2019 جىلدىڭ 9 ماۋسىمىناعى قر پرەزيدەنتىنىڭ سايلاۋى كۇنى نۇر-سۇلتان جانە الماتى قالالارىندا اۋە كەڭىستىگىن پايدالانۋ بويىنشا ءتيىستى شەكتەۋلەر ەنگىزىلمەك، دەپ حابارلادى ازاماتتىق اۆياتسيا كوميتەتى.

«2019 جىلعى 9 ماۋسىمدا ساعات 04:00-دەن 24:00-گە دەيىن نۇر-سۇلتان جانە الماتى قالالارىنىڭ اۋماقتارىندا ۇشقىشسىز ۇشۋ اپپاراتتارىن پايدالانۋ بويىنشا ۋاقىتشا شەكتەۋ قويىلادى. بۇل قر يدم، قر ءىىم جانە قر قورعانىس مينيسترلىگىنىڭ كەلىسىلگەن شەشىمى ەكەنىن حابارلايمىز. شەكتەۋلەر جەر بەتىنەن 500 مەترگە دەيىنگى بيىكتىككە قولدانىلادى»، - دەلىنگەن ازاماتتىق اۆياتسيا كوميتەتى مالىمەتىندە.

وسىعان بايلانىستى اتالعان ەلدى مەكەندەر بويىنشا بەلگىلەنگەن مەرزىمدە ۇشۋعا رۇقسات بەرىلمەيدى.

«بۇل شەكتەۋلەر نۇر-سۇلتان مەن الماتى اۋەجايلارىنىڭ قىزمەتىنە جانە جوسپارلى رەيستەردى جۇزەگە اسىرۋعا اسەر ەتپەيدى. شەكتەۋلى ۇشۋ ايماعىندا (ۇشقىشسىز ۇشۋ اپپاراتىن ۇشىرعان جاعدايدا) رۇقسات ەتىلمەگەن اپپاراتتى قولدانعان ادامعا 10 اەك مولشەرىندە، لاۋازىمدى تۇلعالارعا 20 اەك مولشەرىندە اكىمشىلىك ايىپپۇل سالىنادى (اكىمشىلىك كودەكسىنىڭ 563-بابى)»، - دەلىنگەن حابارلامادا.

Abai.kz