وسى ورىستىڭ پريمادونناسى اللا پۋگاچەۆاعا تاڭدانىپ ءجۇرۋشى ەدىم. پاي-پاي، شىركىن! پاڭ عوي: پراۆيتەل پاتشاسىن دا، پۋتين-مۋتيندەردى دە، دۋماسىنداعى دوڭكيگەن دەپۋتات-سەپۋتاتتاردى دا - قىسقاسى، ەشكىمدى ۇرمايدى. وزگەلەر ەنشىلىك ەتە المايتىن ونەرى مەن تالانتىنا تابىنعان تانتىلەرى تۇرعاندا، باستىققا باس يۋگە يكەمى جوق. بىزدەگىدەي بيلىكشى وعان «ءويت-ءبۇيت»، «ايت-قايت»، «جات-تۇر» دەي المايدى. دەگەنىن بەت-جۇزىنە قاراماي، قالپاعىن قايىرىپ، يت تەرىسىن باسىنا كەپتەي سالادى.

اللا جارىلقاعىر اللانىڭ استاناعا كەلىپ، شاقىرۋمەن كونتسەرت قويعانىن دا ەستىگەن ەمەسپىن. تورتكۇل دۇنيەدەن توگىلىپ، ءتۇرلى-تۇستىلەرى..، «سەر» دەگەن سەرى اتاعى بار ەلتون دجونعا دەيىن كەلىپ جاتىر. ال اللا استاناعا اتتاپ باسپايدى. باسسا بولدى، ءبىر جىلدىق جالاقىسىنا پاراپار سومانى سىپىرىپ كەتەيىن دەپ تۇر. بىراق باسپايدى.

بۇل ەندى - مىنەز! ول مىنەز ونەردەن ءورىپ شىقتى ما، جوق تۋمىسىنداعى تەگى سول ما - ايتەۋىر ورىس-قازاقتىڭ اكىم-قاراسىن ءيتپىسىڭ-كىسىمىسىڭ دەمەيدى. اقشادان ارتىق بايلىق پەن ەتتەن ەرەن شايلىقتىڭ اراسىن ايىرا الاتىن ادام الدامشى بولا الماسا كەرەك.

وسى ورىستىڭ پريمادونناسى اللا پۋگاچەۆاعا تاڭدانىپ ءجۇرۋشى ەدىم. پاي-پاي، شىركىن! پاڭ عوي: پراۆيتەل پاتشاسىن دا، پۋتين-مۋتيندەردى دە، دۋماسىنداعى دوڭكيگەن دەپۋتات-سەپۋتاتتاردى دا - قىسقاسى، ەشكىمدى ۇرمايدى. وزگەلەر ەنشىلىك ەتە المايتىن ونەرى مەن تالانتىنا تابىنعان تانتىلەرى تۇرعاندا، باستىققا باس يۋگە يكەمى جوق. بىزدەگىدەي بيلىكشى وعان «ءويت-ءبۇيت»، «ايت-قايت»، «جات-تۇر» دەي المايدى. دەگەنىن بەت-جۇزىنە قاراماي، قالپاعىن قايىرىپ، يت تەرىسىن باسىنا كەپتەي سالادى.

اللا جارىلقاعىر اللانىڭ استاناعا كەلىپ، شاقىرۋمەن كونتسەرت قويعانىن دا ەستىگەن ەمەسپىن. تورتكۇل دۇنيەدەن توگىلىپ، ءتۇرلى-تۇستىلەرى..، «سەر» دەگەن سەرى اتاعى بار ەلتون دجونعا دەيىن كەلىپ جاتىر. ال اللا استاناعا اتتاپ باسپايدى. باسسا بولدى، ءبىر جىلدىق جالاقىسىنا پاراپار سومانى سىپىرىپ كەتەيىن دەپ تۇر. بىراق باسپايدى.

بۇل ەندى - مىنەز! ول مىنەز ونەردەن ءورىپ شىقتى ما، جوق تۋمىسىنداعى تەگى سول ما - ايتەۋىر ورىس-قازاقتىڭ اكىم-قاراسىن ءيتپىسىڭ-كىسىمىسىڭ دەمەيدى. اقشادان ارتىق بايلىق پەن ەتتەن ەرەن شايلىقتىڭ اراسىن ايىرا الاتىن ادام الدامشى بولا الماسا كەرەك.

انە، الەمگە ايگىلى ءانشى ستينگ تە استانانىڭ وكىل اكەسىمەن بىرگە وتەتىن استا-توك تويىن تارك ەتتى. ساحناسى ساقاداي ساي تۇرعان كونتسەرتىن كەرى بۇرىپ، كەتە باردى. ونەردىڭ تازالىعىن تانيتىن تۇلعا تويدا قادىرىن كەتىرمەيدى. ايتپەسە ول ءبىر كونتسەرتىمەن بىرنەشە ميلليون دوللاردى دوربالاپ اكەتە الار ەدى. ويتپەدى! ويتكەنى ونەردەگى ءوز ەسىمى وعان «وي، قانداي!» قىمبات!

ايتپاقشى، ونەردى قادىرلەيتىن ادامعا «فانات» دەگەن اتى بار ءتانتى جۇرتى بيشىكەشتەن بيىك بولادى. سودان عوي ستينگتىڭ ايتقانى: «جۇمىسشىلاردىڭ اشتىق جاريالاۋىنا، مىڭداپ ەرەۋىلدەپ جاتۋىنا، ولاردىڭ تۇرمەگە قامالۋىنا مەن نارازىلىقتىڭ وسىنداي ۆيرتۋالدىق ءتۇرىن تانىتامىن»، - دەپ. ول مۇنايشىلاردى ەرەۋىلگە شىعۋعا، اشتىق جاريالاۋعا، تۇرمەگە قامالۋعا ءماجبۇر ەتكەن اقوردانى وسىلاي وسىپ-وسىپ تاستادى.

وسقاندا - وڭدىرمادى. ايدىك الەمنىڭ نازارىن نازارباەۆتىڭ تويىنان بۇرىن، ماڭعىستاۋ مايدانىنا بۇردى دا قويدى. قازىر ماڭعىستاۋدىڭ ماسەلەسىن ميلليوندار ءبىلىپ وتىر. ءباسپاسوز بەن تەلەجاشىكتى بىلاي قويعاندا، sting.com ينتەرنەت-سايتىنان تاراعان تاقىرىپتى تاۋلىگىنە توقسان ميلليون ءتانتى تىنتەدى ەكەن. ول ءتانتىنىڭ «تانتىرەگىن» تىڭدايتىن دوس-جارانى بار ەكەنىن ەسكەرسەك، بەس كۇننەن بەرى ستينگتىڭ سايتىنان مۇنايشىلار مۇڭىنا ميلليوندار ءمالىم بولدى. ءانشىنىڭ الپەتىن بەرى بۇرۋعا اقوردانىڭ اقشاسى جەتپەيدى. بۇل ەندى ونەردىڭ تاعى ءبىر قۇدىرەتى بولسا كەرەك.

ول از دەسەڭ، ستينگ ايتادى: «مەن قازاقستاندىق مۇنايشىلار مەن ولاردىڭ وتباسىلارىن قولداۋدى توقتاتپايمىن»، - دەپ. ال، ەندەشە، مۋزىكا! بيلە، استانا، جىرتىعىڭنان جىلتىراعان بوكسەڭدى قاي جاماۋمەن جاسقار ەكەنسىڭ!

...كەشە ستينگتىڭ كونتسەرتىنەن قۇر قالىپ قايتقان كورشىم كەلدى. مەنىڭ «گازەتي ساياساتىمدى» «ساسىق» دەپ، سىعىرايا قارايتىن قالتالى ەدى: «ستينگتى جازاسىڭ با، ءبىر گازەت الا كەلشى...» - دەيدى سالى سۋعا كەتكەن كەيىپپەن.

«وقى، باۋىرىم، بىزدە دە ءجۇر عوي، پريمادوننالار مەن مەترلەر... ءار قادامىن مەترلەپ»...

«وبششەستۆەننايا پوزيتسيا»

(پروەكت «DAT» № 25 (108) 6 شىلدە 2011 جىل