Енді комиссияның қорытындысы парламенттің жалпы отырысында қаралады. Комиссия төрағасы Каныбек Иманалиев экс-президенте тиіспеушіліқ құқығын алып тастау үшін мынадай кезеңдерден өтетінін атап өтті: бастамашыл топтың хаты; профильді комитеттің қорытындысы; комиссия құру; комитет қорытындысын талқылау; комиссия қорытындысын және профильді комитет қорытындысын талқылау; бас прокуратура бағасы; бас прокуратураның берген бағасын парламентте талқылау; парламент шешімі.
Бастапқыда комиссия Алмазбек Атамбаевқа қарсы 9 айып тақты, бірақ талқылау кезінде тек алтауын қалдырды.
Комиссия таққан айыптаулар мыналар: Атамбаев президент болып тұрғанда БАҚ және қоғам қайраткерлері мен сот, депутат өкілдерін қуғындады, қылмыс әлемінің белсендісі Азиз Батукаевты заңсыз босатты, Атамбаев үй салған Кой-Таштағы жерді заңсыз иеленді, Бішкек жылу электр станциясындағы коррупция.
Қырғызстанның Социал демократиялық партиясы парламенттің Конституция талаптарын бұзып отырғанын мәлімдеді.
Атап айтқанда, Алмазбек Атамбаев экс-президент мәртебесін 2017 жылдың қараша айында алды. Ал экс-президенттер туралы заңға өзгерістер 2019 жылдың сәуір айында қабылданды. Конституцияға сәйкес, жауапты тұлға туралы заңның кері күші жоқ.
Abai.kz
