ونىڭ سوزىنشە، تۇرىك ارنايى قىزمەتى بۇۇ ساراپشىلارىنا ستامبۇلداعى ساۋد ارابيا ەلشىلىگىندەگى وقيعانىڭ اۋديوجازباسىنىڭ كوشىرمەسىن جىبەرگەن. "بۇل جازبا حاشوگگيدىڭ ساۋد ارابيا جوعارى لاۋازىمدى تۇلعالارى تاراپىنان الدىن الا جوسپارلانعان قاتىگەزدىكپەن جاسالعان ءولىمنىڭ قۇربانى بولعانىن كورسەتەدى",– دەپ اتاپ ءوتتى كالامار.

بۇۇ ەر-ريادتى جۋرناليست ءولىمىن تازا تەرگەمەدى دەپ ايىپتادى. كالامار قىلمىسقا جاۋاپتى ساۋد ارابيا بيلىگى دەپ، ولار حاشوگگي وتباسىنان كەشىرىم سۇراۋى ءتيىس دەدى.

بۇل باياندامادان كەيىن بىرقاتار مەملەكەت ساۋد ارابيانىڭ بيلىك وكىلدەرىنە سانكتسيا جاريالاۋى مۇمكىن. ولاردىڭ اراسىندا تاق مۇراگەرى موحاممەد بين سالمان دا بار.

جامال حاشوگگي 2018 جىلدىڭ قازان ايىندا قازا تاپتى. ونىڭ دەنەسى سول كۇيى تابىلمادى. ول ستامبۇلداعى ساۋد ارابيا كونسۋلدىعىنا بارعاننان كەيىن، ونى ەشكىم كورمەگەن. ال ساۋد ارابيا بيلىگىنىڭ تەرگەۋ ناتيجەسى بويىنشا، جۋرناليست كونسۋلدىق قىزمەتكەرىمەن سوزگە كەلىپ، ابايسىزدا قازا تاپقان.

Abai.kz