تالدىقورعاندا “7-20-25” باعدارلاماسى بويىنشا 375 پاتەرگە سۇرانىس تۇسكەن
![](https://abai.kz/content/uploads/2019/05/8m.jpg)
پرەزيدەنت نۇرسۇلتان ءابىشۇلى نازارباەۆتىڭ “پرەزيدەنتتىڭ بەس الەۋمەتتىك” باستاماسى اتتى ۇندەۋى بار. الەۋمەتتىڭ الەۋەتىن دامىتۋعا نەگىز بولعان بۇل باستاما قوعام تاراپىنان ۇلكەن قولداۋعا يە بولدى. ۇندەۋدىڭ ءبىرىنشى باستاماسى – ء“اربىر وتباسىنا باسپانا الۋدىڭ جاڭا مۇمكىندىكتەرىن بەرۋ” دەپ اتالادى.
ياعني، قازاقستانداعى ءار ازامات وتباسىن قۇرعاننان كەيىن مەملەكەت تاراپىنان ۇلكەن قولداۋعا يە بولماق. بۇل تۇرعىدا ءار وڭىردە وتە ىرگەلى ىستەر اتقارىلىپ جاتىر. ماسەلەن، بيىل جەتىسۋ وڭىرىندە 800 مىڭ شارشى مەترگە جۋىق باسپانا سالىنادى. وتكەن جىلى عانا الماتى وبلىسىنىڭ ورتالىعى تالدىقورعان قالاسىندا 60 پاتەرلى تۇرعىن ءۇيدىڭ قۇرىلىسى باستالعان بولاتىن. قۇرىلىسشىلار جىل ىشىندە-اق، باسپانالاردىڭ قابىرعاسىن تۇرعىزىپ، باستى جۇمىستارىن اياقتاعان. مۇندا ءدال قازىر سەكسەننەن استام ءوز ءىسىنىڭ ماماندارى ءۇي ىشىنە جوندەۋ جۇمىستارىن جۇرگىزىپ جاتىر. سولاردىڭ ءبىرى گۇلميرا باشاەۆا.ونىڭ ايتۋىنشا، جۇمىسشىلار تاڭەرتەڭ جۇمىسقا سەگىزدە كەلىپ، التىدا قايتادى. ءبىر-ەكى باسپاناعا 500-600 شارشى مەتردەن كەلەتىن كورىنەدى. ال، جۇمىسشىلاردىڭ تاپسىرىسى بەرىلگەن كولەمگە بايلانىستى، كەيدە ول تاپسىرىستار ءجۇز مىڭنان ەكى ءجۇز مىڭعا دەيىن جەتەتىن كورىنەدى. سونداي-اق، بيىل تالدىقورعان قالاسىندا 16 قاباتتى ءۇش باسپانانىڭ قۇرىلىسى اياقتالادى. قازىر، اتالعان عيماراتتىڭ سىرتقى كەلبەتى جوندەلىپ جاتقان كورىنەدى. ال، قالاداعى ەڭ بيىك سانالاتىن نىساندار دا بيىل پايدالانۋعا بەرىلمەك. بۇل باسپانالارعا العاشقى التى ايدا 230 شاڭىراق قونىستانادى. ءسويتىپ ولار ارمان بولعان باسپانالارىنا يە بولماق. بۇل تۇرعىنداردىڭ باسىم كوپشىلىگى تۇرعىن ءۇي قۇرىلىس جيناق بانكىنىڭ سالىمشىسى ەسەبىندە تىركەلسە، ال، قالعان جارتىسى ەلباسىمىز نۇرسۇلتان ءابىشۇلى نازارباەۆتىڭ باستاماسىمەن قولعا الىنعان “7-20-25” باعادارلاماسىنىڭ نەگىزىندە تۇرعىن ۇيگە قول جەتكىزبەك.
بۇل تۇرعىدا تالدىقورعان قالاسىنداعى قالالىق قۇرىلىس ءبولىمىنىڭ باسشىسى ەرجان تۇرىسپاەۆتىڭ ايتۋىنشا، اتالعان ءۇش نىساننىڭ قۇرىلىس جۇمىستارى 2017 جىلى باستالعان كورىنەدى. قازىر ەلباسىمىز نۇرسۇلتان ءابىشۇلى نازارباەۆتىڭ “نۇرلى جەر” باعدارلاماسىنىڭ اياسىندا قۇرىلىس جۇمىستارى جاسالىپ جاتىر. وسى ۋاقىتقا دەيىن الماتى وبلىسىنىڭ ورتالىعى تالدىقورعان قالاسىندا “7-20-25” باعدارلاماسى بويىنشا 375 پاتەرگە سۇرانىس تۇسكەن. ول وتىنىشتەردىڭ باسىم كوپشىلىگى مەملەكەتتىك قىزمەتكەرلەر ەسەبىنەن جۇرگىزىلگەن كورىنەدى.
جالپى، بيىل الماتى وبلىسىنا “نۇرلى جەر” باعدارلاماسى بويىنشا 19,1 ميلليارد تەڭگە قاراجات بولىنگەن. ول قارجىعا 333 باسپانا سالىنىپ جاتىر.
ال، وبلىستىق قۇرىلىس باسقارماسىنىڭ باستىعى داۋرەن جولجانوۆتىڭ ايتۋىنشا، ەلباسىمىز نۇرسۇلتان ءابىشۇلى نازارباەۆتىڭ “نۇرلى جەر” باعدارلاماسىنىڭ شەڭبەرىندە 79,3 مىڭ شارشى مەتر باسپانا سالىنىپ جاتقان كورىنەدى. ول سالىنىپ جاتقان تۇرعىن ۇيلەردىڭ قىرىق ەكى مىڭى نەسيەلىك ءۇي رەتىندە بەرىلەدى. ياعني، 458 پاتەر نەسيەگە بەرىلمەك. ال، سالىنىپ جاتقان ۇيلەردىڭ 32 مىڭ شارشى مەتر اۋماقتى الىپ جاتقان باسپانالاردىڭ 405 ءى ارەندالىق ءۇي بولىپ تابىلادى. وعان قوسىمشا، تاپسىرىلاتىن كوممۋنالدىق پاتەرلەر سانى 62.
سونىمەن قاتار، بيىل الماتى وبلىسىندا كوپبالالى وتباسىلارعا دا ۇلكەن كوڭىل بولىنبەك. اسىرەسە، كوپبالالى انالارعا بەرىلەتىن باسپانا ماسەلەسى ءجىتى نازارعا الىناتىن بولادى. الماتى وبلىسىنداعى كوپبالالى انالارعا ارنالعان باسپانا سالۋ ءۇشىن مەملەكەتتىك قازىنادان 5,6 ميلليارد تەڭگە قاراستىرىلعان. ولاردىڭ 672 ءسى التىن القا مەن كۇمىس القا يەگەرلەرىنە باسپانا بەرۋ ماسەلەسى ۇلكەن قارقىن الماق.
ەلباسىمىز نۇرسۇلتان ءابىشۇلى نازارباەۆ ءوزىنىڭ پرەزيدەنتتىڭ بەس الەۋمەتتىك باستاماسى اتتى حالىققا ۇندەۋىندە باسپاناسىز جۇرگەن كوپ ازاماتتىڭ ارمانى اقيقاتقا اينالۋ كەرەك دەگەن كورەگەن سوزدەر ايتقان بولاتىن. ەندى ءوڭىر باسشىلارى سول ارماندى ورىنداۋعا بەت العانىن وسىنداي ارەكەتتەر ارقىلى بايقاۋعا بولادى.
Abai.kz