ەكىنشى ورىندى - يتاليالىق ءانشى الەسساندرو ماحمۋد، ءۇشىنشى ورىندى - رەسەيلىك ءانشى سەرگەي لازارەۆ يەلەندى. ماحمۋد - "سولدي" ءانىن، لازارەۆ - Scream ءانىن ايتقان.

بايقاۋ جەڭىمپازى لوۋرەنس - 25 جاستا. 2014 جىلى نيدەرلاندتاعى "داۋىس" بايقاۋىنا قاتىسىپ، جارتىلاي فينالعا جەتكەن. وسىدان سوڭ روك-اكادەمياسىندا وقىپ، 2019 جىلى تامامداعان.

رەسەيلىك ءانشى لازارەۆ "Eurovision" بايقاۋىنا وسىمەن ەكىنشى رەت قاتىستى. ول 2016 جىلى ستوكگولمدە وتكەن بايقاۋدا You Are The Only One​ كومپوزيتسياسىن ايتىپ، ءۇشىنشى ورىن يەلەنگەن ەدى.

الدىڭعى جىلدارداعىداي بيىل دا بايقاۋ توڭىرەگىندە شۋ شىققان. ۋكراينا "ىرىكتەۋ كەزەڭىنىڭ تىم ساياسيلانعانىن" ايتىپ، قاتىسۋدان باس تارتقان. بۇعان دەيىن كەيبىر ەلدەر ءيزرايلدىڭ پالەستينالىقتاردىڭ قۇقىعىن بۇزاتىنىن العا تارتىپ، بايقاۋدى بۇل ەلدە وتكىزبەۋگە شاقىرعان. "Eurovision" قارساڭىندا ءيزرايلدىڭ وزىندە دە نارازىلىق اكتسيالارى ءوتتى. وعان قاتىسۋشىلار بايقاۋدىڭ ءدىني مەرەكە وتكىزۋگە كەدەرگى جاساعانىنا قارسىلىق ءبىلدىردى.

Abai.kz