راحات، تيمۋرلار ءوز الدىنا، حراپۋنوۆ، شكولنيك سەكىلدى قازاقتىڭ كۇيەۋلەرى كوزمايلارى ءوسىپ، قاراساي بابام مەن شاپىراشتى ناۋرىزباي بابامنىڭ باتىرلىقتارى ارقاسىندا «امان قالعان» قازاق جەرىنىڭ بايلىعىن كەكىرىكتەرى ازعانشا ءىشىپ-جەگەنىمەن قويماي، شەت ەل اسىرىپ، شىبىن-شىركەيگە جەم ەتىپ جاتىر! قازىر كۇيەۋدىڭ كۇيەۋىنە شەيىن قازاقتىڭ قىر جەلكەسىنە ءمىنىپ الىپ، قانىن تەسپەي سورىپ وتىر.

رەسەيلىك «اتومرەدمەدزولوتو» ۋران حولدينگى بۇعان دەيىن جارتىسى قازاقستانعا تيەسىلى بولىپ كەلگەن «قاراتاۋ» جشس-نىڭ 50 پايىز اكتسياسىن بەرىپ، ەلىمىزدەگى ۋران نارىعىندا «قازاتومپرومنان» كەيىن بەلسەندىلىككە يە كانادالىق Uranium One حولدينگىنىڭ ديرەكتورلار كەڭەسىنە مۇشەلىككە ءوتتى. بۇرىندارى كانادالىق Uranium One دەپ اتالاتىن كومپانيا مەن «اتومرەدمەدزولوتو» ەكى جاقتاپ قازاقستان ۋرانىنا قانشا ۇمتىلعانىمەن نەگىزگى تالاپتى ءبىزدىڭ جاق قويىپ، ءبىزدىڭ دەگەنىمىز بولۋشى ەدى. ەندى «قازاتومپرومنىڭ» بۇرىنعى باسشىلىعى كەتىپ، ورنىنا شكولنيك باستاعان وتانسىزدار كەلگەننەن كەيىن رەسەي ۇكىمەتى قازاقتى ءبىر شىبىقپەن ورگىزىپ، جۋساتۋعا تولىق مۇمكىندىك الدى. ەستەرىڭىزگە سالا كەتەيىك، ءبىزدىڭ ەلىمىزدەگى ۋران ءوندىرۋشى رەسەيلىك ءىرى كاسىپورىنداردى وسى شكولنيكتىڭ كۇيەۋ بالاسى ۆاديم جيۆوۆ دەيتىن كاسىپكەر باسقارادى. ارينە، جيۆوۆ رەسەي ازاماتى!

راحات، تيمۋرلار ءوز الدىنا، حراپۋنوۆ، شكولنيك سەكىلدى قازاقتىڭ كۇيەۋلەرى كوزمايلارى ءوسىپ، قاراساي بابام مەن شاپىراشتى ناۋرىزباي بابامنىڭ باتىرلىقتارى ارقاسىندا «امان قالعان» قازاق جەرىنىڭ بايلىعىن كەكىرىكتەرى ازعانشا ءىشىپ-جەگەنىمەن قويماي، شەت ەل اسىرىپ، شىبىن-شىركەيگە جەم ەتىپ جاتىر! قازىر كۇيەۋدىڭ كۇيەۋىنە شەيىن قازاقتىڭ قىر جەلكەسىنە ءمىنىپ الىپ، قانىن تەسپەي سورىپ وتىر.

رەسەيلىك «اتومرەدمەدزولوتو» ۋران حولدينگى بۇعان دەيىن جارتىسى قازاقستانعا تيەسىلى بولىپ كەلگەن «قاراتاۋ» جشس-نىڭ 50 پايىز اكتسياسىن بەرىپ، ەلىمىزدەگى ۋران نارىعىندا «قازاتومپرومنان» كەيىن بەلسەندىلىككە يە كانادالىق Uranium One حولدينگىنىڭ ديرەكتورلار كەڭەسىنە مۇشەلىككە ءوتتى. بۇرىندارى كانادالىق Uranium One دەپ اتالاتىن كومپانيا مەن «اتومرەدمەدزولوتو» ەكى جاقتاپ قازاقستان ۋرانىنا قانشا ۇمتىلعانىمەن نەگىزگى تالاپتى ءبىزدىڭ جاق قويىپ، ءبىزدىڭ دەگەنىمىز بولۋشى ەدى. ەندى «قازاتومپرومنىڭ» بۇرىنعى باسشىلىعى كەتىپ، ورنىنا شكولنيك باستاعان وتانسىزدار كەلگەننەن كەيىن رەسەي ۇكىمەتى قازاقتى ءبىر شىبىقپەن ورگىزىپ، جۋساتۋعا تولىق مۇمكىندىك الدى. ەستەرىڭىزگە سالا كەتەيىك، ءبىزدىڭ ەلىمىزدەگى ۋران ءوندىرۋشى رەسەيلىك ءىرى كاسىپورىنداردى وسى شكولنيكتىڭ كۇيەۋ بالاسى ۆاديم جيۆوۆ دەيتىن كاسىپكەر باسقارادى. ارينە، جيۆوۆ رەسەي ازاماتى!

ۋران نارىعىن جاقسى بىلەتىن ساراپشىلاردىڭ ايتۋىنشا، «قازاتومپرومنىڭ» قازىرگى باسشىسى رەسەي مۇددەسىنە ەرىكسىز جول بەرەتىن تۇلعا. وسىعان دەيىن بىردە-ءبىر الپاۋىت ۋران ونەركاسىبى نارىعىندا جاكىشەۆكە دەگەنىن ىستەتە الماي كەلگەن. حالىقارالىق قاتىناستا بىربەتكەيلىگىمەن جانە بىلگىرلىگىمەن ءوز ورنىن تابا بىلگەن جاكىشەۆتىڭ الىمدىلىعىن مويىنداۋىمىز كەرەك. ەندىگى جەردە «اتاسى باسقا» شكولنيكتى قازاقستان مۇددەسى ءۇشىن قاسارىسادى دەگەنگە سەنۋ قيىن. ونىڭ ۇستىنە كۇيەۋ بالاسى وسى سالادا ناپاقا تاۋىپ جۇرسە، ءوزىنىڭ دە ءبىرشاما بيزنەسى، مۇلىك-مۇكامالى رەسەي جەرىندە بولسا، وندا شكولنيك-كۇيەۋ دە حراپۋنوۆشىلاپ كۇنى ەرتەڭ قۇيرىعىن ءبىر بۇلعاڭ ەتكىزبەسىنە كىم كەپىل؟!

«قازاقستان» اپتالىعى، №23 (263), 18-ماۋسىم، 2009 ج.

فوتو سوۆەتبەكا ماگزۋموۆا، استانا (http://www.liter.kz)