سەنات باسشىسىنىڭ «دوحي دەباتتارى» تەلەباعدارلاماسىنىڭ باسقارۋشى ديرەكتورى امدجاد اتاللاحپەن كەزدەسۋى بارىسىندا ءوزارا ءىس-قيمىلدىڭ كەلەشەگى زور جوبالارى، اتاپ ايتقاندا ەۋرازيالىق مەديا فورۋمنىڭ تەلەباعدارلامامەن ىنتىماقتاستىعى تالقىلاندى.

باعدارلامانىڭ ماقساتى – كوپجاقتى پىكىرسايىستار مەن ناقتى ءىس-قيمىلدار ارقىلى جاھاندىق پروبلەمالاردىڭ بىرلەسكەن شەشىمدەرىن ىزدەستىرۋ بولىپ تابىلادى.

بۇل ەۋرازيانىڭ جانە بۇكىل حالىقارالىق قوعامداستىقتىڭ گەوساياسي، ەكونوميكالىق، الەۋمەتتىك-مادەني دامۋىنىڭ نەگىزگى پروبلەمالارى بويىنشا ەركىن جانە اشىق پىكىرلەسۋ قالىپتاستىرۋعا باعىتتالعان ەامف ميسسياسىمەن ۇندەس كەلەدى.

ا. اتاللاح ەۋرازيالىق مەديا فورۋمدا 23 مامىر كۇنى «ماسس-مەديانىڭ ساندىق اقيقاتى: ءبىز سىن-قاتەردى قابىلدايمىز ما؟» تاقىرىبى بويىنشا وتىرىستا ءسوز سويلەدى.

Abai.kz