رەسەيدىڭ «ورىس الەمى» يدەياسى ەندىگى جەردە ءبىر عانا ورتالىق ازيامەن شەكتەلىپ قالمايدى. باۋىرلاس تاتار حالقىنىڭ «ورىستار اۋەلى پۋشكينىن، ودان كەيىن پۋشكاسىن اكەلەدى» دەگەن قاناتتى ءسوزىنىڭ راستىعىن رف تاعى دا ءبىر رەت دالەلدەدى. الەم جۇرتشىلىعىن ءدۇر سىلكىنتكەن رف پرەزيدەنتى ۆلاديمير ءپۋتيننىڭ 24 ساۋىردە قول قويعان جارلىعى تاعى ۇلكەن ءبىر ساياسي ويىننىڭ باستالعانىن اڭعارتتى. ەندى دونەتس جانە لۋگانسك وبلىستارىنىڭ تۇرعىندارىنا جەڭىلدەتىلگەن جولمەن رەسەيلىك تولقۇجات بەرىلە باستاماق. جارلىق قازىر تولىقتاي كۇشىنە ەندى.

تاياۋدا ارگەنتينادا وتكەن رەسەيلىك وتانداستاردىڭ ايماقتىق كونفەرەنتسياسىنان كەيىن  ونىڭ توراعاسى دميتري لوبكوۆ جۋرناليستەرگە بەرگەن سۇحباتىندا: «مى پرەدلوجيم ۆسەميرنومۋ كونگرەسسۋ سووتەچەستۆەننيكوۆ ۆوپروس و سوزداني وكرۋگا دالنەگو زارۋبەجيا، چتوبى مى موگلي پرەدستاۆيت سۆوەگو دەپۋتاتا، كاك ەتو سدەلانو ۆ يسپاني ي فرانتسي» دەدى. وتارسىزدانعان يسپانيا مەن فرانتسيا بۇرىنعى ءوز وتارلارىنداعى جاڭا بيلىكتى مويىندامايتىن وتانداستارى اراسىندا ساياسي ۇستەمدىگىن ساقتاپ قالۋىن زاڭمەن بەكەمدەگەن بولاتىن. ەندى وسى قادامعا رف بارعالى وتىر.

وسىلايشا ورتالىق ازياداعى تەك ماسكەۋگە عانا قارايتىن پراۆوسلاۆتىق ورىس شىركەۋىنىڭ اياسى ودان دا كەڭىپ، ەندى ونداعى تۇراتىن ورىستاردى ساياسي بەلسەندىلىك تانىتۋعا كوشىرۋدىڭ العاشقى قادامى جاسالىپ قويدى. جاڭا تاۋەلسىز رەسپۋبليكالاردى ەمەس، ءوزىنىڭ كسرو-دا تۋعانىن  مويىنداۋشىلىقتى العا تارتۋدى ۇستانۋعا شاقىرۋشىلىقتىڭ ارعى جاعىندا كۇماندى دۇيەلەر بۇعىپ جاتىر.

وسى ورايدا دميتري لوبكوۆ: «ۋ ناس ەست منوگو سووتەچەستۆەننيكوۆ، كوتورىە ۆىەحالي س سوۆەتسكيمي پاسپورتامي ي حوتەلي بى پولۋچيت روسسيسكوە گراجدانستۆو، نو وني نە موگۋت سدەلات ەتو بەز وتكازا وت سۆوەگو گراجدانستۆا», - دەپ تۇسىندىرەدى.

دميتري لوبكوۆتىڭ بۇل باستاماشىلىعىن رف دۋماسىنداعىلاردىڭ ءبارى بىردەي قولداپ وتىرعان جوق دەسەك تە، الەمدى كوز قىلىپ، وا، بالتىق جانە كاۆكاز ەلدەرىنەن دەپۋتات سايلاۋدى العاش رەت كوتەرىپ وتىر. باسى اشىق دۇنيە پۋتيندىك  رەجيمنىڭ جاڭا يدەولوگيالىق ءونىمى وا ورىستارىن قاققا جارعالى وتىر.

ءابىل-سەرىك الياكپار

Abai.kz