ەلىمىزدەگى سوڭعى جىلدارى بايقالاتىن ءبىر جاعىمسىز فاكتور - جانجالدى شەشۋشى مەملەكەتتىك ينستيتۋتتاردىڭ، ستراتەگيانىڭ جوقتىعى. قازىر بىزگە بۇل ينتستيتۋت اۋاداي قاجەت.

ويتكەنى ەلدەگى الەۋمەتتىك جاعداي ناشارلاعان سايىن، ۇلتتىق جانە ەتنوستىق قاقتىعىستار، الەۋمەتتىك تولقۋلار، حالىقتىق ەرەۋىلدەر كوبەيە بەرەدى. ونىڭ ءبارىن مولدانىڭ "اللا رازىلىعى ءۇشىن تارايىق" دەۋى شەشە المايدى. جالپى حالىقتىق تولقۋلار ساتىندە مولدا، يمام، ءانشى، ءارتىس دەگەندەردى قولدانۋ قاتە. ويتكەنى حالىق تالابىن ءبيلىككە قويادى، يمام مەن انشىگە ەمەس. ال بيلىكتەگىلەردىڭ ديالوگ جۇرگىزۋ دەڭگەيىن كورىپ وتىرمىز.

سوندىقتان دا، وسىنداي جانجالدى رەتتەۋ جولدارىن بىلمەگەندىكتەن، جاڭاوزەن، جەر ماسەلەسى، قاراعاندى وقيعاسى مەن بيىل تىم كوبەيىپ كەتكەن ميتينگتەر ورىن الدى(الۋدا).

ارينە، جانجالدىڭ شەشىمى - ونىڭ سەبەبىن تابۋ جانە رەتتەۋ. الايدا الاڭعا شىققان حالىققا "سول سەبەپتى تابامىز، شەشەمىز" دەۋدى ناقتى، سەنىمدى ءارى شىنايى، حالىق پسيحولوگياسى مەن ميتينگ اتموسفەراسىن سەزە الاتىن شەنەۋنىكتەر ايتۋى ءتيىس. ولار وكىنىشكە وراي تىم از.

اسحات قاسەنعاليدىڭ facebook پاراقشاسىنان

Abai.kz