مەملەكەتتىك كوميسسيالار مەن مينيسترلىك وكىلدەرىنىڭ باسشىلىعىمەن ەلىمىزدە ماۋسىمنىڭ 4 مەن 10 ارالىعىندا 154 تەستىلەۋدى وتكىزۋ پۋنكتتەرىندە (49 قالادا، 105 اۋىلدىق جەرلەردە ورنالاسقان) ۇلتتىق بىرىڭعاي تەستىلەۋ (ۇبت) وتكىزىلدى.
مەملەكەتتىك كوميسسيالاردى اۋدان اكىمدەرىنىڭ ورىنباسارلارى، اۋداندىق ءبىلىم بولىمدەرىنىڭ باستىقتارى جانە ءبىلىم بەرۋ ۇيىمدارىنىڭ باسشىلارى باسقاردى.
مينيسترلىك ۇبت-نى وتكىزۋ ءۇشىن تەستىلەۋ پۋنكتتەرىنە 154 اپەللياتسيالىق كوميسسيالاردىڭ توراعالارىن، 154 پروگرامميستى، 270 مينيسترلىك وكىلدەرىن جىبەردى.
تەستىلەۋ كەزىندە اۋديتوريالاردا اتا-انالار مەن بۇقارالىق اقپارات قۇرالدارى جانە ۇكىمەتتىك ەمەس ۇيىمداردىڭ وكىلدەرىنەن 2 باقىلاۋشىدان قاتىستى.
تەستىلەۋ ءراسىمىن ۇيىمداسقان تۇردە وتكىزۋ ماقساتىندا استانا، الماتى جانە شىمكەنت قالالارىندا ۇبت-نى وتكىزۋ جانە ۇيلەستىرۋ جونىندەگى شتابتار قۇرىلدى.
وبلىس ورتالىقتارىنا قوسىمشا مينيسترلىكتىڭ 13 قىزمەتكەرى جىبەرىلدى.
ۇبت-عا ەنگىزىلگەن وزگەرىستەر:
- تەستىلەۋ ۋاقىتى 30 مينۋتقا ۇزارتىلدى;
- تەست تاپسىرمالارىنىڭ مازمۇنى، ءارى تەحنيكالىق سەبەپتەر بويىنشا اپەللياتسيالىق وتىنىشتەر ءبىر ۋاقىتتا قابىلداندى;
- ۇيعىر، وزبەك، تاجىك مەكتەپتەرىنىڭ بىتىرۋشىلەرى ءوز قالاۋلارى بويىنشا ۇبت-نى قازاق جانە ورىس تىلدەرىندە تاپسىرۋ مۇمكىندىكتەرىنە يە بولدى;
- ءبىر لەكتەگى ادامداردىڭ سانى 800-گە دەيىن ازايتىلدى.
- لەكتەردىڭ سانى 5-دەن 7-گە دەيىن كوبەيدى;

مەملەكەتتىك كوميسسيالار مەن مينيسترلىك وكىلدەرىنىڭ باسشىلىعىمەن ەلىمىزدە ماۋسىمنىڭ 4 مەن 10 ارالىعىندا 154 تەستىلەۋدى وتكىزۋ پۋنكتتەرىندە (49 قالادا، 105 اۋىلدىق جەرلەردە ورنالاسقان) ۇلتتىق بىرىڭعاي تەستىلەۋ (ۇبت) وتكىزىلدى.
مەملەكەتتىك كوميسسيالاردى اۋدان اكىمدەرىنىڭ ورىنباسارلارى، اۋداندىق ءبىلىم بولىمدەرىنىڭ باستىقتارى جانە ءبىلىم بەرۋ ۇيىمدارىنىڭ باسشىلارى باسقاردى.
مينيسترلىك ۇبت-نى وتكىزۋ ءۇشىن تەستىلەۋ پۋنكتتەرىنە 154 اپەللياتسيالىق كوميسسيالاردىڭ توراعالارىن، 154 پروگرامميستى، 270 مينيسترلىك وكىلدەرىن جىبەردى.
تەستىلەۋ كەزىندە اۋديتوريالاردا اتا-انالار مەن بۇقارالىق اقپارات قۇرالدارى جانە ۇكىمەتتىك ەمەس ۇيىمداردىڭ وكىلدەرىنەن 2 باقىلاۋشىدان قاتىستى.
تەستىلەۋ ءراسىمىن ۇيىمداسقان تۇردە وتكىزۋ ماقساتىندا استانا، الماتى جانە شىمكەنت قالالارىندا ۇبت-نى وتكىزۋ جانە ۇيلەستىرۋ جونىندەگى شتابتار قۇرىلدى.
وبلىس ورتالىقتارىنا قوسىمشا مينيسترلىكتىڭ 13 قىزمەتكەرى جىبەرىلدى.
ۇبت-عا ەنگىزىلگەن وزگەرىستەر:
- تەستىلەۋ ۋاقىتى 30 مينۋتقا ۇزارتىلدى;
- تەست تاپسىرمالارىنىڭ مازمۇنى، ءارى تەحنيكالىق سەبەپتەر بويىنشا اپەللياتسيالىق وتىنىشتەر ءبىر ۋاقىتتا قابىلداندى;
- ۇيعىر، وزبەك، تاجىك مەكتەپتەرىنىڭ بىتىرۋشىلەرى ءوز قالاۋلارى بويىنشا ۇبت-نى قازاق جانە ورىس تىلدەرىندە تاپسىرۋ مۇمكىندىكتەرىنە يە بولدى;
- ءبىر لەكتەگى ادامداردىڭ سانى 800-گە دەيىن ازايتىلدى.
- لەكتەردىڭ سانى 5-دەن 7-گە دەيىن كوبەيدى;
- تەست تاپسىرمالارىنىڭ بازاسىنا تالداۋ جاسالىپ، جاڭارتىلدى;
- سكانەردىڭ دۇرىس جۇمىس جاساۋى تەست باستالماس بۇرىن ارنايى باعدارلامامەن تەكسەرىلدى. وبلىس ورتالىقتارىندا تەحنيكالىق قۇرالداردىڭ رەزەرۆى دايارلاندى.
- مينيسترلىكتىڭ جاۋاپتى قىزمەتكەرلەرى اعىمداعى جىلعى قاڭتاردان باستاپ بارلىق وبلىستاردا ۇبت-نى وتكىزۋ ءتارتىبى جونىندە مەكتەپ بىتىرۋشىلەر، ولاردىڭ اتا-انالارى جانە پەداگوگتار اراسىندا ءتۇسىندىرۋ جۇمىستارىن جۇرگىزدى.
- رەسپۋبليكا كولەمىندە بيىلعى ۇبت-نى وتكىزۋ ءتارتىبى تۋرالى 3 رەسپۋبليكالىق ينتەراكتيۆتىك ساباق وتكىزىلدى;
- بۇقارالىق اقپارات قۇرالدارىنا 300-دەن استام حابارلامالار جىبەرىلدى;
- ۇبت-ى تۋرالى اقپاراتتىق ماتەريالدار مينيسترلىكتىڭ سايتىنا ورنالاستىرىلدى;
- مەملەكەتتىك كوميسسيالاردىڭ مۇشەلەرى، مەكتەپ بىتىرۋشىلەر ءۇشىن ۇبت-نى وتكىزۋ ءتارتىبى تۋرالى جادىنامالار ازىرلەنىپ، تاراتىلدى;
- مەملەكەتتىك كوميسسيالاردىڭ مۇشەلەرى، كەزەكشىلەر، مينيسترلىك وكىلدەرى مەن پروگرامميستەر، اپەللياتسيالىق كوميسسيالاردىڭ توراعالارى ءۇشىن وڭىرلىك وقىتۋ سەمينارلارى مەن ترەنينگتەر وتكىزىلدى;
- تەلەارنالاردا ۇبت-ى تۋرالى اقپاراتتىق روليكتەر كورسەتىلدى. مەكتەپ بىتىرۋشىلەردىڭ ۇبت-عا ەڭ كوپ قاتىسقانى: الماتى قالاسىنان – 90,5 %; شىعىس قازاقستان - 89,2 %; پاۆلودار وبلىسىنان – 87,6%. از قاتىسقان قوستاناي 69,6%; ماڭعىستاۋ 71,9%; قىزىلوردا وبلىستارىنان 73,3 %.
رەسپۋبليكا بويىنشا ورتاشا بالل 74,9 قۇرادى.
“التىن بەلگىگە” ۇمىتكەر 2 938 ءبىتىرۋشىنىڭ، 2845-ءى تەستىلەۋگە قاتىسىپ، ولاردىڭ 1547-ءى (54,4 %) وزدەرىنىڭ ۇزدىك بىلىمدەرىن راستادى.
8 مەكتەپ ءبىتىرۋشى 125 بالل جينادى. ولار: باتىس قازاقستان وبلىسىنداعى دارىندى بالالارعا ارنالعان وبلىستىق مەكتەپتىڭ تۇلەگى امانعاليەۆا شىنار، ماڭعىستاۋ وبلىسى بەينەۋ مەكتەبىنىڭ تۇلەگى بايبوزتەگى اقنيەت، جاۋتىكوۆ اتىنداعى رەسپۋبليكالىق مامانداندىرىلعان فيزيكا-ماتەماتيكالىق مەكتەپ-ينتەرناتتىڭ تۇلەگى جەكسەنباەۆ ابىلاي، سولتۇستىك قازاقستان وبلىسى چيريكوۆ مەكتەبىنىڭ تۇلەگى ەسەناەۆا جادىرا، تالدىقورعان قالاسىنداعى № 20 مەكتەپتىڭ تۇلەگى قوجامۇراتوۆا اراي، الماتى قالاسىنداعى № 21 گيمنازيانىڭ تۇلەگى مەنشوۆا اننا، باتىس قازاقستان وبلىسىنداعى دارىندى بالالارعا ارنالعان وبلىستىق مەكتەپتىڭ تۇلەگى نۇراباي ارايلىم، جامبىل وبلىسى مەركە اۋدانىنىڭ № 17 مەكتەبىنىڭ تۇلەگى حاسەنوۆا سابيرا.
11 374 (10,64 %) وقۋشى 100 بالدان ارتىق بالل جينادى.
15 476 (14, 48 %) وقۋشى 45 باللدان تومەن بالل جينادى.
تەستىلەۋ كەزىندە مينيسترلىك وكىلدەرى مەن مەملەكەتتىك كوميسسيالاردىڭ مۇشەلەرى ۇبت-ى تەحنولوگياسىنىڭ بۇزىلۋىنا ارەكەت جاساعانداردى انىقتادى جانە الدىن الدى.
اپەللياتسيالاردى قاراۋ جونىندەگى رەسپۋبليكالىق كوميسسياعا 4-9 ماۋسىم ارالىعىندا 1034 وتىنىشتەر ءتۇستى.
603 اپەللياتسيا قاناعاتتاندىرىلعان جوق.
431 اپەللياتسيا قاناعاتتاندىرىلدى.
10 ماۋسىم كۇنى وتكىزىلگەن تەستىلەۋ ءۇشىن اپەللياتسيا 11 ماۋسىم ساعات 13.00-گە دەيىن جالعاسادى.
جالپى العاندا، ءبىلىم جانە عىلىم مينيسترلىگىنىڭ، ۇلتتىق قاۋىپسىزدىك كوميتەتىنىڭ، جەرگىلىكتى اتقارۋشى ورگانداردىڭ جانە باسقا دا مەملەكەتتىك ورگانداردىڭ ۇيىمداسقان جۇمىسى بايقالدى.
باقىلاۋشىلار تەستىلەۋ ءراسىمىنىڭ ءوتۋ بارىسىنا كوڭىلدەرىنىڭ تولاتىنىن ءبىلدىردى. ولار ۇيىمداستىرۋشىلاردىڭ تەست تاپسىرۋشىلاردى اۋديتورياعا كىرگىزۋ جانە ورىندارىنا وتىرعىزۋ جۇمىستارىنىڭ دۇرىس جولعا قويىلعاندىعىن اتاپ ءوتتى. اۋديتوريادا تەست تاپسىرۋشىلاردىڭ ءوزىن-ءوزى ۇستاۋ ەرەجەسى، جاۋاپ پاراقتارىنىڭ بلانكىسىن تولتىرۋ، ەمتيحان ماتەريالدارىمەن جۇمىس ىستەۋ جونىندەگى اقپاراتتىق-ءتۇسىندىرۋ جۇمىستارى جەتكىلىكتى دەڭگەيدە جۇرگىزىلدى. سونىمەن قاتار، ولار تەستىلەۋ بارىسىنداعى ۇيىمداستىرۋشىلار مەن كەزەكشىلەردىڭ ءوزارا تۇسىنىستىكپەن اتقارعان جۇمىستارىنا ريزاشىلىقتارىن ءبىلدىردى. باقىلاۋشىلاردىڭ پىكىرلەرى بويىنشا، اۋديتوريا كەزەكشىلەرى تەستىلەۋ كەزىندە تۋىنداعان ءاربىر سۇراققا بايىپپەن قاراپ، ناقتى جاۋاپتار بەرە بىلگەن.
ۇبت-نىڭ ناتيجەلەرىنە تالداۋ جاسالىنىپ، مەكتەپتەردەگى وقۋ-تاربيە پروتسەسىن، ستاندارتتار مەن وقۋ باعدارلامالارىن جەتىلدىرۋ، مۇعالىمدەردى دايارلاۋدى جانە ولاردىڭ بىلىكتىلىگىن كوتەرۋدى ۇيىمداستىرۋ كەزىندە پايدالانىلاتىن بولادى.

«اباي-ينفورم»