ۇمىتپاساق،  1994 جىلدىڭ  شىلدە ايى. دۇرىسى شىلدە ايىنىڭ 6-شى جۇلدىزى. جوعارعى كەڭەستىڭ كەزەكتى ءبىر جيىنىنا كەلگەن نۇرسۇلتان نازارباەۆ ەلورداسىن سول كەزدەگى تسەلينوگراد قالاسىنا كوشىرۋ تۋرالى ۇسىنىس ايتتى. پرەزيدەنت بۇنىڭ الدىندا دا رەسمي ورتالىقتى ەلىمىزدىڭ سولتۇستىك ايماعىنا اپارۋدىڭ ستراتەگيالىق ماڭىزدىلىعىن ءسوز ەتىپ جۇرگەن. قارا نان مەن قانت شايعا قاراپ قالعان بۇقارا جۇرت تۇگىل ءسارتىستى ساياساتكەرلەردىڭ ءوزى نۇرسۇلتان ءابىشۇلىنىڭ الگى ۇسىنىسىنا ءمان بەرۋ بىلاي تۇرسىن، ول ۋاقىتتا تەگىس قارسى بولعان. «قالت-قۇلت ەتىپ وتىرىپ قالا سالۋ قولىمىزدان قايدان كەلە قويسىن، بۇل دەگەن قىپ-قىزىل شىعىن عوي» دەپ شۋلاعان جوعارعى كەڭەس دەپۋتاتتارىنىڭ الدىندا تۇرىپ ەلباسىمىز  6 شىلدە ءوزىنىڭ تۋعان كۇنى ەكەنىن ەسكە تۇسىرگەن ەدى. بۇل  - مازمۇنى اسا كۇردەلى ساسياي ماسەلەنى ادامي قارىم-قاتىناستىڭ قاراپايىم جولىمەن شەشۋدىڭ ءبىر ءتاسىلى-تۇعىن. جوعارعى كەڭەستىڭ تورىندە وتىرعان   ءابىش كەكىلباەۆ  اعامىز ۇلكەن باسىن يزەپ-يزەپ جىبەرىپ: «بۇگىن نۇرسۇلتان ءابىشۇلىنىڭ تۋعان كۇنى ەكەن. تۋعان كۇنىنە سىيلىعىمىز بولسىن -  استانانى اقموللا قالاسىنا كوشىرۋ جايىنداعى ونىڭ ۇسىنىسىن ماقۇل كورەيىك»،- دەگەن-ءدى كۇلىمسىرەپ.

ەلوردامىزدى سارىارقا توسىنەن كوتەرۋ ءىسى سودان كەيىن رەت-رەتىمەن باستالىپ كەتتى.

ۇمىتپاساق،  1994 جىلدىڭ  شىلدە ايى. دۇرىسى شىلدە ايىنىڭ 6-شى جۇلدىزى. جوعارعى كەڭەستىڭ كەزەكتى ءبىر جيىنىنا كەلگەن نۇرسۇلتان نازارباەۆ ەلورداسىن سول كەزدەگى تسەلينوگراد قالاسىنا كوشىرۋ تۋرالى ۇسىنىس ايتتى. پرەزيدەنت بۇنىڭ الدىندا دا رەسمي ورتالىقتى ەلىمىزدىڭ سولتۇستىك ايماعىنا اپارۋدىڭ ستراتەگيالىق ماڭىزدىلىعىن ءسوز ەتىپ جۇرگەن. قارا نان مەن قانت شايعا قاراپ قالعان بۇقارا جۇرت تۇگىل ءسارتىستى ساياساتكەرلەردىڭ ءوزى نۇرسۇلتان ءابىشۇلىنىڭ الگى ۇسىنىسىنا ءمان بەرۋ بىلاي تۇرسىن، ول ۋاقىتتا تەگىس قارسى بولعان. «قالت-قۇلت ەتىپ وتىرىپ قالا سالۋ قولىمىزدان قايدان كەلە قويسىن، بۇل دەگەن قىپ-قىزىل شىعىن عوي» دەپ شۋلاعان جوعارعى كەڭەس دەپۋتاتتارىنىڭ الدىندا تۇرىپ ەلباسىمىز  6 شىلدە ءوزىنىڭ تۋعان كۇنى ەكەنىن ەسكە تۇسىرگەن ەدى. بۇل  - مازمۇنى اسا كۇردەلى ساسياي ماسەلەنى ادامي قارىم-قاتىناستىڭ قاراپايىم جولىمەن شەشۋدىڭ ءبىر ءتاسىلى-تۇعىن. جوعارعى كەڭەستىڭ تورىندە وتىرعان   ءابىش كەكىلباەۆ  اعامىز ۇلكەن باسىن يزەپ-يزەپ جىبەرىپ: «بۇگىن نۇرسۇلتان ءابىشۇلىنىڭ تۋعان كۇنى ەكەن. تۋعان كۇنىنە سىيلىعىمىز بولسىن -  استانانى اقموللا قالاسىنا كوشىرۋ جايىنداعى ونىڭ ۇسىنىسىن ماقۇل كورەيىك»،- دەگەن-ءدى كۇلىمسىرەپ.

ەلوردامىزدى سارىارقا توسىنەن كوتەرۋ ءىسى سودان كەيىن رەت-رەتىمەن باستالىپ كەتتى.

قازىر استانا باستاپقى قالپىنان قازاقىلانىپ قازاقتىڭ قاراكوز قالاسىنا اينالىپ كەلەدى. كوشەسى دە دابىرلاسقان قازاق ۇنىنە تولا باستادى. ەشكىم قولىنان جەتەكتەپ اكەلىپ، قۇشاعىن جايماسا دا ءبىزدىڭ قايسار ەل استاناعا اعىلىپ بارىپ جاتىر. حالىقتىڭ ىشىندەگى وسى قوزعالىس ەندى بىرەر جىلدا سولتۇستىك ايماعىمىزدى تۇگەل يەگەرىپ كەتەتىنىنە كۇمانىمىز كەم.

العاشقى مۇشەلىڭ قۇتتى بولسىن، استانا! كەرەگەڭ كەڭىپ، شاڭىراعىڭ بيكتەي بەرسىن! الاشتىڭ اسپان استىنداعى ايبارلى شاھارى بول!

www.Abai.kz اقپاراتتىق پورتالىنىڭ ۇجىمى