ءسىم 1963 جىلى قابىلدانعان ۆەنا كونۆەنتسياسىنا سىلتەمە جاساپ، بۇل قۇجات بويىنشا حالىقارالىق قارىم-قاتىناستا وزگە مەملەكەت ءبىر مەملەكەتتىڭ ىشكى ىسىنە ارالاسپايدى دەدى. «قازاقستان قىتاي ازاماتتارى بولىپ تابىلاتىن ەتنيكالىق قازاقتاردىڭ پروبلەماسىنا ارالاسا المايدى» دەپ جاۋاپ بەردى.
سونىمەن بىرگە ءسىم مالىمەتىنشە، 2018 جىلى قىتايدا تۇراتىن 14324 ەتنيكالىق قازاق، 2019 جىلى العاشقى ءتورت ايىندا 1929 ەتنيكالىق قازاق قازاقستان ازاماتتىعىن العان.
"قازاقستان سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ دەرەگىنشە، 2019 جىلى 1 قاڭتار - 15 مامىرعا دەيىن قىتايداعى 6506 ەتنيكالىق قازاق (قىتاي ازاماتتارى) قازاقستاندا تۇراتىن تۋىستارىنا كەلۋ ءۇشىن ۆيزا الدى. ال مينيسترلىككە قىتايدان قازاقستانعا كەلۋ ءۇشىن كومەك سۇراعان 343 ءوتىنىش ءتۇستى" دەپ جازىلعان سىرتقى ىستەر مينيسترلىگىنىڭ جاۋابىندا.
مينيسترلىكتىڭ مالىمدەۋىنشە، "قىتاي كوشى-قون زاڭناماسىن بۇزعان ەتنيكالىق قازاقتار قازاقستانعا شىعا الماي وتىر. قىتاي كوشى-قون رەجيمىن بۇزباعان ەتنيكالىق قازاقتارعا پەكين تاراپىنان كەدەرگى جوق".
2017 جىلدان باستاپ شىڭجاڭ ايماعىندا تۇراتىن ەتنيكالىق قازاقتار ساياسي تاربيەلەۋ ورتالىعىنا قامالىپ جاتقانى جايلى حابار تاراي باستاعان. قازاقستانداعى قازاقتار قىتايدا قالعان تۋىستارىنا قىسىم جاسالىپ جاتقانىن ايتىپ، نۇر-سۇلتاننان كومەك سۇراعان. قازاقستان سىرتقى ىستەر مينيسترلىگى قىتايداعى قازاقتاردا كومەك قولىن سوزاتىنىن مالىمدەگەن.
Abai.kz
