تۇركيا پرەزيدەنتى رەجەپ تايىپ ەردوعان ارىستاعى اپاتقا بايلانىستى قازاقستان پرەزيدەنتى قاسىم-جومارت تووقاەۆقا كوڭىل ايتۋ جەدەلحاتىن جولدادى. بۇل تۋرالى اقوردا سايتى حابارلادى.

 "تۇركىستان وبلىسى ارىس قالاسىنداعى اسكەري بولىمشەدەگى وق-ءدارى قويماسىندا بولعان جارىلىس سالدارىنان ادامداردىڭ زارداپ شەككەندەرى تۋرالى اقپاراتتى زور كۇيزەلىسپەن قابىلدادىم.

قازاقستان حالقىنىڭ اۋىر قايعىسىنا ورتاق ەكەنىمىزدى بىلدىرەمىن. تۇرىك حالقىنىڭ جانە جەكە ءوزىمنىڭ اتىمنان قىمباتتى باۋىرىم سىزگە، باۋىرلاس قازاق حالقىنا،  قازا بولعانداردىڭ جاقىندارىنا قايعىرىپ كوڭىل ايتامىن", - دەلىنگەن جەدەلحاتتا.

Abai.kz