Түркия президенті Режеп Тайып Ердоған Арыстағы апатқа байланысты Қазақстан президенті Қасым-Жомарт Тооқаевқа көңіл айту жеделхатын жолдады. Бұл туралы Ақорда сайты хабарлады.

 "Түркістан облысы Арыс қаласындағы әскери бөлімшедегі оқ-дәрі қоймасында болған жарылыс салдарынан адамдардың зардап шеккендері туралы ақпаратты зор күйзеліспен қабылдадым.

Қазақстан халқының ауыр қайғысына ортақ екенімізді білдіремін. Түрік халқының және жеке өзімнің атымнан қымбатты бауырым Сізге, бауырлас қазақ халқына,  қаза болғандардың жақындарына қайғырып көңіл айтамын", - делінген жеделхатта.

Abai.kz