استانا.  16 ماۋسىم.  قازاقپارات  - مەملەكەت باسشىسى نۇرسۇلتان نازارباەۆقا جولداس تەمىراليەۆ، ايبار حاسەنوۆ جانە التىنبەك سارسەنباەۆ ءولىمىنىڭ دەرەكتەرى بويىنشا جۇرگىزىلگەن قىلمىستىق ءىستىڭ ناقتى ناتيجەسى تانىستىرىلدى.

بۇل تۋرالى پرەزيدەنتكە باس پروكۋرور اسحات داۋىلباەۆ پەن ىشكى ىستەر ءمينيسترى قالمۇحانبەت قاسىموۆ باياندادى،  دەپ حابارلادى قر پرەزيدەنتىنىڭ  ءباسپاسوز   قىزمەتىنەن.

2007 جىلى جاسالعان تەمىراليەۆ پەن حاسەنوۆقا قاتىستى قىلمىس تۋرالى تولىعىمەن مەملەكەت باسشىسىنا باس پروكۋرور اسحات داۋىلباەۆ بايانداپ بەردى.

باس پروكۋرور حاباردار ەتكەندەي، توپ-مەنەدجەرلەردى مۇلىكتى يەلەنۋ ماقساتىندا اليەۆ، كوشلياك جانە وزگە ادامداردىڭ باسشىلىعىمەن قىلمىستىق توپ ۇرلاپ اكەتكەن.

الدىمەن اليەۆتىڭ الماتىداعى رەزيدەنتسياسىندا بانكيرلەردى پسيحوتروپتىق پرەپاراتتاردىڭ كومەگىمەن ازاپتاعان. ودان كەيىن تەمىراليەۆ پەن حاسەنوۆتى رەميزوۆ سايىنا الىپ كەتىپ، تۇنشىقتىرعان.

استانا.  16 ماۋسىم.  قازاقپارات  - مەملەكەت باسشىسى نۇرسۇلتان نازارباەۆقا جولداس تەمىراليەۆ، ايبار حاسەنوۆ جانە التىنبەك سارسەنباەۆ ءولىمىنىڭ دەرەكتەرى بويىنشا جۇرگىزىلگەن قىلمىستىق ءىستىڭ ناقتى ناتيجەسى تانىستىرىلدى.

بۇل تۋرالى پرەزيدەنتكە باس پروكۋرور اسحات داۋىلباەۆ پەن ىشكى ىستەر ءمينيسترى قالمۇحانبەت قاسىموۆ باياندادى،  دەپ حابارلادى قر پرەزيدەنتىنىڭ  ءباسپاسوز   قىزمەتىنەن.

2007 جىلى جاسالعان تەمىراليەۆ پەن حاسەنوۆقا قاتىستى قىلمىس تۋرالى تولىعىمەن مەملەكەت باسشىسىنا باس پروكۋرور اسحات داۋىلباەۆ بايانداپ بەردى.

باس پروكۋرور حاباردار ەتكەندەي، توپ-مەنەدجەرلەردى مۇلىكتى يەلەنۋ ماقساتىندا اليەۆ، كوشلياك جانە وزگە ادامداردىڭ باسشىلىعىمەن قىلمىستىق توپ ۇرلاپ اكەتكەن.

الدىمەن اليەۆتىڭ الماتىداعى رەزيدەنتسياسىندا بانكيرلەردى پسيحوتروپتىق پرەپاراتتاردىڭ كومەگىمەن ازاپتاعان. ودان كەيىن تەمىراليەۆ پەن حاسەنوۆتى رەميزوۆ سايىنا الىپ كەتىپ، تۇنشىقتىرعان.

- ولاردى 200 ليترلىك بوشكەگە سالعان. وعان دەيىن ولار تۇنشىقتىرىپ ولتىرىلگەن. باستارىنا پاكەت كيگىزىپ، ونىڭ سىرتىنان جىپپەن جانە ارقانمەن بايلاپ تاستاعان. بايلاپ-ماتاپ تاستاعاندارى سوندايلىق، ءتىپتى سۇيەكتەرىن دە سىندىرعان. قازىر ءبىز ءىس بويىنشا 20-دان استام ساراپتامالىق زەرتتەۋلەر جۇرگىزدىك، وسى قىلمىستىڭ بولعان دەرەگىن كورسەتىپ وتىرعان 30-عا جۋىق كۋاگەردى سۇرادىق. بۇدان بولەك، اليەۆ، كوشلياك جانە ولار باسقارعان قىلمىستىق توپتىڭ تەمىراليەۆ پەن حاسەنوۆتى ولتىرگەندەرىنەن دەرەك بەرەتىن وزگە دە دالەلدەر تابىلدى. قازىرگى ۋاقىتتا قىلمىسكەرلەرگە سىرتتاي ايىپ تاعىلىپ، سوت ارقىلى قاماۋعا الۋ شاراسى بەلگىلەندى، ولارعا حالىقارالىق ىزدەۋ جاريالاندى، - دەدى ا. داۋىلباەۆ.

مەملەكەت باسشىسىنا سونداي-اق قىلمىسكەرلەر جازادان قاشىپ كەتپەسى ءۇشىن قانداي شارالار قابىلدانعانى جونىندە مالىمدەلدى.

باس پروكۋرور اتاپ وتكەندەي، قازىرگى ۋاقىتتا قورعاۋشىلار اليەۆتى ەكستراديتسيالاۋ تۋرالى ماسەلە قويىپ وتىر، الايدا ول جاۋاپكەرشىلىكتەن قاشۋعا ۇمتىلىپ، وزىنە ديسسيدەنت رەتىندە يميدج قالىپتاستىرۋدا، ءوزىنىڭ سايتىندا جالعان اقپاراتتى ادەيى تۇراقتى تاراتۋدا.

- بۇل دالەلى دەرەككە نەگىزدەلمەگەن جالا بولىپ تابىلادى، جالعان قۇجاتتار بولىپ تابىلادى. ءبىز بۇل دەرەكتى اۆستريالىق سوت ورىندارىنا بىرنەشە رەت دالەلدەدىك. اتاپ ايتقاندا، ينتەرپولدىڭ ەۋروپالىق ءبولىمىنىڭ باستىعى گەرمانيالىق دوكتور روتسەلليا تاراپىنان تەكسەرىس جۇرگىزىلدى. ول بارلىق ۇسىنىلعان ماتەريالدى زەرتتەي كەلە، ۇسىنىلعان ماتەريالدار بۇرمالانعان قۇجاتتار بولىپ تابىلادى دەگەن ناقتى توقتامعا كەلدى، - دەپ اتاپ ءوتتى ا. داۋىلباەۆ.

اليەۆتىڭ تاراتقان ماتەريالدارى تەرىسكە شىعارىلعانىنا قاراماستان، ول جالعان اقپاراتتى ورنالاستىرۋىن جالعاستىرۋدا. سونداي-اق اسحات داۋىلباەۆ التىنبەك سارسەنباەۆتىڭ ءولىمىنىڭ دەرەگىنە قاتىستى ءىس 2006 جىلى اقش فزب (فبر) قىزمەتكەرلەرىنىڭ قاتىسۋىمەن تولىق اشىلعانىن، جانە تەرگەۋدىڭ ساپاسىنا كۇمان كەلتىرۋگە نەگىز جوقتىعىن ەسكە سالىپ ءوتتى.

- ءبىز بۇل قىلمىسقا قاتىسى بار توپ مۇشەلەرىنىڭ ءبارىن انىق زەرتتەدىك. ولاردىڭ بارىنە ۇكىم شىعارىلعان، ءبارى جازاسىن الدى. وزگە ادامداردىڭ قاتىسى بارلىعى تۋرالى قانداي دا ءبىر وبەكتيۆتى دالەلدەردى ەشكىم ۇسىنعان جوق جانە وعان ەشقانداي دالەل جوق. باس پروكۋراتۋرا رەتىندە ءبىز ءىس تولىق، جان-جاقتى جانە وبەكتيۆتى تۇردە تەرگەلگەن دەپ ناقتى ايتا الامىز. سوت شەشىمى زاڭدى جانە وبەكتيۆتى، - دەدى باس پروكۋرور.

«نۇربانك» توپ-مەنەدجەرلەرىنىڭ ءولتىرىلۋى تۋرالى ءوز مالىمەتتەرىن پرەزيدەنتكە ىشكى ىستەر ءمينيسترى باياندادى. ق. قاسىموۆ اتاپ وتكەندەي، تەرگەۋ قىلمىسكەرلەردىڭ ناقتى عيماراتتارىن انىقتادى. كۋاگەرلەردىڭ كورسەتىپ بەرگەندەرى عانا ەمەس، سونداي-اق اليەۆ پەن كوشلياكتىڭ ۇيالى تەلەفوندارىنىڭ بيللينگى دە ونى دالەلدەدى.

- رەميزوۆ سايىنان تابىلعان جولداس تەمىراليەۆ پەن ايبار حاسەنوۆتىڭ دەنەلەرى ەكەنى ءجۇز پايىزعا انىقتالدى. ءبىرىنشى كەزەكتە، بۇل مولەكۋليارلىق-گەندىك جانە مەديتسينالىق-كريميناليستيكالىق ساراپتامانىڭ ناتيجەسى، قيانات كورگەندەردىڭ دەنەسى. ءبىز 2007 جىلى قول جەتكىزگەن دالەلدەر ءمايىتتى تاپقاننان كەيىن دە جاڭادان دالەلدەندى. ەكىنشىدەن، بۇل ءتىسى بويىنشا، كيىم-كەشەگى بويىنشا تانىلدى، سونىمەن بىرگە، بەرليندىك مەديتسينالىق ۋنيۆەرسيەتتىڭ ساراپشىسى ومىرتقانىڭ مايىسقانىن انىقتادى. انىعىندا، تەمىراليەۆ سوندايمەن اۋىرعان. ءبىز تەمىراليۆ پەن حاسەنوۆتىڭ ءولىمى اشىلدى دەپ بۇگىنگى كۇنى ءجۇز پايىز سەنىممەن ايتا الامىز جانە ايىپ تاعۋ ءۇشىن بىزدە داۋسىز دالەلدەر بار، - دەپ اتاپ ءوتتى ق. قاسىموۆ.

كۇش قۇرىلىمدارىنىڭ باسشىلارىمەن كەڭەستىڭ قورىتىندىسى بويىنشا مەملەكەت باسشىسى نۇرسۇلتان نازارباەۆ بىرقاتار تاپسىرمالار بەردى.

- سىزدەر ءوز جۇمىستارىڭدى جالعاستىرۋعا تيىسسىڭدەر. باس پروكۋراتۋرا دا، ءىىم دە، قىلمىسكەرلەردى ەكستراديتسيالاۋ ءۇشىن، بانكيرلەر ءولىمى بويىنشا كىنالىلەر سوت الدىندا جاۋاپ بەرۋى ءۇشىن جانە زاڭ الدىندا جاۋاپكەرشىلىك الۋى ءۇشىن، سونىڭ نەگىزىندە بارلىق قاجەتتى شارالاردى قابىلداۋ ءۇشىن، وسى ءىس بويىنشا تەكسەرىستى جەكە باقىلاۋدا ۇستاۋلارىڭ قاجەت. اۆستريا ۇلكەن ەكونوميكالىق قارىم-قاتىناستار ورناتقان ءبىزدىڭ ارىپتەسىمىز بولىپ تابىلادى. ەندى اۆستريالىق بيلىك ادىلدىك سالتانات قۇرۋى ءۇشىن، قىلمىسكەرلەردى بەرمەۋگە دالەلدەرى جوق. راحات اليەۆ ۇرەي ۇستىندە، سوندىقتان جالعان ايتىپ، جاس ادامداردىڭ ءوز قولدارىنان ءولتىرىلۋى تۋرالى وسى دەرەكتى جاۋاپكەرشىلىگىنە الۋدان قاشىپ، وزىنە تاعىلعان كۇدىكتى الىپ تاستاعىسى كەلەدى. سونىڭ بارىنە قاراماستان، ءبىز ءىستى اياعىنا دەيىن جەتكىزۋىمىز كەرەك، - دەپ قاداپ ايتتى پرەزيدەنت.

مەملەكەت باسشىسى باس پروكۋراتۋراعا راحات اليەۆ باسپاسوزدە جانە ينتەرنەتتە جاريالاعان مالىمدەمەلەر مەن ماتەريالدارعا قۇقىقتىق باعا بەرۋدى تاپسىردى. بۇدان بولەك، تاياۋ ۋاقىتتا پرەزيدەنتتىڭ تاپسىرماسى بويىنشا قۇقىق قورعاۋ ورگاندارى وسى قىلمىستىق ءىستىڭ تەكسەرىلۋ بارىسى تۋرالى بارلىق اقپاراتتى ۇسىناتىن ءباسپاسوز ءماسليحاتى وتەتىن بولادى.