مەملەكەت باسشىسى قاسىم-جومارت توقاەۆ قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى مۇرات بەكتانوۆتى قابىلدادى. بۇل تۋرالى اقوردانىڭ رەسمي سايتى جازدى.

مەملەكەت باسشىسىنا قازاقستان رەسپۋبليكاسى قارۋلى كۇشتەرىنىڭ اسكەري دايىندىعىنىڭ جاعدايى جانە ەلىمىزدى قورعاۋ جوسپارلارىن جۇزەگە اسىرۋ جونىندەگى باس شتابتىڭ جۇرگىزىپ جاتقان جۇمىسى تۋرالى باياندالدى.

قاسىم-جومارت توقاەۆ اسكەري قاۋىپ تۋدىرۋى مۇمكىن جاعدايلاردى تالداۋ جۇمىستارىن كۇشەيتۋ، قارۋلى كۇشتەردى ودان ءارى دامىتۋدىڭ كونتسەپتۋالدى جولدارىن ازىرلەۋ قاجەتتىگىن ايتتى.

سونىمەن قاتار، م.بەكتانوۆ قازاقستان پرەزيدەنتىنە وسى كۇندەرى ءوتىپ جاتقان «ايبالتا-2019» ستراتەگيالىق كوماندالىق-شتابتىق وقۋ-جاتتىعۋ تۋرالى باياندادى.

سوڭىندا مەملەكەت باسشىسى اسكەري ساياسات سالاسىنداعى مەملەكەتتىك ورگانداردىڭ جۇمىستارىن ۇيلەستىرۋ، اسكەري ءتارتىپ دەڭگەيىن كۇشەيتۋ، سونداي-اق، ءوتىپ جاتقان وقۋ-جاتتىعۋ كەزىندە قاۋىپسىزدىكتى قامتاماسىز ەتۋ جونىندە بىرقاتار تاپسىرمالار بەردى.

Abai.kz