قر پرەمەر-ءمينيسترى اسقار ءماميننىڭ توراعالىعىمەن قر ۇكىمەتىنىڭ وتىرىسى ءوتتى. كۇن تارتىبىندە مەملەكەت باسشىسى قاسىم-جومارت توقاەۆتىڭ قر تۇڭعىش پرەزيدەنتى - ەلباسى نۇرسۇلتان نازارباەۆتىڭ قازاقستاندىقتاردىڭ ءال-اۋقاتىن ارتتىرۋ بويىنشا ستراتەگياسىنىڭ جالعاسى بولىپ تابىلاتىن الەۋمەتتىك ماسەلەلەردى شەشۋ بويىنشا تاپسىرمالارىن ورىنداۋ ماسەلەلەرى قارالدى. 

قر ۇكىمەتىنىڭ وتىرىسى كەزىندە 2019-2021 جىلدارعا ارنالعان رەسپۋبليكالىق بيۋدجەتكە جانە 2017 – 2021 جىلدارعا ارنالعان، شاعىن نەسيەلەندىرۋ قۇرالدارىن كەڭەيتۋگە، گرانتتار بولۋگە، قىسقا مەرزىمدى وقىتۋعا جانە كاسىپكەرلىك نەگىزدەرىنە وقىتۋعا باعىتتالعان   «ەڭبەك» ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ مەملەكەتتىك باعدارلاماسىنا وزگەرىستەر مەن تولىقتىرۋلار ەنگىزۋ تۋرالى قاۋلى جوبالارى قابىلداندى. جۇمىسسىزداردى ءونىمدى جۇمىسپەن قامتۋعا تارتۋدىڭ ماڭىزدىلىعىن ەسكەرە وتىرىپ، «ەڭبەك» مەملەكەتتىك باعدارلاماسىنىڭ تەتىكتەرىن كەڭەيتۋگە قوسىمشا 50 ملرد تەڭگە قارالادى.

«قازاقستاندىقتاردىڭ ءال-اۋقاتىن ارتتىرۋ - قر ۇكىمەتىنىڭ جۇمىسىنىڭ نەگىزگى باعىتى»، – دەدى اسقار مامين. مينيسترلەر كابينەتىنىڭ ءبىرىنشى كەزەكتەگى مىندەتى - الەۋمەتتىك قولداۋ شارالارىن ىسكە اسىرۋعا بىردەن كىرىسۋ، ولاردى ۋاقىتىلى ورىنداۋ ءۇشىن بارلىق ۇيىمداستىرۋشىلىق جانە قۇقىقتىق ءىس-شارالاردى شۇعىل جۇرگىزۋ. بۇل ازاماتتاردىڭ ماتەريالدىق ءال-اۋقاتىن جاقسارتۋعا مۇمكىندىك بەرەدى.

قر ۇكىمەتىنىڭ باسشىسى مەملەكەتتىك ورگاندارعا ءبىر اپتا ىشىندە ازاماتتاردىڭ بورىش جۇكتەمەسىن ازايتۋعا بولىنگەن قاراجاتتى پايدالانۋ تەتىكتەرىن ايقىنداۋدى، ازاماتتاردىڭ كەپىلسىز تۇتىنۋشىلىق نەسيەلەرى بويىنشا جيناقتالعا ايىپپۇلدار مەن ءوسىمپۇلداردى ەسەپتەن شىعارۋدى تاپسىردى.

سونىمەن قاتار قر پرەمەر-ءمينيسترى جۇمىسقا ورنالاسۋعا مۇقتاج ادامداردى ىزدەۋ مەن بوس جۇمىس ورىندارىن تولتىرۋدىڭ بەلسەندى فورماتىنا كوشۋ ارقىلى حالىقتى جۇمىسپەن قامتۋ ورتالىقتارىنىڭ جۇمىسىن جەتىلدىرۋدى تاپسىردى.

تۇرعىن ۇيمەن قامتاماسىز ەتۋ باعىتى بويىنشا مەملەكەتتىك ورگاندارعا جۇمىس ىستەيتىن جاستار اراسىندا تۇرعىن ءۇي ءبولۋ تەتىگىن بەكىتۋدى اياقتاۋدى جانە تۇرعىدان از قامتىلعان وتباسىلارعا تۇرعىن ءۇي ساتىپ الۋ ءۇشىن جەڭىلدىكتى نەسيەلەر بەرۋ تەتىگىن ىسكە قوسۋدى جەدەلدەتۋ تاپسىرىلدى.

«1 قىركۇيەكتەن باستاپ تۇرمىسى تومەن جانە كوپبالالى وتباسىلاردان شىققان بالالارعا 5 مىڭ نىسانالى ءبىلىم گرانتى قوسىمشا بولىنەدى، جۇمىسشى ماماندىقتارىنىڭ ستيپەندياسى 30 پايىزعا ارتادى»، - دەدى اسقار مامين جانە وسى گرانتتاردى بەرۋدى قامتاماسىز ەتۋدى تاپسىردى.

بارلىق وڭىرلەردىڭ اكىمدەرىنە بۇكىل نورماتيۆتىك راسىمدەردى قاتاڭ ساقتاۋ، اتاۋلى الەۋمەتتىك كومەك الۋشىلارعا مونيتورينگ جۇرگىزۋ تاپسىرىلدى.

تۇرعىنداردى ناتيجەلى جۇمىسپەن قامتۋ شارالارىمەن قامتۋدى ارتتىرۋ ءۇشىن قر پرەمەر-مينيسترىنە اتىراۋ، جامبىل، الماتى، اقتوبە جانە تۇركىستان وبلىستارىنىڭ وڭ تاجىريبەسىن ەسكەرۋمەن تۇرعىنداردىڭ تابىسىن ارتتىرۋ ءۇشىن وڭىرلەردىڭ سكرينينگىن ىسكە اسىرۋ جوسپارىن جانە ادىستەمەسىن ازىرلەۋ تاپسىرىلدى. سكرينينگ بازاسىندا كاسىپكەرلەر مەن ءۇي شارۋاسىنداعى ايەلدەرگە ساۋالناما جۇرگىزۋ قامتاماسىز ەتىلەدى.

«قابىلدانىپ جاتقان شارالار ەڭ الدىمەن ناقتى مۇقتاج ازاماتتاردى قولداۋعا، ونىڭ ىشىندە جاستاردى قولداۋعا، سونداي-اق ادامداردى جۇمىسپەن قامتۋعا باعىتتالعان، — دەدى قر پرەمەر-ءمينيسترى. — ءبىزدىڭ ازاماتتارىمىزدىڭ پروبلەمالارىن شەشۋ كوپ جاعدايدا ۇيلەسىمدى جۇمىسقا بايلانىستى».

Abai.kz