قازاقستان پرەزيدەنتى قاسىم-جومارت توقاەۆ «iKomek» قوعامدىق قابىلداۋ جۇمىسىمەن تانىستى. بۇل تۋرالى اقوردانىڭ رەسمي سايتى جازدى.

مەملەكەت باسشىسىنا «109 Call-ورتالىعى» بىرىڭعاي بايلانىس ورتالىعىنىڭ جۇمىسى جانە «اشىق اكىمدىك» جوباسىنىڭ جۇزەگە اسىرىلۋ بارىسى جونىندە مالىمەت بەرىلدى.

سونىمەن قاتار، قازاقستان پرەزيدەنتى مونيتورينگ جانە شۇعىل ارەكەت ەتۋ احۋالدىق ورتالىعىنىڭ جۇمىسىمەن تانىستى.

قاسىم-جومارت توقاەۆتىڭ پىكىرىنشە «iKomek» ورتالىعىنىڭ تاجىريبەسىن رەسپۋبليكانىڭ بارلىق وڭىرلەرىنە كەڭىنەن تاراتۋ قاجەت.

كەزدەسۋ سوڭىندا مەملەكەت باسشىسى ەلىمىزدىڭ الەۋمەتتىك-ەكونوميكالىق جانە مادەني دامۋ سالاسىنا قوسقان ۇلەسى ءۇشىن «ميلح» جشس-ءنىڭ ديرەكتورى سەرگەي بلوكتى، رۋدنىي قالاسى اۋرۋحاناسىنىڭ باس دارىگەرى تالعات قايكەنوۆتى، «اليۋمينستروي» جشس-ءنىڭ ديرەكتورى اباي مۇقانوۆتى، «گرين» قوستاناي وبلىسى ازاماتتىق اليانسى» قوعامدىق قورىنىڭ ءتورايىمى دينارا وتەباەۆانى جانە ءبىلىم بەرۋ سالاسىنىڭ ارداگەرى ستانيسلاۆ ششەگەلسكايانى العىس حاتتارمەن ماراپاتتادى.

Abai.kz