زەلەنسكي xالىقتىڭ تامىرىن ءدوپ باستى
زەلەنسكيدىڭ ءبىر اۋىز ءسوزىنىڭ سالماعى ەلدەگى بۇكىل سايلاۋ ناۋقانىنان باسىم ءتۇستى. نەگە؟
تۇسىندىرە كەتەيىن. ليدەردىڭ ەكى-اق قۇرالى بار: ءسوز بەن ءىس. ليدەردىڭ ءسوزى جۇرەكتەرگە جەتپەسە، ءسوزى ىسىمەن قابىسىپ جاتپاسا، ليدەر ەل سەنىمىنەن ايىرىلادى. دەموكراتياسى كەمەلدەنگەن ەلدەردە ونداي ليدەر بيلىكتە ۇزاق وتىرا المايدى.
وسى تۇرعىدان كەلگەندە زەلەنسكيدىڭ ءسوزى xالىققا جەتتى. ەندى ءسوزى مەن ءىسىنىڭ اراسى جاقىن بولسا، xالىقتىڭ باقىتىنا وراي، ۋكرايناداعى ليدەرلىك تۇسىنىگىن جاڭا دەڭگەيگە كوتەرىپ تاستايتىن پرەزيدەنت بولاتىنىنا ?پايىز سەنىمدىمىن. حالىقتىڭ باقىتىنا دەپ وتىرعانىم، xالىق بۇدان كەيىنگى پرەزيدەنتتەرىن دە جاڭا ساپالىق ولشەممەن ولشەيتىن بولادى. بۇدان كەيىنگىلەردىڭ وزدەرى دە زەلەنسكيگە ۇقساۋعا تىرىسادى. سەبەبى، زەلەنسكي ساياسي ليدەرلىك پاراديگماسىن تۇبەگەيلى وزگەرتىپ جىبەردى.
گارۆاردتا وبامانىڭ سپيچرايتەرى ستەپان كرۋپيننەن ساباق الدىم. جالپى امەريكادا ءسوز جازۋ ونەر دەڭگەيىنەن ءوتىپ، عىلىم دەڭگەيىنە جەتكەن سالا. حالىقتىڭ جۇرەگىنە جەتەردەي ءسوز جازۋدىڭ امال-تاسىلدەرى بار. كۋرس بارىسىندا اقش پرەزيدەنتتەرىنىڭ نەگىزگى سپيچتەرىن بۇگە-شىگەسىنە دەيىن تالدادىق. كۋرس قورىتىندىسى بويىنشا ءسوز جازۋدان جارىس ءوتتى. ساباق الىپ جۇرگەن ستۋدەنتتەر تۇگەل قاتىستى. ءسويتىپ سوزدەر داۋىسقا سالىندى. ماقتانعانىم ەمەس، مەن جازعان ءسوز ەڭ كوپ داۋىس جينادى.
ءسوز جازۋدان ساباق العان ادام رەتىندە ايتارىم، زەلەنسكي xالىقتىڭ تامىرىن تاپتى جانە ءوز سوزىمەن ءدوپ باستى. ەندى ىسىنە بەرەكە بەرگەي!
شىڭعىس مۇقاننىڭ facebook پاراقشاسىنان
Abai.kz
