بۇعان دەيىن ينتەرنەتتە اتىراۋ وبلىسى پوليتسيا دەپارتامەنتى باسشىسى ايان دۇيسەمباەۆقا ۇقسايتىن ادامعا ءبىر توپ جۇرت قوشەمەتپەن جىلقى مىنگىزىپ جاتقان ۆيدەو تاراعان. ىشكى ىستەر مينيسترلىگى بۇل ۆيدەوداعى ادام ايان دۇيسەمباەۆ ەكەنىن ايتىپ، ونىڭ ۇستىنەن قىزمەتتىك تەكسەرىس باستالعانىن حابارلاعان.
قازاقستان پرەزيدەنتى قاسىم-جومارت توقاەۆ "سىيلىققا ات مىنگەن" پوليتسيا دەپارتامەنتى باسشىسىن قاتاڭ جازالاناتىنىن ايتقان.
كەيىن ىشكى ىستەر ءمينيسترىنىڭ ورىنباسارى الەكسەي كالايچيدي باستاعان كوميسسيا اتىراۋ وبلىسىنا بارىپ، قوعامدا شۋ تۋعىزعان وقيعانى تەكسەرگەن. مينيسترلىكتىڭ حابارلاۋىنشا، كوميسسيا دۇيسەمباەۆتىڭ قىزمەت ەتيكاسىن بۇزعانىن انىقتاعان.
6 مامىردا قاسىم-جومارت توقاەۆ نۇر-سۇلتاندا ايان دۇيسەمباەۆقا گەنەرال-مايور شەنىن تاپسىرعان.
Abai.kz
