وتكەلدە ات اۋىستىرما
ءبىز ۋكراين حالقىنا العىس ايتۋعا مىندەتتىمىز. ولار بالكي قازاق جەرىنە باعىتتالۋى ءتيىس بولعان رەسەي سوققىسىن وزدەرىنە قابىلدادى. مىنە، 5 جىل شىعىسىندا سوعىس ءجۇرىپ جاتىر.
سولتۇستىكتەگى اگرەسسور تاعى ءبىر سۇمدىقتى بۇل ەلگە دايىنداپ وتىر. رەسەي لنر مەن دنر تۇرعىندارىنا رەسەي پاسپورتىن تاراتۋدى جەڭىلدەتپەك. بۇل دەگەنىمىز بەلگىلى ستسەناري. "ولار رەسەي ازاماتتارى، ءبىز ولاردىڭ قىرىلۋىنا جول بەرمەيمىز" دەگەن جەلەۋمەن ەرتەڭ رەسەي رەسمي تۇردە اسكەر كىرگىزۋگە مۇمكىندىك الادى. ءسويتىپ ۋكراينانىڭ شىعىسىن تولىقتاي تارتىپ الىپ، وزدەرىنە قوسادى. بۇعان دەيىن تالاي ەلدى ءسويتىپ بولشەكتەگەن بولاتىن.
بۇل ستسەناريگە ءبىزدىڭ رەسەي كانالدارىنا ميى ۋلانىپ قالعاندار شىنىمەن سەنىپ قالادى. "ولاردىڭ ءوز تاڭداۋى", ء"وز ۇلتىن قورعاۋعا رەسەي قۇقىلى" دەپ قۋىپ وتىرادى ارتىنان. ولارعا ءتۇسىندىرۋ مۇمكىن ەمەس، ويتكەنى ماقتاباس. بىراق ول ماقتاباستار رەسەيگە كەلگەندە ءوز ۇلتىن قوعاۋعا قۇقىلى دەگەنمەن، قازاققا كەلگەندە ولاي ويلامايدى. وعان تار قاپاستا قىرىلعان قىتايداعى قازاق جايلى ءتىس جارماۋى دالەل.
بىراق قازاق وسىدان ساباق الۋعا ءتيىس. سولتۇستىكتى مىعىمداۋ كەرەك. دەرەۋ كوشتى ەسەلەپ ارتتىرىپ، شەتتەن كەلگەن قانداسقا بار جاعدايدى جاساپ، سوندا قونىستاندىرۋ لازىم. ءبىز بۇل جۇمىستى باستادىق، بىراق ءالى قارقىنى تىم از. قازاقستاندا قوس ازاماتتىققا جول جوق، وسى ەرەجە ەشقاشان وزگەرمەۋى ءتيىس.
دانا حالقىمىز "وتكەلدە ات اۋىستىرما" دەيتىن ەدى. ۋكراينا ۇلكەن اسۋ مەن وتكەل ۇستىندە جاڭا باسشى تاڭداپ جاتىر. دۇرىس شىعار. بىراق جەرىنىڭ ءبىر قارىسىن قاس جاۋىنا بەرىپ قويسا، ونداي تاڭداۋدىڭ كەرەگى شامالى بولماق.
تاۋەلسىز ۋكراينا جاساسىن. ايبىندى اسكەرى كەز كەلگەن بولشەكتەۋ ارەكەتىنە قارقىندى جاۋاپ قاتسىن دەپ تىلەيمىن.
اسحات قاسەنعاليدىڭ facebook پاراقشاسىنان
Abai.kz
