وسىلايشا پارلامەنت "قىرعىزستاننىڭ بۇرىنعى پرەزيدەنتى المازبەك اتامباەۆتى تيىسپەۋشىلىك مارتەبەسىنەن ايىرىپ، وعان ايىپ تاعۋ" تۋرالى قاۋلىنى قابىلداعان. ەندى پارلامەنت قاۋلىسى باس پروكۋراتۋراعا جىبەرىلمەك.

18 ماۋسىمدا جوگوركۋ كەنەشىنىڭ ەكى كوميتەتى اتامباەۆقا ايىپ تاققان كوميسسيا قورىتىندىسىن قولداعان ەدى. كوميسسيا توراعاسى كانىبەك يماناليەۆ جۋرناليستەرگە بۇرىنعى پرەزيدەنتتەن تيىسپەۋشىلىك مارتەبەسىن الىپ تاستاۋ سەگىز كەزەڭ بويىنشا جۇزەگە اسىرىلۋى ءتيىس ەكەنىن ايتقان:

باستاماشىل توپتىڭ حاتى;
پارلامەنتتىڭ سالالىق كوميتەتىنىڭ قورىتىندىسى;
كوميسسيانىڭ قۇرىلۋى;
كوميسسيا قورىتىندىسىن سالالىق كوميتەتتە قاراستىرۋ;
كوميسسيا مەن سالالىق كوميتەت قورىتىندىسىن ورتاق پالاتادا قاراۋ;
باس پروكۋراتۋرانىڭ باعا بەرۋى;
باس پروكۋراتۋرا باعاسىنىڭ پارلامەنتتە قارالۋى;
بۇرىنعى پرەزيدەنتتەن تيىسپەۋشىلىك مارتەبەسىن الىپ تاستاۋ-تاستاماۋ تۋرالى پارلامەنت شەشىمى.

اۋەل باستا كوميسسيا المازبەك اتامباەۆقا توعىز ايىپ تاققان، بىراق تالقىلاۋدان كەيىن ءۇش ايىپتى قىسقارتىپ، التى ايىپتى عانا قالدىردى. سەبەبى قالعان ۇشەۋى اتامباەۆتىڭ پرەزيدەنت بولىپ تۇرعان كەزگە قاتىسى جوعى ايتىلدى.

المازبەك اتامباەۆقا تومەندەگىدەي ايىپتار تاعىلعان:

دەپۋتاتتار، سوت، قوعامدىق بەلسەندىلەر مەن باق-تى قۋدالاۋ;
قىلمىستىق توپ مۇشەسى ازيز باتۋكاەۆتى زاڭسىز بوساتۋ;
كوي-تاش اۋىلىنداعى جەردى زاڭسىز يەمدەنۋ (مۇندا اتامباەۆ ءۇي سالعان);
"اكا پەترولەۋم" جانە "اكا ينۆەست" كومپانيالارمەن استىرتىن بايلانىس جاساعان بولۋى مۇمكىن;
بىشكەك تەتس-ءىن جاڭارتۋ جوباسى كەزىندەگى جەمقورلىق ارەكەت;
بىشكەك تەتس-ىنە زاڭسىز كومىر تاسىمالداۋ ىسىنە قاتىسى بولۋى مۇمكىن.​

ال المازبەك اتامباەۆتىڭ جاقتاستارىنان قۇرالعان قىرعىزستاننىڭ سوتسيال-دەموكراتيالىق پارتياسى كوميسسيانىڭ زاڭسىز قۇرىلعانىن ايتتى.

Abai.kz