"قازاقستاننىڭ قورعانىس ۆەدومستۆوسى رەسەيدەگى باس اسكەري شىركەۋ قۇرىلىسىنا بەلگىلى ءبىر سومادا قارجى اۋداردى" دەدى گەنەرال-لەيتەنانت التىنباەۆ.
ناقتى قانشا اقشا اۋدارىلعانىن قورعانىس ءمينيسترىنىڭ ورىنباسارى اشىپ ايتقان جوق.
ءمۇسلىم التىنباەۆ مۇنان سوڭ قازاقستانعا رەسەي شىركەۋىنە قايىرىمدىلىق جاساۋدان نە پايدا كەلەتىنىن ايتقان. ونىڭ سوزىنشە، 2019 جىلدىڭ ساۋىرىندە قازاقستان بيلىگى ماسكەۋگە ەكىنشى دۇنيەجۇزىلىك سوعىسقا قاتىسقان قازاقستاندىقتار تۋرالى اقپارات جىبەرگەن. "ولاردىڭ ەسىمدەرى باس اسكەري شىركەۋدە ماڭگى ساقتالادى" دەدى التىنباەۆ.
رەسەي اسكەرىنىڭ باس شىركەۋى ەلدەگى ەڭ ءىرى ءدىني كەشەندەردىڭ ءبىرى بولادى دەپ جوسپارلانعان. ونى بيلىك ماسكەۋ ىرگەسىندەگى كۋبينكا قالاسىندا ەكىنشى دۇنيەجۇزىلىك سوعىستاعى جەڭىستىڭ 75 جىلدىعىنا وراي – 2020 جىلى سالىپ ءبىتۋى ءتيىس.
رەسەي قورعانىس مينيسترلىگى شىركەۋدىڭ حالىقتىڭ قايىرىمدىلىققا دەپ بەرگەن قارجىسىنا سالىنىپ جاتقانىن ايتقان.
رەسمي ستاتيستيكا بويىنشا، 2019-2021 جىلدارعا بەكىتىلگەن بيۋدجەت بويىنشا، بيىل قازاقستان قورعانىس مينيسترلىگىنە 315,9 ميلليارد تەڭگە بولىنگەن. بۇل سوما 2021 جىلعا قاراي 296,41 ميلليارد تەڭگەگە ازايادى.
Abai.kz
