قوي-جىلقىڭنان ءبىر تۇياق قالدىرماستان، قىزىل ۇكىمەت تارتىپ العان. قوراداعى مالدى قويشى، قازانىڭداعى قايناپ تۇرعان ەتىڭدى دە الىپ قويدى ەمەس پە؟ اشسىڭ! شيتتەي بالا-شاعاڭ "نان" دەپ شىرىلداپ جىلايدى. جان-دالباسالاپ سىرتقا شىعاسىڭ...

ال، اۋىلىڭنىڭ سىرتىندا مىناۋ سۋرەتتەگىدەي، پۋلەمەتتى قاپسىرا ۇستاپ، قىزىل ارميا تۇر. بۇلارعا تاپسىرما بەرىلگەن. بىرەۋ-مىرەۋ كولحوزدى تاستاپ شىقسا، اتىڭدار،-دەگەن...

«ماسسوۆىي يسحود كرەستيان ورگانيزوۆان ۆراگامي سوۆەتسكوي ۆلاستي، كونتررەۆوليۋتسيونەرامي… زاپرەتيت ۆسەمي ۆوزموجنىمي سرەدستۆامي ماسسوۆوە پەرەدۆيجەنيە كرەستيانستۆا ۋكراينى ي كازاحستانا ۆ گورودا»
1933 جىلى 22 قاڭتاردا مولوتوۆ جانە ءستاليننىڭ وسى ءبىر قۇپيا تاپسىرماسىن ورىنداۋ ءۇشىن، حۋتورلار مەن اۋىلداردىڭ سىرتىن اسكەر قورشاپ تۇردى.
ۋكرايندارعا قيىن بولدى. دەرەۆنيا مەن دەرەۆنيا اراسىندا جۇرۋگە تيىم سالىندى. شىقتىڭ ەكەن، اتادى! دەرەۆنياداعىلاردىڭ تۇگەلى اشتان ءولىپ بىتپەيىنشە، قىزىل اسكەر كەتپەي، تۇرىپ الدى. ال، قازاقتىڭ كولحوزدارىن سولداتتار قىسقا دەيىن عانا كۇزەتتى. سوسىن، كەتىپ قالدى. بىراق، قيان دالادا مالسىز، اتسىز قالساڭ، قىستىڭ ءوزى ساعان اجال قاراۋىلى ەمەس پە؟!

قازاق سونشا نەگە قىرىلا بەرگەن؟ بالىق اۋلاپ جەۋگە شاماسى كەلمەدى مە،-دەپ كوكيتىندەرگە!!!
1) كولحوزداستىرۋ قىستىڭ قاقاعىن سۋىعىندا ءجۇردى. بۇل كەزدە قانداي بالىق؟ قانداي اڭشىلىق؟
2) قوراداعى مالىڭنىڭ تۇگەلى ەتكە دەپ تارتىپ الىندى. تىرەرگە تۇياق قالدىرمادى!
3) اش حالىقتى كولحوزدان شىعارماي، اسكەريلەر قورشاپ تۇردى.
4) قازاقتاردى قالالارعا كىرگىزبەۋ ءۇشىن الماتى، تاشكەنت، قاراعاندى، قىسقاسى بۇكىل قالالاردىڭ سىرتىندا ارنايى جاساق تۇردى، پۋلەمەت ۇياشىقتارى قويىلدى.
5) امالىن تاۋىپ، قالاعا كىرىپ كەتكەن قازاقتاردى اڭشا اۋلادى، ۋلى تاماق بەرىپ ءولتىردى.

ەندى ايتشى؟ وسىدان كەيىن قالاي قىرىلمايسىڭ؟ وسىدان كەيىن، قالاي مۇنى گەنوتسيد دەمەيسىڭ؟! بۇگىن، جۇما نامازىندا جانە قادىر تۇنىندە وسى اشتان قىرىلعان اتا-بابامىز ءۇشىن دۇعا قايىرايىقشى!

نۇربەك بەكباۋدىڭ facebook پاراقشاسىنان

Abai.kz