بۇگىنگى كۇنى وبلىستاعى 9 ساۋىقتىرۋ ورتالىعى مەن دەمالىس لاگەرىندە ەكىنشى اۋىسىمدا 1300 بالا دەمالۋدا، - دەپ حابارلايدى اباي-اقپارات.

جاز سوڭىنا دەيىن اتالعان لاگەرلەردە 10 مىڭعا جۋىق بالا تىنىعاتىن بولادى. سونداي-اق، اتا-اناسىنىڭ قامقورلىعىنسىز قالعان، مۇگەدەك بالالار، كوپ بالالى جانە از قامتىلعان وتباسىلار بالالارىنىڭ دەمالىسى، تۋريستىك ەكسكۋرسيالار، ساياحاتتار، مەكتەپ جانىنداعى لاگەرلەر جانە قوسىمشا ءبىلىم بەرۋ باعىتىندا جۇزەگە اسىرىلماق.

ايتا كەتەيىك، الەۋمەتتىك از قامتىلعان وتباسىلارداعى 26 مىڭ بالا تولىعىمەن جازعى دەمالىسپەن قامتىلماق.

ال دەمەۋشىلەر ەسەبىنەن 16 مىڭ بالا (2018 ج 15,6 مىڭ بالا) تىنىقسا، «رۋحاني جاڭعىرۋ» باعدارلاماسى اياسىندا مەكتەپ ءتۋريزمىن جانداندىرۋ بويىنشا 20 مىڭ بالا (2018ج. – 15,5 مىڭ بالا) وڭىردەگى كيەلى تاريحي-مادەني ورىندارعا ساياحات جاسايدى.

قىزىلوردا وبلىستىق ءبىلىم باسقارماسى وڭىردەگى بارلىق ساۋىقتىرۋ جانە تىنىعۋ ورىندارىندا بالالاردىڭ جازعى ماۋسىمداعى دەمالىسى مەن قاۋىپسىزدىگىن قامتاماسىز ەتۋ قاتاڭ باقىلاۋعا الىنعاندىعىن جەتكىزدى.

Abai.kz