ازات پەرۋاشەۆ باستاعان دانيا ەسپاەۆانىڭ شتابى اقمولا ۆاگون جوندەۋ ۇجىمىمەن كەزدەستى. كاسىپورىنعا بۇدان بولەك قر ءماجىلىسىنىڭ دەپۋتاتتارى بەرىك دۇيسەمبينوۆ مەن كەڭەس ابساتيروۆ، پارتيا فيليالىنىڭ توراعاسى اسقار سماعۇلوۆ، باسقا دا شتاب مۇشەلەرى قاتىستى.

اقمولا ۆاگون جوندەۋ زاۋىتى 1941 جىلى قۇرىلعان. مۇندا جىلىنا ءۇش مىڭداي ۆاگون جوندەيدى. قازىرگى تاڭدا زاۋىتتا 400-دەي ادام ەڭبەك ەتەدى.جالپى قازاقستاندا جيىرما شاقتى وسىنداي زاۋىت بار. ءوندىرىس كەزىندەگى بارلىق سۇراقتاردى كومپانيا ءوزى شەشەدى.

پرەزيدەنتتىككە ۇمىتكەر تۇڭعىش ايەلدىڭ سايلاۋالدى شتاب مۇشەلەرى زاۋىت ۇجىمىن دانيا ەسپاەۆانىڭ وتاندىق كاسىپورىنداردى قولداۋعا باعىتتالعان ۇسىنىستارىن جەتكىزدى.

ونەركاسىپ ماماندارى باسپانامەن قامتاماسىز ەتۋ، زەينەت جاسىنا بايلانىستى سۇراقتاردى قويدى. كوپشىلىكتى قازاقستانداعى جەمقورلىققا قارسى كۇرەس شارالارىنا بايلانىستى سۇراقتار دا قىزىقتىردى.

كەزدەسۋ بارىسىندا ۇمىتكەردىڭ قازاقستاندىق كاسىپورىندارعا ارنالعان سالىق تولەمى جۇيەسى جانە قارجىلاندىرۋعا بايلانىستى باستامالارى ءسوز بولدى.

«ماڭىزدى قولداۋ شارالارىنىڭ ءبىرى  - وتاندىق ونەركاسىپ ورىندارىنا جەڭىلدىكتەر قاراستىرۋ، - دەدى شتاب جەتەكشىسى ازات پەرۋاشەۆ. – ەۋرازيالىق ەكونوميكالىق ايماق شەڭبەرىندە، كوپتەگەن مەملەكەتتىك تاپسىرىس پەن تەندەرلەردى شەتەلدىكتەر الىپ جاتقانىن كورۋگە بولادى. ءبىزدىڭ ۇمىتكەر دانيا ەسپاەۆانىڭ ەسەبىنشە، قر «مەملەكەتتىك تاپسىرىستار تۋرالى» زاڭىنا، «سامۇرىق قازىنا» اق، ۇلتتىق كومپانيالارداعى تاپسىرىس تۋرالى ەرەجەسىنە «وتاندىق ءوندىرۋشى»، «قازاقستاندىق تاۋار» سىندى ۇعىمداردى قايتا ەنگىزۋى كەرەك.

سايلاۋالدى شتاب مۇشەلەرى «اق جول» پارتياسىنىڭ ۇمىتكەرى دانيا ەسپاەۆا شەتەلدىك مۇناي پايدالانۋشىلارىن وتاندىق وندىرۋشىلەردىڭ تاۋارى مەن قىزمەتىن پايدالانۋعا مىندەتتەۋ كەرەكتىگىن ايتتى.

ۇقساس كەزدەسۋلەردى «اق جول» پارتياسى ەلىمىزدەگى ءىرى ونەركاسىپتەردە وتكىزەتىن بولادى. دانيا ەسپاەۆانىڭ سايلاۋالدى ۇگىت ناۋقانى جالعاسۋدا.

*ماتەريالدىق اقىسى قازاقستان پرەزيدەنتتىگىنە ۇمىتكەر د.م.ەسپاەۆانىڭ سايلاۋ قورى قاراجاتىنىڭ ەسەبىنەن تولەندى.

Abai.kz