1-ماۋسىم بالالاردى قورعاۋ كۇنى ەكەنى. بۇل بىزدە عانا ەمەس، دۇنيە حالقىنا ورتاق ايدىك داتا. سوناۋ 1949 جىلى حالىقارالىق دەموكراتيالىق ايەلدەر فەدەراتسيانىڭ ارنايى سەسسياسىندا قارار قابىلدانىپ، بالالاردى قورعاۋ كۇنى بەكىتىلگەن. ال 1950 جىلى العاش رەت بالالاردى قورعاۋ كۇنى اتالىپ ءوتىلدى.

بۇل ارناۋلى كۇن قازاقستان جۇرتى ءۇشىن دە تاڭسىق ەمەس. جىل سايىن ءتۇرلى شارالار ۇكىمەتتىك، مەملەكەتتىك دەڭگەيدە وتكىزىلۋدە. بيىل دا سالتتان اينىعان جوقپىز. اۋەلى، مەملەكەت باسشىسى قاسىم-جومارت توقاەۆ ءبىر توپ دارىندى بالالاردى قابىلداپ، ولاردى مەرەكەمەن قۇتتىقتادى.

مەملەكەت باسشىسىمەن كەزدەسۋگە ەل اۋماعىنداعى حالىقارالىق جانە رەسپۋبليكالىق وليمپيادالاردىڭ جۇلدەگەرلەرى، وقۋ ۇزدىكتەرى مەن بالالار ءۇيىنىڭ تاربيەلەنۋشىلەرى، كوپ بالالى وتباسىلاردىڭ بالالارى مەن دارىندى بالالار كەلدى. ولار قازاقستاننىڭ ءار اۋماعىنان جينالعان.

پرەزيدەنت قاسىم-جومارت توقاەۆ ءوز كەزەگىندە، بالالاردى ارنايى مەرەكەمەن قۇتتىقتادى.

– قازىرگى زاماندا ءبىلىمدى جانە كاسىبي مامان بولۋ وتە ماڭىزدى. ءبىلىمدى ادامنىڭ شاماسى بارىنە جەتەدى. سوندىقتان، سەندەردىڭ جاسىڭدا، ەڭ باستىسى، جاقسى وقىپ، ءبىلىم الۋ. ەلىمىزدىڭ لايىقتى ازاماتتارى بولاتىندارىڭا سەنىمدىمىن. سەندەرگە باقىت تىلەيمىن، – دەدى قازاقستان پرەزيدەنتى.

قازاقستان پرەزيدەنتىمەن كەزدەسۋگە ۇزىن-ىرعاسى 40-قا جۋىق بالا كەلگەن. ولارعا اقوردا رەزيدەنتسياسىندا ارنايى ەكسكۋتسيا ۇيىمداستىرىلدى.

ەكسكۋرسيا بارىسىندا قازاقستان تاريحىنداعى ەڭ ماڭىزدى شەشىمدەر قابىلدانعان ارنايى ورىندار تانىستىرىلدى. سونداي-اق، تۇڭعىش پرەزيدەنت نۇرسۇلتان نازارباەۆتىڭ تاۋەلسىزدىك تاريحىنداعى ەڭبەگىنە ەرەكشە كوڭىل ءبولىندى.

Abai.kz