزىنە وتىرىپ;

قازاقستان حالقىنىڭ بىرلىگىن، ونىڭ اۋىزبىرلىگىن جانە الەمنىڭ ەڭ دامىعان 30 ەلىنىڭ قاتارىنا كىرۋ - قازاقستان دامۋىنىڭ ءححى عاسىردىڭ ورتاسىنداعى باستى ماقساتىنا جەتۋ ءۇشىن ەكونوميكانى، الەۋمەتتىك كەڭىستىكتى، قوعامدىق سانانى جاڭعىرتۋدىڭ ستراتەگيالىق مىندەتتەرىنە ۇستانۋشىلىعىن تولىقتاي قولداپ;

بۇقارالىق اقپارات بوستاندىعىن، قازاقستان رەسپۋبليكاسىنىڭ دەموكراتيالىق جانە تۇراقتى دامۋىنىڭ باستى كەپىلى بولىپ تابىلاتىن ەركىن جانە ادال سايلاۋدىڭ وتكىزىلۋىن قاراستىرا وتىرىپ،

ءبىز، قازاقستان جۋرناليستەرى جانە باق سالاسىنداعى ۇكىمەتتىك ەمەس ۇيىمداردىڭ وكىلدەرى، قازاقستان رەسپۋبليكاسى پرەزيدەنتىنىڭ مەرزىمىنەن بۇرىن وتكىزىلەتىن سايلاۋى بويىنشا سايلاۋ كامپانياسى كەزىندە وسى حارتيانىڭ قاعيدالارى مەن ەرەجەلەرىن ساقتاۋعا مىندەتتەنەمىز.

1. وسى حارتيا قازاقستان رەسپۋبليكاسىنىڭ كونستيتۋتسياسىنا، قازاقستان رەسپۋبليكاسىنىڭ «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنا جانە «بۇقارالىق اقپارات قۇرالدارى تۋرالى» زاڭىنا سايكەس ازىرلەندى.

2. وسى حارتيانىڭ باستى ماقساتتارى مىناداي:

- سايلاۋ بارىسىنىڭ بارلىق كەزەڭدەرىن - ورتالىق جانە باسقا سايلاۋ كوميسسيسيانىڭ قىزمەتى تۋرالى، سايلاۋ كامپانياسىنىڭ نەگىزگى كەزەڭدەرى تۋرالى، پرەزيدەنتىككە ۇمىتكەرلەر مەن ولاردىڭ سايلاۋ الدىنداعى اكتسيالارى تۋرالى، داۋىس بەرۋ قورتىندىسىنىڭ ءتارتىبى، بارىسى جانە وتكزىزىلۋى تۋرالى باق-نىڭ كاسىبي، وبەكتيۆتى جانە جەدەل تۇردە كورسەتۋى ارقىلى ازاماتتاردىڭ سايلاۋ قۇقىعىنىڭ تولىق ىسكە اسىرىلۋىنا جاردەمدەسۋ;

- قازاقستان رەسپۋبليكاسىنىڭ قولدانىستاعى زاڭناماسىنا سايكەس بارلىق تىركەلگەن پرەزيدەنتىككە ۇمىتكەرلەردىڭ باق-نا بىردەي رۇقساتتى بەرۋ;

- سايلاۋ پروتسەسىنىڭ بارىسى مەن ونىڭ ناتيەجەلەرى تۋرالى، سونداي-اق بارلىق پرەزيدەنتىككە ۇمىتكەرلەر مەن ولاردىڭ سايلاۋ شتابتارىنىڭ قىزمەتى، كوزقاراستارى مەن ساياسي ۇستانىمدارى، باعدارلامالارى تۋرالى وتاندىق باق-نىڭ ادەكۆاتتى، تولىق جانە انىق مالىمدەۋىن قامتاماسىز ەتۋ;

- باق-دا سايلاۋ كامپانياسىن ۇيىمداستىرۋ، وتكىزۋ جانە ناتيجەلەرىنە قاتىستى تەكسەرىلمەگەن جانە دايەكسىز اقپاراتتىڭ تارالماۋىنا قارسى ارەكەت ەتۋ، سونىڭ ىشىندە سايلاۋشىلاردىڭ ەلەكتورالدىق تالعاۋلارىن كورسەتەتىن قوعامدىق پىكىر ساۋالنامالارىنىڭ ناتيجەلەرىن جاريالاعان كەزدە.

3. وسى حارتياعا قوسىلعان جانە قول قويعان بۇقارالىق اقپارات قۇرالدارى، جۋرناليستەر مەن ۇكىمەتتىك ەمەس ۇيىمداردىڭ وكىلدەرى مەرزىمىنەن بۇرىن وتكىزىلەتىن سايلاۋدى اقپاراتتىق جاعىنان قامتاماسىز ەتكەن كەزدە مىناداي قاعيدالارعا ۇستانۋشىلىعىن مالىمدەيدى:

1) قازاقستان رەسپۋبليكاسىنىڭ زاڭناماسىن، كاسىبي ەتيكا نورمالارىن جانە جۋرناليستەردىڭ مىنەز-قۇلىق ەرەجەسىن مۇلتىكسىز ساقتاۋ;

2) پرەزيدەنتىككە ۇمىتكەرلەر تۋرالى، سايلاۋ كامپانياسى كەزىندە ولاردىڭ باعدارلامالارى مەن قىزمەتى تۋرالى ماتەريالداردىڭ وبەكتيۆتىلىگى جانە بەيتاراپتىلىعى;

3) سايلاۋ پروتسەسىنە جانە پرەزيدەنتىككە ۇمىتكەرلەردىڭ ۇستانىمدارىنا قاتىستى اقپارات كوزدەرىن مۇقيات تەكسەرۋ، اسىرەسە ولار كۇمان تۋعىزعان جاعدايدا، سونداي-اق پرەزيدەنتكە ۇمىتكەرلەردىڭ نامىسىنا، ابىرويىنا جانە ىسكەرلىك بەدەلىنە ادەيى نۇقسان تيگىزەتىن ماتەريالداردىڭ جاريالانۋىن بولدىرماۋ;

4) سوتسيولوگيالىق ساۋلنامالاردى وتكىزۋ مەن جاريالاۋدىڭ بەلگىلەنگەن ءتارتىبىن جانە جاعدايلارىن قولدانۋ، سونىڭ ىشىندە بۇل داۋىس بەرۋدىڭ الداعى كۇنىندەگى ناتيجەلەرىنىڭ كورسەتكىشتەرى ەمەس، تەك ناقتى ءبىر كۇندەگى قوعامدىق پىكىردى جازىپ الۋ ەكەندىگى تۋرالى اۋديتوريانى ەسكەرتۋمەن جاريالانۋىن سۇيەمەلدەۋگە;

5) سايلاۋعا دەيىن 5 كۇن بۇرىن جانە داۋىس بەرۋ كۇنىندە قوعامدىق پىكىر ساۋالنامالارىنىڭ ناتيجەلەرى تۋرالى ماتەريالداردى، سايلاۋ كامپانياسىنىڭ جانە باسقا دا ەلەكتورالدى زەرتتەۋلەردىڭ ناتيجەلەرىنىڭ بولجامدارىن جاريالاۋدان جانە تاراتۋدان باس تارتۋ;

6)  اقپاراتتىق حابارلامالار جانە پرەزيدەنتكە ۇمىتكەرلەردى قولداۋ رەتىندەگى اگيتاتسيالىق جاريالانىمدار اراسىنداعى ايقىن جانە ءبىر ءماندى ايىرماشىلىقتى وتكىزۋ.

4. وسى حارتيا ءوزارا قۇرمەتكە، مۇددەلەردى ماقۇلداۋعا جانە ەسەپكە الۋعا، ساياسي مادەنيەت نورمالارىنا ۇستانۋشىلىققا، شىنايى جانە تولىق اقپاراتتى شارتسىز پايدالانۋعا نەگىزدەلگەن باق جانە سايلاۋ پروتسەسىنىڭ بارلىق سۋبەكتىلەرى اراسىنداعى ءوزارا قارىم-قاتىناستىڭ جۇيەسىن قۇرۋدى كوزدەيدى.

5. وسى حارتيا قوعام مەن مەملەكەت مۇددەلەرىن ەسەپكە الۋ ارقىلى كوپشىلىك مويىنداعان ادام قۇقىقتارى مەن بوستاندىقتارىنىڭ ءابسوليۋتتى ارتىقشىلىعىنا جەتۋگە باعىتتالعان جانە ءوزارا قۇرمەتكە، قوعامدىق باتۋالاستىققا نەگىزدەلگەن، سايلاۋ پروتسەسىن مالىمدەگەن كەزدە تۋىندايتىن ماسەلەلەردى كۇشتەپ نەمەسە زورلىقپەن شەشۋ نىساندارىن بولعىزبايتىن ساياسي ءوزارا ارەكەتتەستىكتىڭ نىساندارىن ەسكەرەدى.

6. وسى حارتيا بارلىق بۇقارالىق اقپارات قۇرالدارى، بىرلەستىكتەر جانە ونىڭ ماقساتتارىنا، قاعيداتتارىنا جانە قاعيدالارىنا ورتاقتاساتىن تۇلعالار ءۇشىن قول قويۋعا اشىق بولىپ تابىلادى.

Abai.kz