دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسى قازاقستان پرەزيدەنتى قاسىم-جومارت توقاەۆ انىقتاپ بەرگەن ەل دامۋىنىڭ ناقتى باعىتتارى مەن الدىمىزعا قويعان جاڭا مىندەتتەرىنە قولداۋ ءبىلدىردى.

كواليتسيا وتىرىسىندا «Nur Otan» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ ۇلىقتاۋ راسىمىندە مەملەكەت باسشىسى اتاپ كورسەتكەن بيلىك پەن قوعامنىڭ الدىندا تۇرعان ەڭ نەگىزگى ماقساتتارعا توقتالىپ ءوتتى.

– قازاقستان پرەزيدەنتى قاسىم-جومارت كەمەلۇلى توقاەۆ حالىقتىڭ تابىسىن ارتتىرۋ، سىبايلاس جەمقورلىقتى جويۋ، سوت جانە قۇقىق قورعاۋ جۇيەسىن رەفورمالاۋ، جاڭا جۇمىس ورىندارىن اشۋ، تۇرعىن ءۇي ماسەلەسىن شەشۋ، ادىلەتتى الەۋمەتتىك ساياسات، وڭىرلەردى دامىتۋدىڭ جاڭا باعدارى، «رۋحاني جاڭعىرۋ» باعدارلاماسىن جالعاستىرۋ، جاۋاپتى سىرتقى ساياسات، جاستارعا جان-جاقتى قولداۋ كورسەتۋ سياقتى ەل دامۋىنىڭ ناقتى باعىتتارىن اتاپ كورسەتتى. ولاردىڭ جۇزەگە اسىرىلۋى حالىقتىڭ ءال-اۋقاتىن ارتتىرىپ، ەكونوميكالىق جانە ساياسي جۇيەمىزدىڭ دامۋىنا تىڭ سەرپىن بەرەدى، – دەدى ول.

ماۋلەن اشىمباەۆ كواليتسيانىڭ العاش قۇرىلعان كۇننەن باستاپ جالپىۇلتتىق ديالوگقا قاتىستى باستامالاردى قولداپ كەلە جاتقانىن جانە اتالعان الاڭنىڭ قازىردىڭ وزىندە ءتيىمدى ديالوگ پەن ءتۇرلى ساياسي كۇشتەردىڭ ءوزارا قارىم-قاتىناسىنىڭ مودەلىنە اينالىپ ۇلگەرگەنىن ايتتى.

– ميلليونداعان قازاقستاندىقتاردىڭ پىكىرى مەن كوزقاراسىن بىلدىرەتىن دەموكراتيالىق كۇشتەردىڭ جالپىۇلتتىق كواليتسياسى وسىنداي ماڭىزدى كەزەڭدە ەلباسى ساياساتىنىڭ ساباقتاستىعىن قامتاماسىز ەتىپ، پرەزيدەنتىمىزدىڭ ەلدىڭ الدىنا قويىپ وتىرعان ماقساتتارعا قول جەتكىزۋىنە ءوزىنىڭ سومدى ۇلەسىن قوسۋ ءۇشىن جۇمىس ىستەيدى، – دەدى ماۋلەن اشىمباەۆ.

وتىرىسقا ەلدەگى جەتەكشى پارتيالاردىڭ باسشىلارى، پارلامەنت دەپۋتاتتارى، قازاقستان حالقى اسسامبلەياسىنىڭ، كاسىبي جانە قوعامدىق بىرلەستىكتەردىڭ وكىلدەرى قاتىسىپ، پىكىر ءبىلدىردى.

ءىس-شارا سوڭىندا بارشا قازاقستاندىقتاردى ىنتىماققا، بىرلىككە، قوعامدىق-ساياسي كۇشتەردى سايلاۋدان كەيىنگى كەزەڭدە ەلىمىزدىڭ ستراتەگيالىق ماقساتتارى جولىندا بىرىگۋگە، قازاقستان پرەزيدەنتىنىڭ ەل دامۋىنىڭ وزەكتى ماسەلەلەرىنە قاتىستى بيلىك پەن ازاماتتىق قوعام اراسىندا تۇراقتى جانە كونسترۋكتيۆتى ديالوگ قۇرۋ باستاماسىن قولداۋعا شاقىرعان ۇندەۋ قابىلداندى.

Abai.kz