بەلگىلى ءانشى، سىر ەلىنىڭ تالانتتى تۋماسى، قازاقستاننىڭ ەڭبەك سىڭىرگەن قايراتكەرى كومپوزيتور باتىرحان شوكەنوۆتىڭ تۋعان كۇنىنە ارنالعان ء"ان دەپ سوققان جۇرەگى» اتتى ۆوكالدى اسپاپتى انسامبلدەرىنىڭ كونتسەرتى ۇيىمداستىرىلدى،- دەپ حابارلايدى اباي-اقپارات.

شارادا وڭىرگە بەلگىلى «سىر سامالى»، «مەرەكە» ۆوكالدى اسپاپتى انسامبلدەرى ونەر كورسەتتى. وندا ب.شوكەنوۆتىڭ ورىنداعان اندەرى مەن كومپازيتسيالىق تۋىندىلارى شىرقالدى. سونداي-اق، جەكە ورىنداۋدا رەسپۋبليكالىق بايقاۋلاردىڭ لاۋرەاتى ر.ۇسەنوۆ، گ.بيسەكەنوۆا، د.جامانتاەۆ، ا.ناۋكەەۆالار كەش يەسىنىڭ «تۋعان دالام» «گۇل الماتى»، «ۆرەميا ليۋبۆي»، «وتپۋستي»، «دجۋليا»، «بەلايا رەكا» سياقتى تانىمال اندەرىن شىرقاپ، جيىلعان قاۋىمنىڭ قوشەمەتىنە بولەندى.

كونتسەرت بارىسىندا ءانشىنىڭ ءومىرى مەن شىعارماشىلىعىنا قاتىستى سۇراقتار قويىلىپ، شاراعا قاتىسۋشىلار بۇعان زور بەلسەندىلىك تانىتتى.

ايتا كەتەيىك، وتكەن جىلى قىزىلوردا قالاسىندا باتىرحان شوكەنوۆ اتىنداعى ساياباق اشىلدى. وندا سىر پەرزەنتىنىڭ «وتان-انا» كليپىندەگى قولىندا ساكسوفون ۇستاپ تۇرعان بەينەسى الىنعان. ەسكەرتكىشتىڭ جالپى بيىكتىگى 3,6 مەتر، ءمۇسىننىڭ بيىكتىگى – 2,2 مەتر، ماتەريالى – قولا; تۇعىردىڭ بيىكتىگى 1,6 مەتر

داۋرەن سەيىتجانۇلى

Abai.kz