ەندى كوميسسيانىڭ قورىتىندىسى پارلامەنتتىڭ جالپى وتىرىسىندا قارالادى. كوميسسيا توراعاسى كانىبەك يماناليەۆ ەكس-پرەزيدەنتە تيىسپەۋشىلىق قۇقىعىن الىپ تاستاۋ ءۇشىن مىناداي كەزەڭدەردەن وتەتىنىن اتاپ ءوتتى: باستاماشىل توپتىڭ حاتى; ءپروفيلدى كوميتەتتىڭ قورىتىندىسى; كوميسسيا قۇرۋ; كوميتەت قورىتىندىسىن تالقىلاۋ; كوميسسيا قورىتىندىسىن جانە ءپروفيلدى كوميتەت قورىتىندىسىن تالقىلاۋ; باس پروكۋراتۋرا باعاسى; باس پروكۋراتۋرانىڭ بەرگەن باعاسىن پارلامەنتتە تالقىلاۋ; پارلامەنت شەشىمى.

باستاپقىدا كوميسسيا المازبەك اتامباەۆقا قارسى 9 ايىپ تاقتى، بىراق تالقىلاۋ كەزىندە تەك التاۋىن قالدىردى.

كوميسسيا تاققان ايىپتاۋلار مىنالار: اتامباەۆ پرەزيدەنت بولىپ تۇرعاندا باق جانە قوعام قايراتكەرلەرى مەن سوت، دەپۋتات وكىلدەرىن قۋعىندادى، قىلمىس الەمىنىڭ بەلسەندىسى ازيز باتۋكاەۆتى زاڭسىز بوساتتى، اتامباەۆ ءۇي سالعان كوي-تاشتاعى جەردى زاڭسىز يەلەندى، بىشكەك جىلۋ ەلەكتر ستانتسياسىنداعى كوررۋپتسيا.

قىرعىزستاننىڭ سوتسيال دەموكراتيالىق پارتياسى پارلامەنتتىڭ كونستيتۋتسيا تالاپتارىن بۇزىپ وتىرعانىن مالىمدەدى.

اتاپ ايتقاندا، المازبەك اتامباەۆ ەكس-پرەزيدەنت مارتەبەسىن 2017 جىلدىڭ قاراشا ايىندا الدى. ال ەكس-پرەزيدەنتتەر تۋرالى زاڭعا وزگەرىستەر 2019 جىلدىڭ ءساۋىر ايىندا قابىلداندى. كونستيتۋتسياعا سايكەس، جاۋاپتى تۇلعا تۋرالى زاڭنىڭ كەرى كۇشى جوق.

Abai.kz